Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Premiera “Ngjarje në Cirk” si një udhëtim virtual shfaqet për publikun

Postuar: 22/06/2018 - 07:55

Filmi “Ngjarje në Cirk" me skenar dhe regji nga Jonid Jorgji u shfaq premierë për publikun. Një film 360 gradë virtual reality, dhe sipas regjisorit Jonid Jorgji është hera e parë që realizohet i tillë jo vetëm në Shqipëri, por në të gjithë rajonin. Gjatë filmit shikuesit përjetuan një udhëtim virtual nëpër ngjarjet e ndryshme, që ndodhin brenda një çadre cirku. “Për arsyen e vetme, sepse teknika 360 gradë VR është një teknikë specifike dhe tepër e vështirë për t’u siguruar dhe punuar me të. Por veçantia e këtij zhanri është realiteti në të cilën ai e fokuson 100 përqind  spektatorin, i cili futet në brendësi të filmit. Spektatori me anë të syzeve dhe kufjeve 360 gradë VR bëhet dhe vete personazh në film dhe zgjedh vetë këndvështrimin e filmit. Kjo është një teknikë e re e cila po futet me vrull në kinematografi këto vitet e fundit dhe pritet të jetë dominante në prodhimet artistike”, tregon regjisori. Rolet në film regjisori ia ka besuar aktorëve Arjeta Dhima dhe Alfred Zeneli. Jorgji tregon se skenarin "Ngjarje në Cirk" e ka shkruar një ditë dimri. “Teksa isha i izoluar me grip në shtëpi dhe mendja më shkonte te 1000 aktivitete që do doja ti bëja dhe nuk kisha mundësi fizike ti realizoja. Kështu është dhe historia e dy personazheve të këtij rrëfimi. Janë dy personazhe cirku me aftësi të kufizuara, të cilët pasi hasen me një surprizë të çuditshme, një kalë gjigand, fillojnë e thurin ëndrra me kalin. Të dy zihen e shahen se kush e kush ta vjedh i pari kalin e cirkut, por harrojnë se asnjëri nga të dy nuk mund ti hipi atij kali sepse nuk munden fizikisht. Cirku është vendi ku ambientohet kjo ngjarje sa reale po aq edhe surreale. Realitet që të fokusonte dhe të nxirrte plotësisht nga realiteti jetësor i përditshëm. Ashtu sikurse cirku dikur për ne fëmijët, tani më duheshin syzet 360 VR për të ikur nga realiteti”, tregon regjisori. Mundësuar nga Fondi Kulturor Zviceran regjisori Jonid Jorgji prodhoi filmin e parë VR në Shqipëri, që u shfaq në Cineplexx tek TEG. “Ne fillim kur vendosa te realizoj një film të tillë ishte e vështirë gati e pamundur, por më vonë dëshira shtohej dhe këmbëngulja u bë më e madhe, dhe ja sot ia dolëm të bëjmë një premierë 360 gradë VR. Një ndihmë e veçantë për realizimin e këtij filmi dha dhe Swiss Culural Fund Albania dhe Ambasada Zviceriane”, tregon regjisori. Jonid Jorgji ka realizuar disa filma të shkurtër si regjisor dhe skenarist ndër vite si, "Syllambyllazi" ,"Ditëlindja e Kristit", “Ëndrra e një nate Vjeshte”, “Të gjithë qajnë”, “Ditët e Humbura” ndër të cilat është vlerësuar dhe me çmime ndërkombëtare. Po ashtu ka realizuar një sërë dokumentarësh televiziv dhe emisionesh televizive.

/Agjensia e Lajmeve Sot News/

Na Beni Like Ne Facebook: 
Total votes: 9

Lajme nga e njejta kategori

Postuar: 18/07/2018 - 20:26

Artistët që janë kundër ligjit që i hap rrugë prishjes së Teatrit Kombëtar dhe atij Eksperimental, kanë thënë sot se ambasadorja e BE ka pranuar një takim me a qenë Kastriot Çipi i cili në emër të Aleancës për Mbroj

Postuar: 18/07/2018 - 17:48

Kjo ishte lamtumira e fundit e familjarëve, miqve dhe kolegëve që ndanë vite pune me Ilia Terpini

Postuar: 18/07/2018 - 17:29

Aleanca për Mbrojten e Teatrit ka komentuar projektligjin e qeverisë që do të sjellë ndryshime

Postuar: 18/07/2018 - 07:35

 Ministrja e Kulturës, Mirela Kumbaro në një dalje të saj në media u shpreh se Galeria Kombë

Postuar: 18/07/2018 - 07:33

 "Vagonat prej letre” është vepra që ka bërë bashkë për realizimin e saj kompozit

Postuar: 18/07/2018 - 07:32

Artisti Helidon Gjergji çel sot ekspozitën personale “Shkodra Lake” ( Liqeni i Shkodr

Postuar: 18/07/2018 - 07:29

 Muzeu Arkeologjik i Tiranës në vëmendjen e specialistëve të trashëgimisë, por jo të shtetit