BREAKING NEWS

“Kam të dhëna se...”, Spartak Ngjela bën deklaratën ‘bombë’ për atë që fshihet pas pandemisë së COVID-19: Ky krim nuk del me armë në dorë, është i nivelit të lartë!

“Kam të dhëna se...”, Spartak Ngjela bën
x

Kultura

Trashëgimia kulturore, 112.936 vizitorë gjatë tremujorit të tretë të këtij viti

Trashëgimia kulturore, 112.936 vizitorë gjatë tremujorit të

Trashëgimia kulturore ka tërhequr 112.936 vizitorë gjatë tremujorit të tretë të vitit 2020. Instituti Kombëtar i Trashëgimisë Kulturore ka publikuar një material, që është shkruar mbi të dhënat e INSTAT në vendin tonë. Numri i vizitorëve në institucionet e trashëgimisë kulturore në tremujorin e tretë të këtij viti ishte 112.936 vizitorë, ndër të cilët 92.454 vizitorë vendas dhe 20.482 vizitorë të huaj. Sipas të dhënave të publikuara nga Instituti i Statistikave, gjatë këtij tremujori parqet arkeologjike janë frekuentuar më shumë, 45.6 për qind të vizitorëve gjithsej. Ndjekur më pas nga kalatë e monumente të tjera me 31.3 për qind dhe muzetë me 23.1 për qind të vizitorëve gjithsej. Në tremujorin e tretë 2020, sipas statistikave, vizitorët e huaj kanë preferuar më shumë kalatë, ndjekur më pas nga parqet arkeologjike, përkatësisht 44.4 për qind dhe 30.0 për qind ndaj totalit të vizitorëve të huaj. Në vendin tonë ka disa kala, që janë pjesë e rëndësishme e trashëgimisë kulturore, po ashtu dhe paraqet arkeologjike. Kalaja e Gjirokastrës, kalaja e Krujës, si dhe të tjera kanë shfaqur interes për vizitorët në vendin tonë. Por dhe parqet arkeologjike, ku përmendim parkun arkeologjik kombëtar të Butrintit, parkun e Apollonisë, parkun e Bylisit, etj. Në rrafshin ndërkombëtar përmendim rëndësinë e qytetit antik të Butrintit, që u njoh dhe u konfirmua si e tillë në vitin 1992, kur ai u përfshi në listën e pasurive botërore të UNESCO-s. Kjo u bë nga Komiteti i Trashëgimisë Botërore, duke iu referuar Konventës së vitit 1972, "Për mbrojtjen e Trashëgimisë Botërore Kulturore dhe Natyrore". Parku Kombëtar i Butrintit u krijua nga Ministria e Kulturës, duke përfshirë një sipërfaqe toke shtetërore prej 29 km/katrorë. Kufijtë e këtij Parku, shtrihen në daljen e fshatrave përreth tij, si Ksamili, Vrina, Shëndëllia dhe Xarra. Krijimi i Parkut Kombëtar u bë një domosdoshmëri, sipas specialistëve, për ruajtjen e vendndodhjes dhe atmosferës unikale të Butrintit, për ruajtjen e të dhënave arkeologjike të disa qendrave dhe monumenteve të zbuluara në këtë vatër të qytetërimit antik, si dhe për një menaxhim më efektiv, duke reflektuar edhe rekomandimet e UNESCO-s të vitit 1997. Në këtë kuadër u krijua edhe Zyra e Administrimit dhe Koordinimit të Butrintit. Brenda këitj parku ndodhen 10 zona të shquara arkeologjike që lidhen me historinë e Butrintit. Disa prej tyre janë zona brenda mureve të Butrintit, ajo jashtë mureve, Diapori, Fortesa - kalaja e Ali Pashë Tepelenës, Kalivoi, Shën Dëllia, Shën Dhimitri, Xarra, Ana e Kanalit të Vivarit etj.