Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Rumuni Dan Coman: E dua poezinë, por është gjinia më e vështirë

Rumuni Dan Coman: E dua poezinë, por është gjinia më e vështirë

Postuar: 14/08/2015 - 09:03

Shkrimtari rumun Dan Coman është fituesi i katërt i bursës për Rezidencën e Shkrimtarëve dhe Përkthyesve letrarë “Tirana in Between- 2015”, organizuar nga “Poeteka” dhe mbështetur nga “Traduki”, në bashkëpunim me Ministrinë e Kulturës.
 
Ai do të qëndrojë në Tiranë gjatë muajit gusht, ku do të realizojë projektin e tij letrar lidhur me një lloj të veçantë të krijimtarisë: poezi-portretet. Dan Coman, i vlerësuar me disa çmime të rëndësishme letrare, si çmimin kombëtar të poezisë “Mihai Eminescu” nuk do të mbetej një artist i ri, i mirë vetëm në vendin e tij. Në Festivalin Ndërkombëtar të Letërsisë që u mbajt në Slloveni, në vitin 2011ai do të citohej si një ndër më të mirët e këtij 10-vjeçari. Pas kësaj, Dan Coman do të kthehej në një emër të kërkuar nga përkthyesit në Evropë. “Për mua nuk janë aspak të rëndësishëm çmimet, por leximet. Sot kam në dorë një antologji në shqip, ku janë përkthyer disa nga poezitë e mia dhe kjo më gëzon më shumë se çmimet”, tregon ai gjatë qëndrimit në Tiranë. Rumuni Coman njihet për lëvrimin e një gjinie poetike, mjaft interesante, portretet poetike.
 
Autorët që ky poet i lexon, i takon apo i bëjnë përshtypje, shndërrohen më pas në objekte të kundrimit estetik. “Do të doja shumë që gjatë qëndrimit tim në Shqipëri të njihja më shumë shkrimtarë e më interesante është bota poetike e femrave, të cilat me sa di unë nuk i mungojnë Shqipërisë. Madje thonë se keni poetesha mjaft të mira. Në qëndrimin në Tiranë kam njohur njerëz që punojnë shumë, që dinë ta shijojnë jetën, që lexojnë dhe që janë vërtet të bukur”, shton më tej mbi shqiptarët autori rumun. Tiranën autori rumun e gjen të zhurmshme, e megjithatë ka nisur të punojë për veprën e tij. “Një muaj rezident këtu besoj se do të jetë produktiv. Dua të bëj poezi, por nuk e di sa do t’ia arrij, pasi ajo për mua është gjinia më e vështirë. Po diçka kam nisur të shkruaj. Kjo Tiranë pak me zhurmë është joshëse për mua”, shprehet ai. Dan Coman (1975, Rumani) ka studiuar dhe është diplomuar në Filozofi, pranë universitetit Cluj Napoca, Rumani. Krijimet e tij të para u shfaqën në revistën "Minerva", 1993.
 

/Agjensia e Lajmeve Sot News/

Na Beni Like Ne Facebook: 
Total votes: 45

Lajme nga e njejta kategori

Postuar: 23/09/2018 - 08:05

Festivali Mbarëkombëtar i Teatrit nis mbrëmjen e sotme dhe është cilësuar si ngjarja më e rëndësishme teatrore e vitit nga Teatri Kombëtar. Ky festival organizohet me rastin e Vitit Mbarëkombëtar të Skënderbeut.

Postuar: 23/09/2018 - 08:03

Ansambli Kombëtar i Këngëve dhe Valleve “Shota” sjell premierën e re “Kumt&rdqu

Postuar: 23/09/2018 - 07:58

Krijimtaria në vend nuk mbështetet sa duhet për zhvillimin e saj, por problem mbetet dhe zbatimi

Postuar: 22/09/2018 - 08:24

Ekspertë nga “Europa Nostra”, organizata kryesore e trashëgimisë në Europë dhe Instit

Postuar: 22/09/2018 - 08:05

Artisti i njohur Saimir Strati do të çelë ekspozitën e tij në Suharekë.

Postuar: 22/09/2018 - 07:58

Studiues dhe historianë u bënë bashkë në aktivitetin, që sillte në vëmendje pasurinë kulturore në

Postuar: 22/09/2018 - 07:54

Grupi polifonik “Ergjëria” dhe artisti i njohur slloven Marko Hatlak çelën edicionin