Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

“Yjet e së ardhmes” çel festivalin “Dea Open Air”

Postuar: 04/09/2018 - 07:21

 Festivali ndërkombëtar i filmit “Dea Open Air” ka nisur edicionin e tij të pestë. Festivali vijon traditën në Sarandë. Jashtë konkurrimit filmi "Yjet e së ardhmes" një komedi romantike muzikore me metrazh të plotë me regji nga Edmond Topi çeli festivalin. Skenari i Uli Bree, përshtatur për publikun dhe komunitetin tonë nga vetë regjisori, vë në fokus moshën e tretë dhe marrëdhëniet e shoqërisë me të, konkretizuar figurativisht dhe në mënyrë përfaqësuese në marrëdhëniet e komunitetit me brezin e tretë të atyre artistëve, që si pasojë e tranzicionit dhe mungesës së kujdesit të shoqërisë për ta, pothuajse janë harruar. Një kast i jashtëzakonshëm aktorësh, një ansambël harmonik në energji, talent dhe përkushtim, përbërë nga: Gazmend Paja, Elia Zaharia, Tinka Kurti, Reshat Arbana, Margarita Xhepa, Luftar Paja, Ema Andrea, Karafil Shenaj, Sadush Ylli, etj, kanë ndërtuar një ansambël harmonik në energji, talent dhe përkushtim duke na transmetuar me forcë dramat, pasionin, brengat dhe ngadhënjimet e një jete të jetuar në dehje, në çdo çast dhe deri në fund. Edicioni i pestë i festivalit nga data 2 deri më 8 shtator këtë vit premton për publikun tituj të kinemasë shqiptare dhe të huaj. Numri i aplikantëve të festivalit sipas organizatorëve ka ardhur në rritje nga viti në vit. Filmat e paraqitur dhe autorët pjesëmarrës në konkurrim i janë nënshtruar fillimisht seleksionimit paraprak të komisioneve ndërkombëtare, të mbyllur në fund të muajit mars. Këtë fazë e kaluan 258 filma (34 të gjatë dhe 224 të shkurtër), të ardhur nga Afganistani, Argjentina, Armenia, Australia, Belgjika, Brazili, Britania e Madhe, Bullgaria, Danimarka, Emiratet e Bashkuara Arabe, Estonia, Federata Ruse, Finlanda, Franca, Gjeorgjia, Gjermania, Greqia, Holanda, Hungaria, India, Indonezia, Irani, Irlanda, Italia, Izraeli, Kandaja, SHBA, etj. Për drejtorin e “Dea Open Air”, Edmond Topi, edhe ky edicion do t’u japë kineastëve skenën dhe publikut mundësinë, për t’u zhytur në kinemanë e bukur dhe frymëzuese. “Këtë vit, festivali do të ofrojë mundësinë e zbulimit të 43 veprave tërheqëse - vepra madhore që trajtojnë tema të mëdha, si problemet e gjinisë, racës, statusit shoqëror apo të drejtave të njeriut”, pohon Edmond Topi, drejtor i festivalit. Dy programet kryesore të festivalit janë ai i filmit me metrazh të gjatë dhe i filmit të shkurtër

/Agjensia e Lajmeve Sot News/

Na Beni Like Ne Facebook: 
You voted 5. Total votes: 8

Lajme nga e njejta kategori

Postuar: 25/09/2018 - 09:41

Ambasada Franceze fton në Tiranë kompaninë “Transe Express” e themeluar më 1982, e cila konsiderohet si një nga kompanitë më të rëndësishme në Francë dhe në Evropë të cirkut dhe performancës, të prezantojë

Postuar: 25/09/2018 - 08:05

Këtë rradhë grupimi i piktorëve pleneristë nga Shqipëria ishin të ftuar nga disa komuna të jugut

Postuar: 25/09/2018 - 07:59

Opera “Carmen” zyrtarisht realizon aktin e parë të protokollit të bashkëpunimit të TO

Postuar: 25/09/2018 - 07:57

Festivali Mbarëkombëtar i Teatrit, cilësuar si ngjarja më e rëndësishme teatrore e vitit ka nisur

Postuar: 23/09/2018 - 08:05

Festivali Mbarëkombëtar i Teatrit nis mbrëmjen e sotme dhe është cilësuar si ngjarja më e rëndësi

Postuar: 23/09/2018 - 08:03

Ansambli Kombëtar i Këngëve dhe Valleve “Shota” sjell premierën e re “Kumt&rdqu

Postuar: 23/09/2018 - 07:58

Krijimtaria në vend nuk mbështetet sa duhet për zhvillimin e saj, por problem mbetet dhe zbatimi