BREAKING NEWS

“Më në fund do të nisë...”, kryeministri Rama publikon pamjet nga projekti gjigant që do përmirësojë jetën e shqiptarëve

“Më në fund do të nisë...”, kryeministri Rama
x

Kultura

Trashëgimia kulturore, me rënie të numrit të vizitorëve në vitin 2020

Trashëgimia kulturore, me rënie të numrit të vizitorëve

Muzetë, parqet arkeologjike dhe kalatë në vendin tonë në 2020 patën një rënie të numrit të vizitorëve. Një vit i vështirë prej pandemisë, ku gjatë vitit që lamë 62 627 vizitorë vizituan muzetë, kalatë apo dhe parqet arkeologjike në vendin tonë. Në profilin e saj në Facebook ministrja e Kulturës Elva Margariti ka publikuar se vitin e kaluar monumentet e kulturës u vizituan nga 62 627 vizitorë, ndërsa janë mbledhur 11.698.370 lekë të ardhura. Ministrja e Kulturës Margariti shprehet se edhe pse 2020 ishte një vit i vështirë, puna nuk ndali në trashëgiminë kulturore. “Shifrat, ndonëse më të ulëta se një vit më parë, tregojnë se shqiptarët e duan të bukurën dhe trashëgiminë kulturore. Kjo, falë edhe politikave për nxitjen turizmit vendas. Ftesa jonë qëndron e hapur: Vizitoni kalatë, këtë pjesë të historisë dhe trashëgimisë sonë”, shkruan Margariti në një status të saj. Në vendin tonë ka disa kala. Mes tyre përmendim kalanë e Beratit. Fillimisht, një vendbanim protourban, në shekullin e VII-V p.e.s, si një pikë strategjike e rëndësishme, ajo u shndërrua në qytet kështjellë me mure që arrinin në gjatësi deri në 1.400 metra dhe me një sipërfaqe prej 10 ha. Burimet historike dëshmojnë se prej këtij viti kalaja e Beratit ka qenë objekt i sulmeve të ndryshme. Në dokumente të ndryshme historike të kohës gjenden një sërë emrash. Me emrin e lashte Antipatrea përmendet në vitin 216 p.e.s.. Nga romakët u quajt edhe Albanorum oppidium (fortesa e Arbërve). Kalaja e Gjirokastrës si histori e lidhur me qytetin e Gjirokastrës, përmendet për herë të parë si qytet dhe kështjellë në vitin 1336. Në këto vite, ajo ishte qendra e feudalëve shqiptarë Zenevisë. Më vonë, gjatë sundimit të Gjin Bue Shpatës, ajo u përfshi në Despotatin e Epirit. E megjithatë historianë të ndryshëm mendojnë se ekzistenca e kalasë së gurtë është më e hershme. Sipas tyre, kalaja ka pas dy faza ndërtimi, të cilat lidhen me periudhën para dhe pas Pashallëkut të Janinës dhe fortesave të Ali Pashë Tepelenës. Të tjera kala janë dhe ajo Lezhës, Shkodrës apo dhe e Krujës, apo dhe më gjerë që gjithashtu janë me rëndësi në fushën e trashëgimisë kulturore në vendin tonë.