Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Zana Çela: Në “La Boheme”, 4 kaste kryesore artistësh

Postuar: 14/03/2019 - 07:52

Opera “La Boheme” është produksioni i parë operistik për sezonin janar-qershor 2019, i cili ka angazhuar krijues dhe artistë të rinj. Në këtë shfaqje në skenën e Pallatit të Kongreseve ata bëhen bashkë me solistët e TOB dhe këngëtarët e ftuar me famë ndërkombëtare. Regjia e këtij produksioni i është besuar regjisores Ada Gurra. Gjithashtu skenografia i është besuar një tjetër talenti Renold Sula. Orkestra e TOB do të dirigjohet në katër netët e shfaqjes nga dirigjenti italian Lorenzo Tazzieri. Interpretojnë solistët e TOB si dhe solistët e rinj të angazhuar në teatër në tre vitet e fundit, së bashku me të ftuarit, këngëtarët operistikë me famë ndërkombëtare Giussepe Tomaso dhe Ghocia Abuladze. Kostumografia është realizuar nga kostumografi Ardi Asllani. Drejtoresha e teatrit Zana Çela shprehet se lindja e një produksioni të ri është një proces i fortë rigjenerues për gjithë. “Është periudha kur ne të gjithë përjetojmë emocione shumë komplekse, optimizëm por dhe dilema, gëzim dhe dyshim nëse do ia dalim të kemi sukses e marrim duartrokitjet e publikut. Për të gjithë ne, lindja e një produksioni të ri është një proces krijues të cilin e përjetojnë të gjithë, jo vetëm artistët kur punojnë rolin, por edhe mjeshtrat e prodhimit, zonjat e rrobaqepësisë kur qepin kostumet e shtojnë diçka nga mendja e shpirti i tyre, mjeshtrat e skenës që punojnë drurin apo hekurin e i japin krijimtari gjithashtu skicave të skenografisë nga mjeshtria e tyre”, shprehet drejtoresha Zana Çela. Vepra do të jetë në skenë në datat 16, 17, 18 dhe 19 mars në Pallatin e Kongresve dhe drejtoresha e TOB vijon se kjo do të mbahet mend si premiera që promovoi të rinjtë. “Jam e bindur se kjo "La Bohem" do mbahet mend si premiera që i besoi e promovoi më shumë artistë të rinj se asnjëherë tjetër në historinë e këtij teatri. Do mbahet mend si produksioni që në 4 shfaqet do prezantojë 4 kaste kryesore dhe kjo është e rrallë jo vetëm për operat me formate mesatare, siç është teatri ynë, por edhe për teatrot më të mëdhenj në Europë. Puçini e krijoi këtë vepër për artistët e gjeneratës së re e mesazhi i tij ishte i qartë, shoqëria duhet t'i kthej sytë nga artistët e rinj që sjellin të renë mes sakrificash të një arti pa kompromis”, shprehet Çela.

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 20/03/2019 - 07:28

Në galerinë “Art Saranda” këto ditë është çelur ekspozita “Stinët në peizazh” me vepra të piktorit të njohur Sadik Kasa.

Postuar: 20/03/2019 - 07:27

“Ngjarje” titullohet filmi i regjisorit Lorin Terezi, i cili këto ditë ka përfunduar

Postuar: 20/03/2019 - 07:25

Filmi “Streha Mes Reve” me skenar dhe regji nga Robert Budina është shpallur fitues i

Postuar: 20/03/2019 - 07:24

Këshilli Kombëtar i Librit dhe i Nxitjes së Leximit është i parashikuar në ligjin e librit, por n

Postuar: 19/03/2019 - 07:34

Letërsia shqipe do të jetë e pranishme në panairin e librit në Lajpcig nga data 21 deri 24 mars.

Postuar: 19/03/2019 - 07:33

Ekspozita “Përgjithmonë kanavac” u çel për publikun me punime të piktorit të njohur A

Postuar: 19/03/2019 - 07:31

 Ndërhyrjet që bëhen me dije nga institucionet, duket se janë shumë të pakta për qendrën his