BREAKING NEWS

Një oficer policie dhe një ushtarak, pjesë e grupeve kriminale/ Nga masakrat tek atentatet, Policia në konferencë urgjente, zbardhen detajet e super-operacionit: Ishin vrasës me pagesë

Një oficer policie dhe një ushtarak, pjesë e grupeve kriminale/
x
BREAKING NEWS

Super-operacion në Durrës, shkatërrohet grupi kriminal, arrestohen 15 persona të dyshuar për vrasje. Detajet

Super-operacion në Durrës, shkatërrohet grupi kriminal,
x
BREAKING NEWS

I pari në vendin tonë që fiton betejën/ U shkarkua nga KPA, prokurori i njohur i Tiranës fiton gjyqin në Strasburg

I pari në vendin tonë që fiton betejën/ U shkarkua nga KPA,
x
BREAKING NEWS

Publikimi i të dhënave, gazetari Koka bën deklaratën e fortë dhe paralajmëron: Nëse publikohet Memex e gjithë organizata e Policisë së Shtetit rrëzohet, ja kush janë ata që cënohen më shumë

Publikimi i të dhënave, gazetari Koka bën deklaratën e
x
BREAKING NEWS

Sulmi kibernetik/ Ish-kreu i policisë, Hajdarmataj bën paralajmërimin e fortë: Nëse grupet kriminale marrin në dorë sistemin MEMEX do të ketë pasoja, kjo situatë...

Sulmi kibernetik/ Ish-kreu i policisë, Hajdarmataj bën
x
BREAKING NEWS

Zgjedhjet për kryetarin/ Plas keq mes Kokalarit dhe Sekretarit të FRPD: Kë gënjeni ju, budallenj na dini?

Zgjedhjet për kryetarin/ Plas keq mes Kokalarit dhe Sekretarit të
x
BREAKING NEWS

Publikimi i të dhënave/ Klodiana Lala sulmon qeverinë: Po gënjejnë, institucionet e dinë shumë mirë se cilat sistemi janë sulmuar dhe ç’të dhëna janë marrë

Publikimi i të dhënave/ Klodiana Lala sulmon qeverinë: Po
x
BREAKING NEWS

Sulmet kibernetike/ Eksperti i sigurisë plas deklaratën e fortë dhe paralajmëron: Hakerat kanë tentuar sulmin në bankat e nivelit të dytë, po tentohet të...

Sulmet kibernetike/ Eksperti i sigurisë plas deklaratën e fortë
x

Kultura

Skulptorë e studiues: Disa vepra arti janë në gjendje të mjerueshme, e trishtueshme që Ministria e Kulturës dhe institucionet përkatëse nuk tregojnë vëmendje

Skulptorë e studiues: Disa vepra arti janë në gjendje të

Veprat e arti të disa autorëve të njohur shqiptarë janë në gjendje të mjerueshme, por dhe pse për rregullimin tyre mund të duhet pak buxhet ndërhyrjet kanë munguar. Kjo tregohet nga skulptorë dhe studiues arti, sipas të cilëve Ministria e Kulturës me institucionet përkatëse nuk i kanë në vëmendje.  Studiuesi i artit Agim Janina, skulptori Maks Bushi, si dhe piktori Anastas Kostandini shprehen me kritika për institucionet. Studiuesi Agim Janina tregon përmes fotove dëmtimet në bustin e Andon Zako Çajupit në Tiranë. Janina thotë se është e trishtueshme kjo që po ndodh.“Trishtim. Flitet, por edhe bëhet për trashëgiminë kulturore. Nga Ministria e Kulturës pothuajse çdo ditë vijon një maratonë përkujtimoresh falenderimesh e vlerësimesh për shumë artistë të pantenonit të artit shqiptar. Dhe busti i Çajupit, gdhendur në gur nga mjeshtri Llazar Nikolla vijon të jetë në gjendje të mjerueshme dhe i gjymtuar. Njëra nga cepat e mustaqeve ka vite e vite e thyer dhe nuk vihet dorë”, tregon ai për bustin. Agim Janina më tej thotë se edhe pse më parë janë hedhur para për rijetësimin e këtij monumenti, askush nuk u kujdes për mirëmbajtjen e tij. Studiuesi Agim Janina pohon se sot është në një gjendje, që tregon moskujdes nga institucionet në vend për veprat e artit. “U derdhën qindra miliona lekë për rijetësimin e monumentit, u ndryshua bazamenti dhe u lye me të kuq, lulishtja përreth u rregullua me rrugëza të reja e të shtruara, u vunë stola, u ngrit përkrah një tendë e madhe, ku luajnë domino jo vetëm pensionistët. Pra leku u derdh lumë, por askush nuk u përpoq të mirëmbajë monumentin, t'i restaurojë mustaqen e gjymtuar dhe ai qëndron qortueshëm, pardje, dje, sot e kësaj dite. Ai dergjet në vetmi, nxin gjithnjë e më shumë, tretet, por nuk ka gojë të ulërakë”, shprehet Janina në një reagim të tij.

Nuk tregohet respekt për veprën

 Studiuesi i artit Agim Janina apo dhe artistë të tjerë thonë se shpenzimet për rregullimin e kësaj vepre arti janë minimale. Janina shprehet se nuk duhen nderimet në Facebook nga institucionet kur nuk kanë respekt për veprën e artit. “Shpenzimet për rregullimin e tij janë fare minimale dhe artistët janë të gatshëm ta bëjnë, por shteti, Bashkia Tiranë, ministria e institucionet përkatëse nuk shikojnë apo presin të kthehet në gjetje arkeologjike e të bëjnë zbulimin e radhës? Ç'duhen nderimet panagjirike në Facebook kur nuk ka asnjë respekt për veprën? Kështu mjeshtri nuk nderohet, por turpërohet!”, thotë ai. Më parë Agim Janina ka treguar dhe për dëmtimet në monumentin e Pavarësisë në Tiranë apo dhe për veprën e rrallë "Djaloshi mbi buallicë" në Lushnje, që sipas tij ishte e shpërfillur nga institucionet. Sa i takon monumentit të Pavarësisë në Tiranë, ai tha më parë se disa herë u dëmtua. “Duke i vjedhur pllakat e metalit për t’i shitur për skrap. Për më keq e kthyen në një WC publike”, shprehej Janina. Me shqetësimin e studiuesit Janina për bustin e Çajupit bashkohet edhe skulptori Maks Bushi. “Shumë i drejtë shqetësimi i Janinës, për ti mbajtur bukur dhe me dinjitetin e duhur veprat e artit në parqe dhe ambiente publike, aq më tepër kur janë të artistëve të njohur gur themeli në zhvillimin e arteve pamore, si në rastin e autorit të bustit të Çajupit gdhendur në gur shumë vite më parë nga Llazar Nikolla. Dhe këtë duhet ta realizojë qendra e bronzit dhe e restaurimit pranë baskisë”, thotë skulptori. Ndërsa piktori i njohur Anastas Kostandini thotë se janë vepra arti në hapësira publike, që janë në ngarkim të zyrave dhe të institucioneve përgjegjëse. “Edhe ata ç’bëjnë? Luajnë. Jo janë të bashkisë, jo të ministrisë”, thotë Kostandini. Edhe më parë artistë të ndryshëm janë shprehur për mirëmbajtjen e veprave, që sipas tyre pak tregohet vëmendje.