Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

“Seanema Film Festival”, Drita Llolla: Këtë vit çështja e identitetit

Postuar: 26/08/2018 - 07:22

 Edicioni i katërt i festivalit “Seanema Film Festival” nisi të enjten me filmin artistik “Broken” (Të thyer) me skenar dhe regji nga Edmond Budina. Festivali ka disa seksione për shfaqjen e filmave, që janë prezantuar gjatë këtyre netëve të zhvillimit të tij në Ulqin. Drejtore artistike Drita Llolla pohon se programi i këtij viti, si çdo vit, mbështetet mbi një temë të caktuar. “Si kishim (pa)barazinë gjinore në vitin 2016 apo egzilin në vitin 2017, edicioni i katërt i festivalit merret me çështjen e identitetit. Rreth 42 autorë nga e gjithë bota do të shfaqin filmat e tyre, ku dominojnë filmat metrazh i shkurtër. Filmat e shkurtër i kemi ndarë në kategorinë konkurruese, ku ka tituj ndërkombëtar dhe rajonal, si edhe filmat e seksionit Panorama, shfaqen 15 filma të shkurtër, nominimet e garës së përvitshme të Akademisë Europiane të Filmit. Nga Shqipëria do jenë në konkurrim dy filma të shkurtër, "Atila" nga regjisori Benart Laze dhe "Kujt t`ja thuash?" nga Adrian Arrëza”, pohon Drita Lloga drejtore artistike. Veç regjisorit Edmond Budina dhe aktorit Laert Vasili, të ftuar të tjerë në festival janë dhe Lidija Zeloviq, regjisore dhe gazetare me filmin dokumentar "My own private war" ("Lufta ime private"), dhe Stef Brok shfaq për herë të parë (premierë botërore) filmin "Balkan Triangle" ("Trekëndëshi i Ballkanit"). Tituj të tjerë janë, filmi "Bektashinjtë" i Michael Poutte, si edhe fituesi i çmimit të audiencës në edicionin e 15 të Dokufest "Me dasht, me dasht, me dasht" nga Ilir Hasanaj. Organizatorja Drita Lloga pohon se ky është një program i veçante jashtë konkurrimit në festival. “Ka për qëllim të merret konkretisht me çështjen e identitetit, duke e ekzaminuar, demistifikuar, vërtetuar apo duke e çliruar atë! Në kuadër të programit "Në fokus" një kolazh prej 7 filmave të shkurtër", prodhim gjithashtu i Akademisë së Filmit dhe Multimedias Marubi, me mbështetjen e Ambasadës Zvicerane”, tregon Llolla. Festivali sonte shënon dhe natën e fundit në Ulqin dhe sipas organizatores zhvillimi i tij është shumë i rëndësishëm. “Në kuptimin, që ofron një hapësirë të re, të pavarur, jo vetëm në Ulqin, por edhe në Mal të Zi e më gjerë, ku publiku e veçanërisht të rinjtë angazhohen në një shkëmbim aktiv vlerash, kulturash, njohurish, etj. Pra, festivali shkon përtej një eventi, që shfaq filma. Në një qytet si Ulqini, ku ende luftojmë për hapësirat publike, hapësira që i dedikohen kulturës dhe artit, Seanema është festival, i cili po e ribrendon qytetin dhe po e pozicionon atë në hartën e destinacioneve të veçanta dhe të dëshirueshme për kineastët, dhe jo vetëm”, përfundon Drita Llolla organizatore e festivalit.

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 25/06/2019 - 07:28

Në Ministrinë e Kulturës ka nisur punëtoria "Mbrojtja e Trashëgimisë Kulturore Jomateriale dhe inventarizimi i saj me bazë komunitetin". Aktiviteti që nisi dje do të vazhdojë deri më 28 qershor.

Postuar: 25/06/2019 - 07:26

Në galerinë FAB u çel ekspozita vjetore “OP Fashion atelie”, me diplomat bachelor të

Postuar: 25/06/2019 - 07:25

 Teatri Kombëtar Eksperimental “Kujtim Spahivgoli” gjatë këtij sezoni artistik k

Postuar: 23/06/2019 - 08:03

 "Open Cinema" sezonin e tretë e nisi në qytetin e Belshit, ku për shtatë net me r

Postuar: 23/06/2019 - 08:02

Festivali “Fabrika e pejzazheve muzikore” po vijon me koncertet e tij në skena.

Postuar: 23/06/2019 - 07:59

 Në jetën artistike me teatrin regjisori Dhimitër Orogocka po vijon aktivitetin e tij, duke

Postuar: 22/06/2019 - 07:32

Festival “Open on Tour” po vijon në skena të ndryshme të vendit.