Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

“Stinët në peizazh” vijnë përmes 68 veprave në pikturë

Postuar: 20/03/2019 - 07:28

Në galerinë “Art Saranda” këto ditë është çelur ekspozita “Stinët në peizazh” me vepra të piktorit të njohur Sadik Kasa. Në qytetin bregdetar në këtë galeri arti janë 68 punime në pikturë të realizuara nga artisti në teknikën e vajit, në gjininë e peizazhit dhe natyrave të qeta. Në ekspozitën “Stinët në peizazh” motivet që paraqiten janë nga gjithë Shqipëria dhe trevave shqipfolëse. Piktori Sadik Kasa ka një aktivitet prej vitesh në jetën artistike. Me punët e tij ai është prezantuar herë pas here në ekspozita dhe së fundmi punët e tij janë për publikun në qytetin e Sarandës.

Arti i tij është i unizuar me natyrën. Impresionin ai e gjen te kolori, drita, ajri, loja e dritës, njohja e mirë e natyrës dhe e hapësirës. Sadik Kasa është diplomuar në vitin 1977 piktor-skenograf. Për piktorin arti është mënyra e njohjes së artistit me njerëzit. Në pikturën e tij ne shohim përjetimet e artistit të vërtetë, ku shprehet ndjenja që na bën të komunikojmë me artin e tij. Nga viti 1995-2005 ka punuar mësues pikture në shkollën e mesme artistike “Onufri” në Elbasan. Në vitin 1991-1993 hap ekspozita personale në shumë qytete të Greqisë, ndërsa në vitin 1993 hap ekspozitë personale në Hollandë. Në vitin 1995 hap ekspozitë personale në Tiranë me motive nga Greqia dhe Holanda. Në vitin 1997 hap ekspozitë personale në Mestre, Venecia. Në vitin 2000 fiton çmimin e parë në ekspozitën Millenium në qytetin e Elbasanit. Në vitin 2011piktori Sadik Kasa fiton çmimin e dytë në Konkursin Kombëtar Bashkëjetesa Fetare, e organizuar nga Komuniteti Mysliman në Shqipëri.

Në vitin 2005-2016 është pjesëmarrës në shumë galeri brenda dhe jashtë vendit me veprat e tij në pikturë. Artisti Sadik Kasa ka realizuar mbi 1500 krijime të ekspozuara në galerinë e qytetit të Elbasanit, në universitet, në bashki, qendra arti, koleksione private në shumë vende të botës. Galeria “Saranda Art” me aktivitetin e saj prej vitesh në qytetin bregdetar në jug të vendit, ka nisur të bëhet stacion i frekuentuar për të pasionuarit e pikturës dhe skulpturës, si dhe t’i shtohet vendeve të vizitueshme, që përmbajnë guidat turistike, si një vlerë e mirëfilltë e turizmit kulturor që ofron sot Saranda.

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 18/07/2019 - 07:33

Libri “Mjekësia alternative shqiptare”, risi në trajtimin e sëmundjeve të kockave, volumi 1 nga autorët Ylli Merja dhe Erjola Braçi është botimi më i ri, që vjen për lexuesit nga shtëpia botuese “Mor

Postuar: 18/07/2019 - 07:31

Teatri i Operës dhe Baletit mbyll sezonin artistik me një trio shfaqjesh.

Postuar: 18/07/2019 - 07:30

Piktorit Vangjo Vasili vjen për publikun me ekspozitën e tij vetjake në galerinë e artit të qendr

Postuar: 18/07/2019 - 07:29

Instituti i Gjuhësisë dhe Letërsisë përballet sot jo vetëm me probleme financiare, por dhe me një

Postuar: 17/07/2019 - 07:30

Opera “Madama Butterfly” është vënë në skenën shqiptare për herë të parë në vitin 196

Postuar: 17/07/2019 - 07:29

Ekspozita “Phos” vjen përmes fotografive nga Emira Zenelaj në galerinë FAB.

Postuar: 17/07/2019 - 07:27

Studiuesi i artit Agim Janina shprehet se artistët nuk kanë ende vendin që meritojnë dhe nga inst