Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Trashëgimia jomateriale, 25 specialistë mblidhen për trajnim

Postuar: 25/06/2019 - 07:28

Në Ministrinë e Kulturës ka nisur punëtoria "Mbrojtja e Trashëgimisë Kulturore Jomateriale dhe inventarizimi i saj me bazë komunitetin". Aktiviteti që nisi dje do të vazhdojë deri më 28 qershor. “Konventa për Ruajtjen dhe Mbrojtjen e Trashëgimisë Kulturore Jomateriale” (UNESCO 2003) ratifikuar nga Shqipëria më 2006, përcakton parime dhe objektiva, në implementimin e të cilave duhet të përfshihen të gjitha segmentet e shoqërive të shteteve palë, në aspekte të ndryshme të evidentimit, studimit, ruajtjes dhe promovimit të kësaj trashëgimie. Në njoftimin zyrtar ministria bën me dije se ky trajnim është në sinergji edhe me projektin e UNESCO-s të fituar nga vendi ynë “The International Assistance for Albania”, meqenëse të dy fokusohen tek inventarizimi dhe disa nga personat e përgatitur, mund të aktivizohen në projektin tjetër. Punëtoria realizohet në bashkëpunim me Qendrën Rajonale të Sofjes, për Ruajtjen e Trashëgimisë Kulturore Jomateriale në Evropën Juglindore, nën patronatin e UNESCO-s. Shqipëria është anëtare e kësaj qendre që në vitin 2012 dhe ka marrë pjesë, duke prezantuar trashëgiminë jomateriale shqiptare në disa aktivitete të kësaj qendre si botime, ekspozita, etj. Në këtë linjë në shtator 2015 u organizua i pari workshop trajnues kombëtar “Building capacities for the Convention of 2003 of UNESCO”. Në vijim të këtij bashkëpunimi, DPZHK propozon mbajtjen e kësaj punëtorie, me qëllim përditësimin e aftësive profesionale dhe zhvillimet aktuale të fushës, jo vetëm të punonjësve të sistemit të trashëgimisë kulturore, por edhe të përfaqësues nga shoqëria civile, si dhe studentëve, faktorë shumë të rëndësishëm në ruajtjen dhe transmetimin e trashëgimisë kulturore jomateriale. Sipas njoftimit të ministrisë, në këtë aktivitet 5 ditor, që do të zhvillohet në sallën “Tefta Tashko”, 4 ditët e para do të jenë sesione teorike në Tiranë, ndërsa ditën e fundit do të organizohet një study tour dhe demonstrim e praktikë në terren, pranë artizanëve e ushtruesve të zejeve të ndryshme në Krujë. Pjesëmarrësit (rreth 25) janë specialistët që mbulojnë trashëgiminë jomateriale dhe edukimin në Drejtoritë Rajonale të Kulturës Kombëtare, specialistë nga QKVT, QKIPK, etj.

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 23/07/2019 - 07:34

Filmi “Streha mes reve” me skenar dhe regji nga Robert Budina në “PriFest” në Prishtinë u nderua me tre çmime.

Postuar: 23/07/2019 - 07:32

Ekspozita “Leonardo-Opera Omnia”, me riprodhime të 17 vepra pikture të Leonardo Da Vi

Postuar: 23/07/2019 - 07:31

 Aleanca për Mbrojtjen e Teatrit shprehet se Bashkia e Tiranës ka shpallur konkursin me të c

Postuar: 23/07/2019 - 07:30

Teatri “Zihni Sako” në qytetin e Gjirokastrës në pritje të një rikonstruksionit, por

Postuar: 21/07/2019 - 07:54

Festivali Multikulturor i Beratit erdhi në edicionin e tij të gjashtë, me një program të pasur në

Postuar: 21/07/2019 - 07:52

Ekspozita “Duke pikturuar filmin” vjen me vepra të piktorit Shyqyri Sako.

Postuar: 21/07/2019 - 07:51

Përballë problemeve, që janë në aktivitetin artistik artistë të ndryshëm shprehen se nuk gjejnë m