SPAK para “provës së zjarrit”, avokat i njohur paralajmëron arrestimin e Edi Ramës, ja aferat ku dyshohet se është përfshirë kryeministri
Idajet Beqiri: Si e ngriti Flamur Noka mini-fabrikën në Greqi me valixhet me euro nëpërmjet dy njerëzve të tij të besuar nga Kukësi dhe Fieri që përfunduan në burg, ja detajet nga afera e madhe që ndodhet në duart e SPAK
Ja pse Grenell është lidhja e dyshes Berisha-Meta me Edi Ramën, si po i varin shpresat tek njeriu i Donald Trump për të shpëtuar nga sanksionet e SHBA duke shitur ishullin e Sazanit, Evi Kokalari nxjerr detajet e forta
Richard Grenell konfirmon pazaret Rama-Berisha për ishullin e Sazanit, ja detajet e marrëveshjes me dhëndrin e Donald Trump
Edi Rama pazare të pista me Vuçiç dhe Grenell për të ringjallur idenë e copëtimit të Kosovës, media gjermane plas “bombën”, ja çfarë fshihet pas investimit të dhëndrit të Donald Trump në ishullin e Sazanit
Gati lirimi i Sali Berishës dhe Jamarbër Malltezit nga burgu, ja çfarë përmban marrëveshja e Edi Ramës me “Rithemelimin”, nga shkatërrimi i SPAK dhe rrëzimi i ligjit të dekriminalizimit, te ngritja e komisionit anti-reformë
Ja çeta e grabitjes së pronave të ushtrisë, nga presidenti Bajram Begaj, te Xhaçka dhe Belinda Balluku, zbardhen shkeljet e rënda penale për interesat e oligarkëve, si u vendos në rrezik siguria kombëtare, operacionaliteti i Forcës Detare dhe detyrimet...
Katër atentate e plagosje në katër ditë ministrit të suksesshëm Taulant Balla, policia mbledh gëzhojat e ekzekutimeve
Saimir Gongo sjell premierë te “Turbina” dramën “Peng”
Shkruar nga SOT.COM.AL 19 Shtator 2018
Drama “Peng” shkruar dhe me regji nga Saimir Gongo pritet të jetë premierë te “Turbina”. Vepra shqiptare ka bërë bashkë me role aktorët e Teatrit Kombëtar dhe teatrit “Aleksandër Moisiu” të Durrësit. Drama shqiptare “Peng” me ngjarjet që zhvillohen në shoqërinë tonë në ditët e sotme, në qendër të veprës është një familje, si dhe trajtohen dy linja. E para, që trajton raportet e televizionit me shoqërinë tonë, dhe linja e dytë në shfaqje është një individ, që përpiqet të gjejë vendin e vet. Ai përpiqet të sistemojë jetën e tij në vështirësitë, që ka vendi ynë. Në role janë aktorët Neritan Liçaj, Olta Gixhari, Amos Zaharia, Suela Dako, Ervin Doko dhe Jaho Guma nga teatri i Durrësit, si dhe dy aktorë të jashtëm të teatrit që janë Kastriot Shehi dhe Erion Hodo, që është edhe asistent regjisor. Në shfaqje janë disa personazhe kryesore, mes tyre Justin interpretohet nga aktori i njohur Neritan Liçaj. Aktori vlerëson punën, që është bërë për këtë shfaqje dhe pohon se para premierës të datës 24 shtator në Tiranë do të jetë dhe një tjetër në teatrin “Aleksandër Mosiu” në Durrës. “Mbrëmjen e së shtunës ne do të kemi një premierë, por jo ajo zyrtare te teatri në Durrës, ku do të jenë të ftuar spektatorë dhe miqtë tanë. Ndërsa premierën zyrtare e ka tek “Turbina” në orën 21 të mbrëmjes, që është dhe festivali i teatrit”, tregon aktori. Pas suksesit me shfaqjen “Shtëpia dritare” regjisori Saimir Gongo vijoi punën gjatë verës me aktorët për një tjetër premierë shqiptare. Regjisori ka pohuar më parë se gjendet para përgjegjësisë për një shfaqje të mirë. “Ndjehem para një përgjegjësie dhe dua të justifikoj dhe besimin që më kanë dhënë dy teatrot. Shpresoj që të bëjmë një shfaqje të mirë”, ka treguar regjisori Saimir Gongo.
Veprimi skenik në dramë
Vepra premierë vjen në skenë si rezultat i aktivitetit “Netët e leximit të dramës shqipe” në Teatrin Kombëtar. Drama “Peng” si bashkëpunim mes Teatrit Kombëtar dhe teatrit “Aleksandër Moisiu” në qytetin e Durrësit në skenën teatrore do të vijojë në sezonin artistik për publikun. Këtë herë me një nga personazhet kryesore aktori Neritan Liçaj bën me dije se Justi është strumbullari i pjesës. “Në këtë shfaqje janë disa role kryesore dhe një prej tyre është dhe personazhi i Justinit, që luhet nga unë. Në një lloj mënyre është strumbullari i komplet pjesës teatrore. Ideja e shfaqjes është e realitetit në të cilin ne duam të largohemi, pra që dhe nuk na pëlqen dhe nuk largohemi dot. Në një lloj mënyre jemi peng, ka të bëjë dhe pak me vendin tonë me Shqipërinë”, vijon tregon aktori Neritan Liçaj. Duke folur për premierën që pritet të jetë në skenën e Tiranës, por dhe të Durrësit aktori zbulon dhe nga ngjarjet që zhvillohen dhe pohon se ka shumë veprim drama. “Është një televizion që bën një kamera të fshehtë, kemi një pengmarrje, me një pronar televizioni. Por në fund fare përfundon me vrasjen e Justit, që nuk ka më moral dhe televizioni për sa kohë flitet për audiencë. Drama ka goxha veprim dhe gjithë mesazhi i madh shpjegohet nëpërmjet veprimit skenik”, tregon aktori Neritan Liçaj. Edhe pse vepra teatrore “Peng” është një dramë dhe ka dhe një fund tragjik, siç ka pohuar më parë regjisori Gongo kjo nuk do të thotë që gjatë gjithë kohës do të ketë lot, pasi ka dhe momente me nuanca komike. Premiera e shfaqjes do të jetë më datë 24 shtator, duke qenë pjesë edhe e shfaqjeve të tjera që janë në ditët e festivalit dhe sjellin në Tiranë trupa të tjera teatrore.
Nga Julia Vrapi