BREAKING NEWS

Sekuestrohet ish-hotel ‘Vollga’ në Durrës, kush është bosi që kishte privatizuar një pjesë të pronës, pritet konferencë nga Agjencia e Administrimit të Pasurive

Sekuestrohet ish-hotel ‘Vollga’ në Durrës, kush
x

Lifestyle

“E kam shitur për 120 mijë paund”, prestigjiozja britanike zbulon historinë e veçantë të 33-vjeçares shqiptare në Londër

“E kam shitur për 120 mijë paund”, prestigjiozja britanike

Shumë shqiptarë kanë arritur majat e suksesit nëpër botë, teksa punojnë në fusha të ndryshme.  Shumë prej tyre kanë treguar edhe pasionin e dëshirën e madhe që kanë për modën.

Kështu  është edhe shqiptarja e famshme në Londër, Elona Varfi , e cila është një konsulente e markave të luksit.

Ajo është bërë mjaft e njohur në Britaninë e Madhe, ku edhe prestigjiozja “Daily Mail” i ka kushtuar një artikull shqiptares, e cila tregon rreth suksesit dhe punën e saj.

“Unë zotëroj 12 çanta Hermes dhe kam blerë dhe shitur 20 çanta Hermes gjatë shtatë viteve të fundit, shpesh duke dyfishuar paratë e mia.”- është shprehur  33-vjeçarja për median britanike.

Elona jeton në Lodër prej tre vitesh, së bashku me bashkëshortin, Oltin, ndërkohë që është një konsulente e markave të luksit dhe merret me shitje të produkteve të ndryshme në ankand.

Gjithashtu vlen të theksohet se më herët Elona ka deklaruar se produkti më i shtrenjtë që ka shitur ka qenë një çantë, që kapte vlerën 120 mijë euro.

“Shuma më e lartë ka qenë me çantat, që nuk kanë qenë të mijat, por e kam përfaqësuar unë. E kam shitur për 120 mijë paund. Çdo gjë që është e rrallë, çmimi është i lartë. Këto çanta janë të rralla dhe kanë vlerë në ankande.”- ka thënë Elona.