Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

“Stabat Mater" çel sezonin artistik të Teatrit të Operës dhe Baletit

Postuar: 09/09/2018 - 07:48

Teatri Kombëtar i Operës dhe Baletit nis sezonin artistik me një vepër elitare. TOB bën me dije se shfaqja "Stabat Mater" nga Antonin Dvorak do të jetë në skene “arTurbinës” dhe është një nga veprat më të famshme të tij dhe me shpirtëroret. E ftuar speciale në veprën e Dvorak është dirigjentja Arlinda Majollari, që bëhet bashkë me trupën e korit të TOB, dirigjenti Dritan Lumshi dhe pianistja Etrita Ibrahimi, solistët Vikena Kamenica, Denis Skura, Marina Kurti dhe Xhieldo Hyseni, për një shfaqje tepër të ndjerë. TOB bën me dije se ky sezon artistik do të mbahet mend gjatë për ritmin e ngjeshur të shfaqjeve dhe për larminë e zhanreve, që do të sjellë. “Koncerti i parë “Stabat Mater” nga A. Dvorak, i dedikohet publikut tonë besnik, i cili përgjatë gjithë sezoneve tona artistike, ka mbushur sallat ku kemi dhënë shfaqje, ka dhuruar duartrokitje të zjarrta duke rritur në maksimum emocionet tona”, shprehet TOB për shfaqjen e datës 13 shtator. TOB bën me dije se celebrimi i nisjes së kalendarit artistik shtator - dhjetor 2018 nis në skenën e madhe të “arTurbina”, por për dirigjentin e korit Dritan Lumshi është kënaqësi e veçantë që sezoni fillon me një vepër vokalo -simfonike, ku protagonist është kori i TOB.  “E rëndësishmja e këtij produksioni është bashkëpunimi për herë të parë me dirigjenten Arlinda Majollari, e cila vjen në Teatrin e Operës mbas një përvoje  gati 25 vjeçare në Francë, me kore dhe këngëtarë lirikë, si në Operën Nacionale të Parisit, po ashtu edhe në Radio France. Eksperienca e saj e gjatë të gjatë si vocal coach, e çoi drejt specializimit për dirizhim koral në Gjenevë. I gjithë bagazhi i saj profesional është vënë në dispozicion të korit dhe solistëve të TOB”, shprehet dirigjenti Lumshi.

Vepra e Dvorak në skenë

Dirigjenti Dritan Lumshi pohon se kompozitori çek Antonin Dvorak, i cili është një nga zërat me dinjitoz të muzikës romantike. “Vjen për herë të parë tek ne me një vepër të plotë vokale siç është “Stabat Mater”. Vepra është ndërtuar mbi 10 numra, të cilët vijnë të ndërthurur midis materialeve solistike, kuartetit dhe korit. Si një kompozitor i përmasave gjeniale, me muzikën e tij, ai na bën të përjetojmë nga temat muzikore si dhe planet harmonike, disa gjendje emocionale si: vajtimin, brengën, pikëllimin, shpresën, triumfin dhe besimin”, pohon dirigjenti i korit Lumshi. Për këtë vepër që pritet të jetë në skenë, sipas tij e gjithë kjo gjendje që na jep kompozitori vjen mbas humbjes së tre fëmijëve të tij. “Prandaj shpeshherë gjatë veprës kur dëgjojmë lëvizje të kundërta të linjave muzikore, apo lëvizjet e shpeshta kromatike, duket sikur na sjellin shpirtin e trazuar të tij. Kur dëgjon apo interpreton një muzikë të tillë çdokush nga ne bëhet pjesë e saj, ndonjëherë edhe pa e kuptuar. Kjo vihet re shpeshherë edhe gjatë procesit të provave me trupën e korit”, vijon Lumshi. Sipas tij, në tërësinë e saj vepra duket sikur ka vetëm nuanca minore dhe një trazim të përgjithshëm shpirtëror. “Pavarësisht kësaj, kjo ndjesi zhduket shpesh dhe vepra na vjen edhe në një plan tjetër, si një përballje me frymëzimin dhe besimin në parajsën e botës së përtejme. E veçanta e këtij produksioni, është se vepra vjen në versionin origjinal me piano, kor dhe kuartet vokal. Dua të falenderoj të gjithë trupën e korit që ka bërë një punë shumë të mirë. Pianistin Thanas Paskali për punën e përbashkët përgatitore, pianisten Etrita Ibrahimi, e cila do të mbajë peshën kryesore në këtë shfaqje si dhe pa dyshim dirigjenten Arlinda Majollari për bashkëpunimin dhe punën e saj profesionale me korin dhe solistët e teatrit”, përfundon dirigjenti Lumshi në reagimin e tij. 

Nga Julia Vrapi

 

/Agjensia e Lajmeve Sot News/

Na Beni Like Ne Facebook: 
Total votes: 2

Lajme nga e njejta kategori

Postuar: 18/09/2018 - 07:57

Teatri Kombëtar Eksperimental “Kujtim Spahivogli” bën me dije se çel stinën teatrore të shfaqjeve për fëmijë në datat 22 dhe 23 shtator, me dy premierat më të reja "Motër e vëlla"dhe "Librar

Postuar: 18/09/2018 - 07:55

Janë pesë vepra premiera shqiptare që do të vijnë për publikun në skenën e Teatrit Metropol gjatë

Postuar: 18/09/2018 - 07:51

Zëri i artistëve për probleme të ndryshme sipas tyre nuk është dëgjuar nga Ministria e Kulturës.

Postuar: 16/09/2018 - 08:16

Vitit kulturor Austri- Shqipëri po vijon me aktivitete dhe veprimtari të ndryshme artistike dhe k

Postuar: 16/09/2018 - 08:13

Historia e Skënderbeut realizuar në pikturë për publikun vjen në ekspozitën me veprat e piktorit

Postuar: 16/09/2018 - 08:10

Piktori Anastas Kostandini është nga emrat më të vlerësuar në art brenda dhe jashtë vendit.

Postuar: 15/09/2018 - 07:30

Nga e hëna e 17 shtatorit deri më 22 shtator do të zhvillohet edicioni i trembëdhjetë i Festivali