BREAKING NEWS

Policia del me reagim ZYRTAR për ngjarjen e rëndë që ndodhi në Tiranë (Zbardhen detajet kush është i kërkuari për masakrën e Lushnjes që i drejtoi armën punonjësit të Shqiponjave)

Policia del me reagim ZYRTAR për ngjarjen e rëndë që ndodhi
x

Kultura

Rikonstruksioni i sallës së arteve, specialistët në takim për projektin

Rikonstruksioni i sallës së arteve, specialistët në takim

Specialistë të universitetit të Firences së bashkë me ata shqiptarë zhvilluan një takim për projektin e rikonstruksionit të sallës së koncerteve në Universitetin e Arteve. Ministrja e Kulturës Elva Margariti shprehet, se ndërhyrja në këtë sallë do të jetë e vështirë, por gjatë këtij takimi është diskutuar për hapat, që do të merren në vijim. Me rëndësi për ministren e Kulturës Margariti është dhe fakti, që të ruhet i paprekur projekti i arkitekturës së viteve ’30-’40. “Së bashku me specialistë nga Universiteti i Firenze-s, përfaqësues të Kooperacionit Italian, TAP, Universitetit të Arteve, studios së projektimit "Atelier 4" dhe Institutit Kombëtar të Trashëgimisë Kulturore, diskutuam mbi hapat e ndërmarrë për hartimin e projektit për rikonstruksionin e Sallës së Koncerteve të Universitetit të Arteve. Ndërhyrja do të jetë e vështirë, me qëllim që ajo t’i përgjigjet standardeve ndërkombëtare dhe kërkesave të artistëve, por nga ana tjetër, të ruhet i paprekur projekti i Gherardo Bosio-s, kjo stoli e arkitekturës e viteve ’30-’40”, shprehet ministrja e Kulturës. Për ministren Elva Margariti kjo sallë me këtë ndërhyrje do të kthehet, në një pol të rëndësishëm kulturor. “Kjo sallë do të jetë pjesë e Kampusit të ri Universitar, që do të kthehet në një pol të rëndësishëm kulturor dhe nga ana tjetër, pjesë e memories arkitekturore të këtij vendi”, thotë ministrja Margariti. Godina e Akademisë së Arteve sot Universiteti i Arteve është një monument i trashëgimisë kulturore në rrethin e Tiranës. Ky monument është i llojit "Arkitekturë", i miratuar me numër 122 më 5.3.2007. Godina ndërtohet gjatë viteve 40’ për të qenë një objekt për argëtim, kjo godinë është pjesë e një ansambli më të gjerë ku bëjnë pjesë Universiteti Politeknik, Rektorati dhe muzeu Arkeologjik. Ky ansambël kaq i madh do të kishte dhe funksionin e dopo-lavoros për borgjezinë fashiste, që jetonte në Tiranë. Objekti është projektuar nga arkitekti Gherardo Bosio, ku tashmë salla e universitetit pritet ti nënshtrohet një ndërhyrje për rregullimin e saj. Për rregullimin e sallës është pohuar dhe më herët, nga pedagogët e arteve që kanë kërkuar një ndërhyrje.