Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Punimet e 16 artistëve, për herë të parë në ekspozitën "Gjergji i Kastriotëve"

Postuar: 23/02/2018 - 08:50

Ekspozita "Gjergji i Kastriotëve" do të prezantohet për publikun me punimet e 16 artistëve në Qendrën Rinore të Tiranës. Kjo ekspozitë e artit pamor, që prezanton punime të reja për publikun, krijoi një bashkëpunim të ngushtë me vetë qendrën për të organizuar një aktivitet artistik në “Vitin e Skënderbeut”. Ekspozita që bën bashkë 16 artistë është e organizuar nga Daniela Malile dhe e kuron piktorja Ila Selo. Piktore dhe kuratore Ila Selo tregon se ekspozita është e ndërtuar nga zhanre dhe teknika të ndryshme të artit pamor, si skulpturë, vizatim, pikturë, video art, art dixhital dhe më gjerë. “Artisti ka qenë i lirë të shprehë emocionin dhe imagjinatën e tij drejt një figure mjaft të rëndësishme për popullin shqiptar, pra figura e heroit tonë kombëtar Gjergj Kastriot Skënderbeu. Krijimet e 16 artistëve janë mjaft kreative dhe vërtetë mbresëlënëse, ku ka shumëllojshmëri idesh, që vijnë nga imazhi historik, luftëtar, jeta, dhe mbi të gjitha luhet edhe simbolika mes asaj që jemi dhe asaj që heroi ynë ka luftuar”, tregon kuratorja Ila Selo. Ekspozita çelet më datë 26 shkurt dhe do të qëndrojë për publikun dhe në data 27 dhe 28 të këtij muaji. Kuratorja tregon se në kuadër të kësaj iniciative artistike kulturore, fton publikun të marri pjesë në hapjen e ekspozitës si mbështetje për artistin dhe një rikujtesë historie në formën piktoreske. “Nëse fjala më e njohur e Skënderbeut ishte “Lirinë nuk jua solla unë, por e gjeta këtu mes jush”, unë dua të shpreh diçka tjetër që në atë çka luftoi Skënderbeu unë e shtoj, ajo është “Artin nuk jua sollëm ne, por e gjetëm këtu mes nesh”. Bota artistike është mjaft e gjerë dhe ka liri të menduari, krijuari dhe ideuari, por që ky art të ec përpara dhe të lulëzoj duhet mbështetja e të gjithëve”, pohon kuratorja Ila Selo.

Ekspozita dhe bashkëpunimi

Në ekspozitën që do të çelet për publikun, ku janë pjesëmarrës me veprat e tyre 16 artistë shqiptarë ka gjithashtu dhe kontributin modest të gjithsecilit prej tyre. Kuratorja tregon se kanë një bashkëpunim të mirë me Qendrën Rinore, e cila herë pas here po krijon mundësi për ekspozita të ndryshme. Kjo ekspozitë sipas saj vjen pas “Poetekës Shqiptare”, që u hap disa ditë më parë. “Jemi 16 artistë, të cilët jemi mbledhur me një shumë modeste, duke qenë dhe pamundësitë kemi arritur të organizohemi në një ekspozitë. Zanafillën e kemi nga Qendra Rinore e Tiranës, që kur organizuam ekspozitën “Poetika Shqiptare” na kërkuan të organizohemi në një ekspozitë tjetër për “Vitin e Skënderbeut””, pohon piktorja dhe kuratorja. Më tej Selo tregon se dhe këtë herë e pranuan ftesën për bashkëpunimin edhe pse një kohë e paktë ata ia dolën të sjellin Skënderbeun me veprat e tyre në pikturë, vizatime, etj. “Normalisht që pranuam edhe përse ishte një kohë relativisht e shkurtër, por ja dolëm të sillnim një risi ndryshe, Skënderbeun, jetën e tij në pikturë dhe më gjerë me mendimet e artistëve dhe fantazitë e tyre. Si artiste le të them se ne kemi një imazh të fuqishëm historik të një kombi, i cili i flet bukur jetës së Skënderbeut, por ama imazhet mungojnë dhe ne kemi veç një imazh portretin e tij dhe atë mbi kalë. Artisti mund ta ketë të lehtë të krijojë çdo lloj imagjinate, ishte dëshira e gjithsecilit që të prekte imazhin e heroit tonë kombëtar”, shton më tej piktorja dhe kuratorja Ila Selo. Ekspozita që vjen për publikun është e para këtë vit me punime të reja kushtuar heroit kombëtar./ Julia VRAPI

/Agjensia e Lajmeve Sot News/

Na Beni Like Ne Facebook: 
Total votes: 23

Lajme nga e njejta kategori

Postuar: 19/09/2018 - 07:51

Arkivi Qendror Shtetëror i Filmit prezantoi të martën në mbrëmje përzgjedhjen e dytë me filma të animuar të viteve ‘90.

Postuar: 19/09/2018 - 07:50

Drama “Peng” shkruar dhe me regji nga Saimir Gongo pritet të jetë premierë te “

Postuar: 19/09/2018 - 07:48

Ekspertë nga Europa Nostra, organizata kryesore e trashëgimisë në Europë dhe Instituti i Bankës E

Postuar: 19/09/2018 - 07:46

Orkestra e TOB zhvillon provat në sallën e Ministrisë së Kulturës, por edhe pse një situatë kalim

Postuar: 18/09/2018 - 07:57

Teatri Kombëtar Eksperimental “Kujtim Spahivogli” bën me dije se çel stinën teatrore

Postuar: 18/09/2018 - 07:55

Janë pesë vepra premiera shqiptare që do të vijnë për publikun në skenën e Teatrit Metropol gjatë

Postuar: 18/09/2018 - 07:51

Zëri i artistëve për probleme të ndryshme sipas tyre nuk është dëgjuar nga Ministria e Kulturës.