Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Studentët e arteve, praktika në Galerinë e Arteve

Postuar: 20/06/2019 - 07:40

Në kuadër të paktit për universitetin u nënshkrua një marrëveshje ndërmjet Galerisë Kombëtare të Arteve, Ministrisë së Kulturës dhe Universitetit të Arteve. Sipas kësaj marrëveshjeje, Galeria Kombëtare të Arteve ka si detyrim të ofrojë praktika për studentët e Universitetit të Arteve si vëzhgues në sallat e ekspozitave të përkohshme dhe asaj të linjës muzeale me qëllim ruajtjen e veprave të artit, mirëmbajtjen e sallave dhe orientimin e publikut. Të ofrojë praktika për studentët e Universitetit të Arteve si edukator arti në projektet e edukimit që zhvillohen në galeri për fëmijë të moshave të ndryshme, për nxënësit e gjimnazeve, si dhe studentë të fushave të ndryshme. Të përfshijë studentët e Universitetit të Arteve në programin publik të Galerisë Kombëtare të Arteve, me qëllim pjesëmarrjen e tyre në aktivitetet që organizohen në kuadër të tij. Të përfshijë studentët e Universitetit të Arteve në projekte të ndryshme artistike që zhvillohen në galeri në varësi të natyrës së projektit, si dhe kërkesave dhe kushteve të përcaktuara nga menaxheri i projektit. Për ministren Elva Margariti, ky është një bashkëpunim i parë, që angazhon GKA për t’i bërë studentët pjesë të projekteve të institucionit apo në programeve, si ai i “Edukimit përmes Kulturës”. “Ndoshta mes studentëve do të ketë edhe nga ata që do të jenë aktorë të kësaj hapësire, por momentalisht, edhe përfshirja e tyre në procesin e përgatitjes së ekspozitave, seminareve, leksioneve të hapura, takimeve me artistë të huaj, shkëmbimi i përvojave, është shumë i rëndësishëm në rritjen si artistë apo menaxherë të ardhshëm. Po ashtu ata mund të bëjnë praktikat mësimore si vëzhgues apo guida për vizitorët, duke fituar një eksperiencë të re, duke njohur më mirë institucionin, duke krijuar lidhje të reja, që do t’u shërbejnë në karrierën e tyre”, tha ministrja Margariti. Rektori i UA, Kastriot Çaushi, u shpreh se më herët nuk ka pasur asnjë bashkëpunim të tilla. “Është shumë e rëndësishme që të mos mbetemi vetëm në kuadrin e letrave apo fjalëve, por të jemi konkretë. Është një rast i rrallë, që brenda një periudhe kaq të shkurtër, për më pak se 7 muaj, të arrijmë në një marrëveshje dhe projekte konkrete me Ministrinë e Kulturës dhe institucionet e varësisë”, tha Çaushi, duke bërë me dije edhe fillimin, shumë shpejtë të punimeve për rehabilitimin e Kampusit Universitar. Drejtori i GKA, Erzen Shkololli, shprehu dakordësinë për sa më sipër, duke shtuar se studentët do të angazhohen nëpër ata sektorë, ku kërkohet ndihma e tyre.

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 22/09/2019 - 08:41

Në edicionin e tretë të Bienales Ndërkombëtare të Akuarelit “Self-Portrait” në Muzeun Historik Kombëtar janë prezantuar me punët e tyre 400 artistë.

Postuar: 22/09/2019 - 08:40

Me një aktivitet të suksesshëm muzikor, këngëtari Bujar Qamili është nga këngëtarët që vlerësohet

Postuar: 22/09/2019 - 08:38

“Tirana International Film Festival” mbërrin këtë vit në edicionin e 17.

Postuar: 21/09/2019 - 07:39

Mirald Metallari, 22-vjeçari që vrau nënën dhe babanë e tij rreth një vit e gjysmë më parë në Kam

Postuar: 21/09/2019 - 07:37

“Një koncert për paqen”, kështu e kanë quajtur shfaqjen e orkestrës "Magna Greci

Postuar: 21/09/2019 - 07:36

Artisti Adrian Paci vjen me ekspozitën “Prova” në Galerinë Kombëtare të Arteve.

Postuar: 21/09/2019 - 07:35

Shqipëria përfaqësohet me filmin “Delegacioni” në garën për Oscar.