Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Skandali, piktura murale në Gjirokastër mbulohet me suva, specialistët japin alarmin

Postuar: 23/06/2018 - 07:44

Gjirokastra qytet në UNESCO larg vëmendjes së institucioneve për ruajtjen e trashëgimisë kulturore. Ministria e Kulturës dhe Instituti i Monumenteve të Kulturës deri tani sipas specialistëve të ndryshëm nuk kanë mundur të ruajnë trashëgiminë. Herë pas here bëhen ndërhyrje në qendrën historike, të cilat sipas specialistëve dëmtojnë jo pak. Rrënimet e banesave monument kulture, projekti Bypass që kundërshtohet fort, ndërhyrje të gabuara në objekte, etj, sipas tyre bëjnë me përgjegjësi institucionet. Arkitektë specialistë të trashëgimisë kulturore Kreshnik Merxhani dhe Lida Miraj denoncojnë ndërhyrjet, që po bëhen në Gjirokastër, dhe sipas tyre po dëmtojnë pikturën murale. Arkitekti Kreshnik Merxhani, i cili ka publikuar dhe disa foto, shprehet se në mesin e ditës po eliminohet piktura murale në atë që njihet si Blloku 7 në Gjirokastër, por deri tani duket se Instituti i Monumenteve të Kulturës nuk e ka parë problem. “Në Gjirokastër, në mesin e ditës dhe nën "mbikqyrjen" e IMK-së së famshme po mbulohet (në rastin më të mirë) ose po eliminohet piktura murale në atë që njihet si Blloku 7, që ka në përbërje dhe xhaminë e pazarit, aty te cepi ku ka qenë ai që gjirokastritët e quajnë "Kroi i Premtos" ose tashmë te pema e manjolës”, pohon arkitekti Merxhani. Sipas tij piktura ishte shënuar në projekt, u zbulua dhe doli që kishte motive gjeometrike me kuadrata të ndarë përmes diagonales së tyre dhe të lyer me ngjyra të ndryshme e shtrirë në dy kate e më shumë. “Nga shtrirja në 2 kate e motiveve gjeometrike të murales, pjesa e katit të dytë po "ripreket" kurse ajo e një kati më poshtë thjesht po zhduket! Zulmë mëdhenjtë, që do shpëtojnë trashëgiminë dhe që nuk kanë kapacitete të mbyllin mirë një punë të vetme tashmë me ligjin e ri do të "menaxhojnë" ose "menagjojnë" vendndodhjet më të rëndësishme të trashëgimisë kulturore në bashkëpunim të ngushtë me shtetin tonë të varfër që s’bëza dhe që s’ka lek të ndërtojë një teatër kombëtar. Ku po shkon kjo punë, a do qëndrojmë në lartësinë e vlerave të Gjirokastrës apo do vazhdojmë të shikojmë këto "medemek" restaurime të ndodhin dhe të gjithë të humbasim një nga vlerat më të mëdha që Shqipëria ka”, vijon arkitekti Mexhani.

Piktura murale mbulohet me suva

Me të njëjtin mendim dhe arkitektja Lida Miraj shprehet se janë institucionet që mbajnë përgjegjësi për këtë që po ndodh në Gjirokastër. Edhe më parë ka pasur të tjera dëmtime që janë kryere në qendrën historike dhe duket se vijon e njëjta situatë. Sipas saj është e turpshme që piktura murale po mbulohet me suva dhe përgjegjësia kryesore shkon për Institutin e Monumenteve të Kulturës. “Është e turpshme, që piktura murale mbulohet me suva. Duhet të mbajnë përgjegjësi të gjithë, Instituti i Monumenteve të Kulturës dhe Drejtoria Rajonale e Kulturës Kombëtar mbajnë përgjegjësi ligjore edhe teknike”, tregon arkitektja Lida Miraj. Në një foto të qershorit 2018, arkitekti Merxhani shkruan se duket që është kryer një "riprekje" dhe tonim i motiveve gjeometrike në gjysmën e një kati. “Pasi nisen nga dritaret e sipër dhe është suvatuar në mënyrë arbitrare gjithë pjesa tjetër për të krijuar kështu një deformim në perceptim dhe duke mos plotësuar minimumin e një prezantimi të një aspekti si ai i pikturës murale kur ato zbulohen, pra për të dhënë idenë e plotë qoftë dhe në një pjesë të fasadës, se si ajo trajtohej me pikturë”, bën me dije Merxhani. Dhjetor 2017, përbëri fotos arkitekti Merxhani shprehet se duket shtrirja e pikturës murale në 2 kate (deri sa është hapur) ndoshta dhe në katin përdhe. “Piktura vazhdon dhe në pjesën ballore, ku është lënë e mbuluar dhe ku një sondazh i kërkuar dhe në projekt, e ka evidentuar praninë e saj. Sot pjesa e poshtme duket qartë që është mbuluar me suva, duke e eliminuar njëherë e mirë këtë aset të vyer për të kuptuar arkitekturën e pazarit dhe më gjerë në Gjirokastër”, vijon Merxhani. Fotot e publikuara nga arkitektit Merxhani janë postuar dhe në faqen e Forumit për Mbrojtjen e Trashëgimisë Kulturore. “Trishtim” shkruan Forumi për këto punime në Gjirokastër./ Nga Julia Vrapi

/Agjensia e Lajmeve Sot News/

Na Beni Like Ne Facebook: 
Total votes: 27

Lajme nga e njejta kategori

Postuar: 19/09/2018 - 07:51

Arkivi Qendror Shtetëror i Filmit prezantoi të martën në mbrëmje përzgjedhjen e dytë me filma të animuar të viteve ‘90.

Postuar: 19/09/2018 - 07:50

Drama “Peng” shkruar dhe me regji nga Saimir Gongo pritet të jetë premierë te “

Postuar: 19/09/2018 - 07:48

Ekspertë nga Europa Nostra, organizata kryesore e trashëgimisë në Europë dhe Instituti i Bankës E

Postuar: 19/09/2018 - 07:46

Orkestra e TOB zhvillon provat në sallën e Ministrisë së Kulturës, por edhe pse një situatë kalim

Postuar: 18/09/2018 - 07:57

Teatri Kombëtar Eksperimental “Kujtim Spahivogli” bën me dije se çel stinën teatrore

Postuar: 18/09/2018 - 07:55

Janë pesë vepra premiera shqiptare që do të vijnë për publikun në skenën e Teatrit Metropol gjatë

Postuar: 18/09/2018 - 07:51

Zëri i artistëve për probleme të ndryshme sipas tyre nuk është dëgjuar nga Ministria e Kulturës.