Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Teatri Eksperimental nis përzgjedhjen e talenteve të reja në aktrim me festivalin “E dua teatrin”

Postuar: 12/06/2019 - 07:40

Festivali teatror "E dua teatrin" i universiteteve të Tiranës ka nisur edicionin e parë në Teatrin Kombëtar Eksperimental “Kujtim Spahivgoli”.  Të rinjtë edhe pse nuk janë pjesë e Universitetit të Arteve me dëshirën për teatrin janë bërë pjesë me interpretimet e tyre në shfaqjet teatrore. Ky festival ka bërë bashkë të rinjtë nga Fakulteti Ekonomik, i Mjekësisë, i Histori- Filologjisë si dhe nga universiteti “Marin Barleti”. Festivali teatror që po zhvillohet këto ditë qershori nisi me veprën teatrore “Shërbëtoret” të autorit Jean Genet me regji nga Anila Balla, ku në role ishin studentët e universitetit “Marin Barleti”. Nga data 10 deri më 20 qershor në skenë do të jenë disa shfaqje teatrore dhe drejtori i festivalit Eni Picalli tregon se një nga qëllimet është dhe zbulimi i talenteve të reja. “Janë të rinj studentë, që nuk kanë lidhje me atë degë, por që e duan teatrin dhe ta rrisin pjesëmarrjen në teatër. Është zbulimi i talenteve të reja, duke parë që dhe te Universiteti i Arteve pjesëmarrja është e dobët për aktorë. Në shfaqjen e parë që ishte në kuadër të këtij festivali një nga vajzat që ishte në rol për jurinë pati shumë përshtypje dhe atyre iu duk sikur ishte një profesioniste”, tregon drejtori i festivalit. Festivali “E dua teatrin” synon traditën dhe vitin që vjen sipas drejtorit Eni Picalli pritet të jetë Ballkanik. “Ne duam që këtë festival ta bëjmë traditë dhe ta zhvillojmë për vit. Ideja është që vitin tjetër në muajin shtator ta bëjmë një festival që të jetë Ballkanik, në bashkëpunim dhe me Universitetin e Kosovës, me Maqedoninë dhe Malin e Zi”, shton më tej Eni Picalli për këtë festival, që mbrëmë shënoi natën e dytë në teatër.

 Veprat teatrore në skenë

 Shfaqja “Menaxheria e Qelqtë” e autorit Tennessee Williams me regji nga Marsel Greva dhe me interpretimin e studentëve nga Fakulteti i Ekonomisë ishte në skenë mbrëmjen e dytë të festivalit. Dhe sipas drejtorit të festivalit Eni Picalli në fund do të ketë dhe çmime për pjesëmarrësit. “Në fund do të ketë një çmim që do të jetë për aktorin ose për aktoren më të mirë, një çmim do të jetë për rolin dytësor më të mirë si dhe çmimi për shfaqjen më të mirë”, tregon ai. Por e gjithë mbështetja për këtë festival ka qenë vetëm nga Teatri Kombëtar Eksperimental “Kujtim Spahivogli”. Sipas organizatorit dhe drejtorit të festivalit Eni Picalli ky aktivitet po promovon dhe regjisorë, që i takojnë shkollës së arteve. “Për sa i përket skenografive dhe sallave ne na mbështet Teatri Kombëtar Eksperimental “Kujtim Spahivgoli”. Shfaqjet vijnë në skena nga regjisorë, që kanë mbaruar në Akademinë e Arteve, por dhe për këta ka rëndësi sepse promovohen si regjisorë””, vijon më tej ai. Mbrëmë në natën e parë të festivalit në sallën “Moliere”, interpretuan studentët e Fakultetit të Ekonomisë me veprën “me veprën “Menaxheria e Qelqtë” të autorit Tennessee Williams me regji nga Marsel Greva. Më datë 17 qershor në ora 18.00 salla “Moliere”, interpretojnë studentët e Fakultetit Mjekësisë me veprën “I burgosuri katit të 15” të autorit Neil Simon me regji nga Ervis Saliasi. Më datë 19 qeshor ora 18.00 salla “Moliere”, interpretojnë studentët e Fakultetit Histori-Filologjisë me veprën “Emira” të autorit Anton Santori me regji nga Erenstina Halili. Më datë 20 qershor ora 19.00 salla “Goethe”, do të interpretojnë studentët e universitetit që do të shpallen fitues të festivalit “E dua teatrin".

Nga Julia Vrapi

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 20/08/2019 - 07:37

Në Gjirokastër zbriti eventi i radhës i “Open Cinema”.

Postuar: 20/08/2019 - 07:34

Beteja për të mbrojtur godinën e Teatrit Kombëtar duket se do të jetë e gjatë.

Postuar: 18/08/2019 - 07:54

Kisha e Shën Kollit në fshatin Vodicë të Kolonjës do të restaurohet.

Postuar: 18/08/2019 - 07:52

Autoritetet shqiptare janë vënë më në fund në lëvizje për të ndalur rrënimin e Kalasë së Gjirokas

Postuar: 15/08/2019 - 07:38

Regjisori i njohur Gjergj Xhuvani u nda nga jeta në moshën 56-vjeçare, pas një sëmundjeje të rënd

Postuar: 15/08/2019 - 07:36

Në vilën e ish diktatorit, Cine Tarkovsky fton për një bashkëbisedim të hapur me fituesin e Palme

Postuar: 15/08/2019 - 07:35

Artistët shprehen se sot ndihen të pavlerësuar nga institucionet dhe sipas tyre trajtimi nuk ësht