Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Skandali në Butrint, Kumbaro: Kompania e salçiçeve do ofrojë linja të lehta ushqimi

Postuar: 15/10/2017 - 08:04

Ndërtimi në parkun kombëtar të Butrintit ka shkaktuar reagime të shumë specialistëve  të trashëgimisë kulturore, që po e kundërshtojnë jo pak. Por për ministren Mirela Kumbaro është një rikonstruksion i një ndërtese ekzistuese dhe jo themele të reja. E ftuar në një emision televiziv ministrja Kumbaro u shpreh se në atë godinë nuk bëhet fjalë për një restorant të mirëfilltë, por për një godinë ku do të shërbehen pije dhe ushqime të linjës së lehtë edhe pse nuk e përcaktoi se çfarë nënkuptohet me këtë gjë. "Ka një dezinformim të madh që vjen nga padija dhe fatkeqësia. Më e udhës do ishte të gjithë ata që flasin nga zhurmat të dalin dhe të shohin në terren. Bëhet fjalë për një objekt ka pasur një projekt për ta bërë kafene. Vazhdon të ekzistojë prej dekadash. Ky objekt është bosh. Nga ana tjetër kemi një rritje të fluksit të turistëve në Butrintit krahasuar me vitet e tjera. Këtij objekti nuk i shtohet asnjë centimetër volum. Ka një platformë druri. Kjo zë një hapësirë prej 100 metra katrorë. Sipas kartës së restaurimit thuhet se në zonën arkeologjike nuk lejohen ndërtime të reja dhe kjo është respektuar. Po ashtu thuhet që lejohen restaurime dhe kjo ka ndodhur, prandaj është vendosur dru. Aty nuk bëhet fjalë për restorant të mirëfilltë”, tha ministrja Kumbaro. Pyetjes së çfarë do të ofrojë kompania e salçiçeve ministrja tha se do të jenë linjat e lehta ushqimi. “Kompania në fjalë është një nga taksapaguesit e rregullt të shtetit shqiptar deri edhe tek linjat ushqimore të lehta, këtë gjë e bën në një kontratë të rreptë shërbimi siç është kjo. Do të jenë linjat të lehta ushqimi dhe pije të lehta”, pohoi ministrja e Kulturës. “Është qartësisht e shkruar në kontratë kjo gjë, ku përcaktohet dhe pjesa estetike. Unë  e kuptoj fikën e njerëzve”, tha më tej Kumbaro. Por Forumi për Mbrojtjen e Trashëgimisë Kulturore ka shkruar në Facebook se ministrja Kumbaro gënjen për projektin. “Meqenëse ministrja Kumbaro u shpreh para gjithë deputetëve se ndërtimi i bar kafesë në Butrint po bëhet me "beton të varfëruar", le të hapë projektin e përgatitur nga vetë Instituti i Monumenteve të Kulturës, drejtoreshën e të cilit e kishte në krah. Betoni në projekt parashikohet i tipit M-25/30. Ky simbol do të thotë se fortësia e betonit në test trysnie arrin në 25 deri 30N/mm, pra betoni normal e aspak i varfëruar. Me rastin më të mirë ministren e gënjejnë dhe ajo duhet të ndërhyjë, tashmë që e mësoi këtë abuzim, në rastin më të keq, Kumbaro është në dijeni, por gënjen pa iu dridhur qerpiku”, shkruan Forumi.

/Agjensia e Lajmeve Sot News/

Na Beni Like Ne Facebook: 
Total votes: 14

Lajme nga e njejta kategori

Postuar: 20/02/2018 - 08:16

"Boeing Boeing" cilësua r s i k o m e d i a e jashtëzakonshme rikthehet në skenën e Teatrit Kombëtar Eksperimental “Kujtim Spahivogli” për pesë net me radhë për publikun. Komedia mbrëmjet e datave 21-22-23-24-25 ora 19:00 shfaqet në sallën Moliere.

Postuar: 20/02/2018 - 08:15

Në një kohë kur këto ditë po flitet jo pak për çështjen e Teatrit Kombëtar, aktori Klodian Hoxha shprehet se një tjetër problem janë dhe artistët e rinj.

Postuar: 20/02/2018 - 08:13

Shfaqja teatrore “Rojat e Taxhit” u mirëprit nga publiku në skenën e Teatrit Kombëtar.

Postuar: 20/02/2018 - 08:07

Ministrja e Kulturës, Mirela Kumbaro kishte konfirmuar që do të ishte e pranishme në seancën dëgjimore në Komisionin e Medias, por anulloi pjesëmarrjen paraditen e së hënës, duk

Postuar: 18/02/2018 - 10:34

Shekspiri ngjitet përsëri në skenën e Teatrit Metropol.

Postuar: 18/02/2018 - 10:32

Ministrja e Kulturës Mirela Kumbaro nga Gjirokastra u shpreh se së shpejti do të ketë një ndërhyrje përforcuese në kala.

Postuar: 18/02/2018 - 10:31

Dekada me jetën artistik aktori i njohur Sulejman Dibra kujton se fillimet e tij me artin kanë nisur në qytetin e Shkodrës.