Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Shkodër, prezantohet projekti i Muzeut të Kulturës Françeskane

Postuar: 12/04/2019 - 07:30

Në provincën françeskane, në Shkodër është prezantuar projekti i Muzeut të Kulturës Françeskane Shkodër, bashkë me këtë projekt është themeluar dhe muzeu “Lin Delija”. Veprat e piktorit të njohur i janë dhuruar këtij muzeu, që do të shërbejë për të kujtuar e promovuar veprën e jetën e tij. Historia e pranisë dhe veprimtarisë françeskane në Shqipëri ka një shtrirje 800 vjeçare dhe përbën një nga formantet e rëndësishme sa të besimit katolik ndër shqiptarë aq edhe të historisë politike e shoqërore të vendit. Në materialin për këtë muze thuhet se falë rolit unik në bashkëthemelimin e kulturës kombëtare, kontributi i tyre konsiderohet gjithnjë e më tepër si një dukuri kulturore më vete, me autorë e vepra që qëndrojnë në themelet e letërsisë kombëtare, të dijes albanologjike, të publicistikës, mendimit shqiptar, memuaristikës, muzikës orkestrale, pikturës sakrale etj. “Roli i tyre është i shumanshëm: në shkrimet themeluese të botës shpirtërore, letrare e kulturore në shqip, në ruajtjen e gjuhës e të kujtesës, në ngjizjen, mbijetesën dhe ripërtëritjen identitare, në rilindjen politike e kulturore, në sfidën e arsimit kombëtar, në farkëtimin e demokracisë funksionale shqiptare, në themelimin e shtetit modern, në mbrojtjen e dinjitetit njerëzor e deri te qëndresa martire ballë regjimit komunist, te forca dëshmuese dhe gjesti frymëzues i ripërtëritjes sonë të tashme”, shpjegon materiali mbi misionin e Muzeut të Kulturës Françeskane.

Hapësirat e këtij muzeu do të jenë vendtakimi i brezave të sotëm e të ardhshëm me poetë, dramaturgë e përkthyes si Leonardo de Martino, Gjergj Fishta, Vinçenc Prennushi; me prozatorë brilantë si Fishta e Anton Harapi; me etnografë e antropologë të kulturës si Shtjefën Gjeçovi, Bernardin Palaj, Donat Kurti; me historianë si Marin Sirdani; gjuhëtarë e stilistë si Benedikt Dema e Justin Rrota, filozofë si Gjon Shllaku, muzikantë mjeshtërorë si Martin Gjoka dhe me personalitetin e rrallë të françeskanit të paharrueshëm At Zef Pllumit, vepra memuaristike e të cilit vijon t’i kërkojë shoqërisë shqiptare përballjen etike me të shkuarën e saj komuniste. “Muzeu do jetë ndër të tjera dëshmia reale e humbjen së rëndë që pësoi kultura e dija kombëtare prej asgjësimit të veprave dhe të autorëve të tyre. Por mbi të gjitha, do të jetë pohimi krenar i një plejade të ndritshme në qiellin e kulturës kombëtare”, thuhet për këtë projekt prezantuar nga provinca françeskane “Zoja Nunciatë” e Shqipërisë dhe e Malit të Zi së bashku me shoqatën “Art Union Albania”.

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 20/06/2019 - 07:40

Në kuadër të paktit për universitetin u nënshkrua një marrëveshje ndërmjet Galerisë Kombëtare të Arteve, Ministrisë së Kulturës dhe Universitetit të Arteve.

Postuar: 20/06/2019 - 07:38

Filmi "Rrëfimi i një vrasësi me pagesë", me skenar nga Vladimir Prifti dhe regji nga Kl

Postuar: 20/06/2019 - 07:37

Piktori Rakip Shabani shprehet se në Galerinë Kombëtare të Arteve nuk gjen artistët shqiptarë, nd

Postuar: 19/06/2019 - 07:41

 "Lapsi i memories" titullohet ekspozita me vizatime të artistit Anastas Kostandin

Postuar: 19/06/2019 - 07:40

Ekspozita “Hybrid” u çel për publikun në  qendrën e artit bashkëkohor “ME

Postuar: 19/06/2019 - 07:38

Në galerinë “Zeta” do të shfaqet ditën e enjte filmi dokumentar “Fotografët Ber

Postuar: 19/06/2019 - 07:37

Muaji i Muzikës po zhvillohet përmes aktiviteteve, por te artistë të ndryshëm kjo nismë e Ministr