BREAKING NEWS

KLSH zbarkon në institucionet e dy qyteteve të rëndësishme të vendit/ Kallëzohen 7 funksionarë publikë në Prokurori. Kush janë zyrtarët e lartë dhe akuzat që rëndojnë mbi to

KLSH zbarkon në institucionet e dy qyteteve të rëndësishme
x

Kultura

 Saimir Pirgu në operën “Përrallat e Hoffmanit”, në teatrin e Zyrihut

 Saimir Pirgu në operën “Përrallat e Hoffmanit”,

Tenori shqiptar me famë botërore, Saimir Pirgu, debuton në rolin e Hoffmann-it, në Teatrin e Operës së Zyrihut. Teatri i Operës së Zyrihut sjell online për publikun operën “Përrallat e Hoffmanit” (Les contes d'Hoffmann) të kompozitorit Jacques Offenbach. Në një material që ka publikuar Teatri Kombëtar i Operës dhe Baletit shprehet se me regji të Andreas Homoki-t dhe nën dirigjimin e Antonino Fogliani-t, tenori Saimir Pirgu debuton në rolin kryesor të kësaj vepre, atë të Hoffman. Në materialin e TKOB thuhet se kritika e ka pritur mjaft mirë interpretimin e tij në këtë rol, duke e krahasuar me ato të tenorëve të mëdhenj botërorë, Nicolai Gedda dhe Placido Domingo. “Saimir Pirgu është kaq brilant në rolin kryesor sa krahasimet me paraardhësit e famshëm nuk duken aspak të ekzagjeruara, nga Nicolai Gedda te Placido Domingo. Ai zotëron grackat e njohura të këtij roli, nga shtrirja e madhe vokale te nuancat e bukura dinamike: tenori shqiptar ka gjithçka për t’u bërë një këngëtar legjendar”, thuhet në materialin e TKOB. Në vijim thuhet se mbi të gjitha, produksioni sjell një Hoffmann mahnitës, tenori shqiptar Saimir Pirgu i cili, pavarësisht situatës së përgjithshme të teatrit muzikor, mund të debutojë në një rol të përgatitur pikërisht për këtë: vokalisht, ai ofron gjithçka që kërkon roli i çuditshëm dhe rraskapitës në një cilësi të klasit të parë: lirizmin, heroizmin, fuqinë e karakterit, dhe gjallërinë për të kënduar si një perëndi në aktin me Giulietta-n. “Si një figurë e fuqishme, ai bën çdo skuadër produksioni të lumtur ta ketë pjesë të saj”, thuhet në material. Shfaqja mund të ndiqet falas deri në datën 30 prill në linkun: https://www.opernhaus.ch/.../calendar/les-contes-d-hoffmann/. Me këtë pjesëmarrje, Teatri Kombëtar i Operës, Baletit dhe Ansamblit Popullor shprehet se i uron shumë suksese tenorit Saimir Pirgu në këtë produksion të ri dhe debutimin e tij në rolin e Hoffmann-it. I duartrokitur tashmë dhe i respektuar nga publiku dhe kritika e mbarë botës, Saimir Pirgu konsiderohet si një nga artistët që ka pasur ngjitjen më të shpejtë në karrierë në qarqet operistike dhe koncertale, duke u konsideruar sot si një nga tenorët më të shquar në peisazhin e lirikës ndërkombëtare.