Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Studim për mozaikët, në vëllimin “Korpusi i mozaikëve të Shqipërisë”

Postuar: 24/05/2018 - 07:49

Vëllimi i parë i serisë “Korpusi i mozaikëve të Shqipërisë”, një botim i cili i dedikohet mozaikëve në qytetin antik të Butrintit me autor Agron Islami dhe Marie-Patricia Raynaud në promovim mblodhi specialistë të trashëgimisë kulturore, përfaqësues të institucioneve e më gjerë. “Korpusi i mozaikëve të Shqipërisë” është një seri vëllimesh, të cilat pasqyrojnë rezultatet e punës disa vjeçare të hulumtimit në terren të dyshemeve me mozaik (mozaikë, opus sectile dhe veshje me pllaka ose plloça) në të gjithë territorin e Shqipërisë. Botimi përmban një format të madh ku përfshihen planimetri të lexueshme dhe dokumentacion fotografik i shfrytëzueshëm me ngjyra. Publikimi pasqyron një inventar të detajuar të të gjithë mozaikëve në Butrint të dokumentuara sipas fishave të dedikuara për këtë tipologji. Aktivitetin në Muzeun Historik Kombëtar e përshëndeti edhe ministrja e Kulturës Mirela Kumbaro, e cila tha se botimi i këtij libri është një iniciativë, të cilën e ka ndjekur me shumë interes. “Ne kemi një trashëgimi kulturore të jashtëzakonshme, me vlera që dalin gjithmonë edhe më shumë në pah. Çdo moment që ne promovojmë një studim, një punim që ka të bëjë me një fushë specifike të trashëgimisë kulturore, siç janë mozaikët, është jo vetëm vlerësim, jo vetëm promovim për trashëgiminë kulturore shqiptare, por është njëkohësisht edhe një shkollë dhe një manual pune për studentët apo restauratorët e ardhshëm”, tha Kumbaro. Më tej ministrja e Kulturës përgëzoi të dy autorët e këtij libri, dhe shprehu falënderimet për Marie-Patricia Raynaud për ndihmesën e saj në botimin e vëllimit. “Kjo tregon në fakt se kultura nuk ka pasaportë. Kultura është vetë pasaporta më e mirë për komunikimin midis specialistëve, por edhe midis vendeve”, përfundoi në fjalën e saj Ministrja Kumbaro. Ky është një nga botimet e para që ndodh në këtë fushë, me të cilin kurorëzohen 5 vite punë, të stafit të Ministrisë së Kulturës në bashkëpunim me Ambasadën Franceze dhe ekspertët francez, ku specialistë kanë vite që punojnë dhe studiojnë në terren, duke sjellë një punë të denjë kërkimore dhe me vlerë të këtyre mozaikëve. Në promovimin e vëllimit “Korpusi i mozaikëve të Shqipërisë” të pranishmit kishin mundësi të shikonin edhe një ekspozitë me foto të studimit të realizuar mbi mozaikët. 

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 24/05/2019 - 07:26

Teatri Kombëtar Eksperimental "Kujtim Spahivogli" bën me dije se shfaqja teatrore “Magjia e Jozef  Bider” me regji nga Milto Kutali dhe aktorin Arben Derhemi do të jetë për publikun deri të

Postuar: 24/05/2019 - 07:25

Koncerti simfonik nga "Peizazhet Muzikore" me veprën muzikore të Dmitri Shostakovich er

Postuar: 24/05/2019 - 07:23

Veprimtaria “Ndalohet të mos prekësh” bëri që grupi i dytë i fëmijëve me probleme shi

Postuar: 24/05/2019 - 07:22

Ministria e Kulturës në politikat e saj për librin ka çelur për disa vite fondin për krijimtarinë

Postuar: 23/05/2019 - 07:36

Në Muzeun Kombëtar Ikonografik “Onufri” Berat, prezantohet sot sistemi dixhital i aud

Postuar: 23/05/2019 - 07:35

“I humburi” titullohet filmi me skenar nga Tonin Çekliqi dhe regji nga Bruno Shllaku

Postuar: 23/05/2019 - 07:34

Artistët shprehen se ndryshimet në ligjin e artit janë të rëndësishme për të përmirësuar situatën