Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

“Zoti i Masakrës”, 2 mbrëmje në skenën e teatrit “Migjeni”

Postuar: 13/11/2018 - 07:32

"Zoti i Masakrës" komedia brilante e Yasmina Reza në Shkodër mbrëmjen e së martës dhe të mërkurës. Një vepër e cila përmban konfliktin që në fillim. Dy çifte, në dukje të qytetëruar takohen për të rregulluar pasojat e një episodi të dhunshëm, i cili plasi ndërmjet dy fëmijëve të tyre. Gjatë vizitës, gjërat fillojnë me diplomaci, por gradualisht, mes tyre rritet një tension. Në komedi grindja e dy fëmijëve është pikërisht kjo zënkë që i çon në konflikt jo vetëm prindërit e të ashtuquajturit fëmijë që ushtron dhunë, por edhe familjen e të dhunuarit. Djali i Alain dhe Anet i theu dy dhëmbë djalit të Mishel dhe Veronik. Prindërit e djalit dhunues vizitojnë prindërit e viktimës për të kërkuar falje dhe për ta ndrequr gabimin, të paktën nga ana ekonomike. Me ndihmën e alkoolit, tensioni rritet duke kapërcyer egërsisht mbi binarët e Eduart Albi. Konflikti i parë sjell një tjetër me çiftin, e më pas një tjetër me vetë partnerët, çka sipas aktorëve sjell përmes “Zotit të Masakrës”, tre shfaqje të ndryshme.

"Zoti i masakrës" komedi nga Yasmin Reza me regji nga Kiço Londo për publikun në teatrin “Migjeni” sjell në role aktorë të njohur. Një tjetër vepër e shkëlqyer e Yasmin Reza mbi temën e saj të parapëlqyer: hipokrizinë borgjeze. Aktorë në role Erand Sojli, Alert Çeloaliaj, Ermira Gjata dhe Ermira Hysaj. Sipas regjisorit të shfaqjes Kiço Londo, kjo është një vepër shumë njerëzore. “Jam joshur nga mënyra se si zhvillohen ngjarjet dhe evulojnë ato brenda një kohe shumë të shkurtër. Jam i joshur nga fakti se vepra është shumë njerëzore”, ka pohuar më herët regjisori Londo për komedinë.

“Zoti i Masakrës” rikthen në skenë dhe aktorin e njohur Erand Sojlin. Sipas tij, kjo është një vepër e cila beson se do të meritonte çdo lloj sakrifice. “Kjo jo vetëm në rastin tim, por të çdo aktori që dashuron këtë profesion. Kam ardhur me shumë dëshirë për t’ju rikthyer këtij roli i cili është një diamant në cv time si aktor. Pasi Yasmin Reza është një autore e cila i jep hapësirën e nevojshme, regjisorit dhe aktorit”, pohon aktori Sojli. Sipas aktorit, “Zoti i Masakrës” është një vepër e një modeli të përkryer dramaturgjik, jo vetëm për fabulën, por për mënyrën se si trajton problematikën e kohëve moderne. “Zoti i Masakrës” nominuar për gjashtë çmime “Tony”.

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 19/05/2019 - 08:10

Nga janari deri në muajin mars të këtij viti 18950 persona kanë ndjekur shfaqjet e TOB.

Postuar: 19/05/2019 - 08:09

Komedia “Art” vepër shkruar nga Yasmina Reza po shfaqet këto ditë në skenën e teatrit

Postuar: 19/05/2019 - 08:07

Artistë të ndryshëm shprehen se kërkesat janë të shumta për projekte artistike, por asnjë nga str

Postuar: 18/05/2019 - 07:59

Data 17 maj shënon dhe 55 vjetorin e krijimit të baletit “Delina”.

Postuar: 18/05/2019 - 07:56

Tirana nuk ka një muze etnografik dhe specialistë të fushës shprehen se institucionet nuk kanë tr

Postuar: 18/05/2019 - 07:53

Ekspozita "Arkivi Fotografik i Pietro dhe Larissa Quaroni - Shqipëria 1928 -1931" u çel

Postuar: 18/05/2019 - 07:51

 Komedia e zezë “Mbretëresha e bukurisë nga Leenane” vjen për publikun mbrëmjen