Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

“Vetëvrasësi” shpallet shfaqja më e mirë në “Kokofest”

Postuar: 11/09/2018 - 07:28

 Edicioni i pestë i festivalit të komedisë “KoKo Fest” në qytetin e Korçës u mbyll me ndarjen e çmimeve. Tetë ditë të mbushura me emocione dhe të qeshura pafund, që ngjitën në skenë trupa nga Shqipëria dhe të gjithë trevat shqipfolëse. Në përfundim të këtij edicioni, juria e përbërë nga Enver Petrovci, Ndriçim Xhepa, Luiza Xhuvani, Adem Karaga, Rajmonda Bulku ndanë çmimet e “KoKo Fest”. Shfaqja më e mirë u vlerësua “Vetëvrasësi” Teatri i Korçës dhe Teatri Kombëtar; regjia më e mirë- Ilir Bokshi; aktori më i mirë- Adrian Morina dhe Ylber Bardhi; aktorja më e mirëElia Zaharia; aktori më i mirë joprotagonist -Visjan Ukcenaj; aktorja më e mirë- joprotagoniste Monika Lubonja; artistja e re- Paola Kodra; artisti i ri- Margent Caushi. Çmimi i karrierës (femër)-Margarita Xhepa, Tinka Kurti, çmimi i karrierës (mashkull)- Reshat Arbana; çmimi “KoKo Fest” “Nderi i Festivalit”- Koço Qëndro. Regjisori i shfaqjes “Vetëvrasësi” Suljeman Rushiti shkruan se edhe vetë puna me ketë vepër në Korçë ka qenë shpërblim. “Jam shumë i nderuar që shfaqja “Vetëvrasësi” u shpërblye me tre çmime në edicionin e pestë të “KoKo Fest”. Për mua vetë mundësia që të punoj në Korçë, me një ekip të mrekullueshëm, ta shfaq përpara spektatorit të rafinuar korçar, është shpërblim i çmuar. Vlerësimi nga një juri e përbërë nga më të mirët e artit mbarëkombëtar është nder dhe përgjegjësi për të ardhmen”, pohon regjisori. Aktorja e njohur Margarita Xhepa vlerësoi këtë festival, ku ishte e ftuar. “Korça ka për çdo artist, në çdo kohë motive që të frymëzojnë dhe të mbushin shpirtërisht”, u shpreh aktorja. Tragjikomedia “Vetëvrasësi” shkruar nga autori rus Nikolai Erdman e pati premierën në teatrin Korçës “Andon Zako Çajupi”. Me regji nga Sulejman Rushiti dhe kostumografi nga Bernarda Gjata, në këtë vepër interpretojnë aktorët Neritan Liçaj, Elia Zaharia, Zamira Kita, Olta Gixhari, Albano Prodani, Ligoraq Riza, Blerta Belliu, Klodjana Keco, Shkëlqim Jaupaj, Paola Kodra, Ilda Pepi, Mateus Frroku, Antonio Tole. Bashkia e Korçës falënderoi të gjithë artistët që u bënë pjesë e “KoKo Fest”, jurinë e festivalit, vizitorët e shumtë dhe në veçanti publikun korçar që u bë pjesë e këtij festivali.

/Agjensia e Lajmeve Sot News/

Na Beni Like Ne Facebook: 
Total votes: 11

Lajme nga e njejta kategori

Postuar: 15/11/2018 - 07:29

 Festivali ndërkombëtar “Pianodrom” po zhvillon edicionin e gjashtë në Tiranë. Prej disa vitesh festivali ka sjellë në skenë artistë të huaj dhe shqiptarë, që janë bërë pjesë e jetës artistike.

Postuar: 15/11/2018 - 07:28

Teatri Kombëtar Eksperimental "Kujtim Spahivogli" sjell mbrëmjen e së shtunës premierën

Postuar: 15/11/2018 - 07:27

Komedia “Shirli Valentina” me aktoren Olta Daku shoqëroi publikun për dy mbrëmje me r

Postuar: 15/11/2018 - 07:25

Parku arkeologjik i Bylisit prej vitesh me probleme, kanë munguar investimet që janë themelore pë

Postuar: 14/11/2018 - 07:18

 Biblioteka Kombëtare e Shqipërisë, me rastin e kthimit në atdhe të eshtrave të personalitet

Postuar: 14/11/2018 - 07:17

 Teatri i Operës dhe Baletit  sjell në skenë operën “La Triavata” nga Giuse

Postuar: 14/11/2018 - 07:16

Muzeu Historik Kombëtar dhe ICOM Shqipëria organizuan paraqitjen e rezultateve të trajnimit Re Or