Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Historia frymëzuese e Artiolës nga Shqipëria/ Mjekët i dhanë 3 javë jetë, sot në spitalin ku u shërua nga kanceri ajo bën praktikën

Postuar: 10/08/2018 - 12:40

Një histori frymëzuese ajo e Artiolës nga Shqipëria. Në vitin 2010, Artiola 13-vjeçare nga Shqipëria, u dërgua në Kärnten të Austrisë me një diagnozë të leukemisë limfatike.
 
 Mjekët në Shqipëri i dhanë tre javë jetë. Atje, u trajtua për fat me shumë sukses në Spitalin e Klagenfurtit. Sot ajo është duke studiuar mjekësinë dhe aktualisht po bën një praktikë në spital në ndihmë të pacientëve.
 
“Është një ndjenjë shumë e mirë për të fituar përvojën time të parë praktike këtu. Sa shumë fytyra të njohura, sa kujtime të shumta”, ka thënë Artiola më 1 gusht 2018, kur ajo u pranua në praktikë e saj njëmujore në Repartin e mjekësisë për fëmijë dhe adoleshentë.
 
Pacientët e vegjël në pavijonin e kancerit të pediatrisë e prekin më shumë: “Nga përvoja ime personale mund ta paramendoj se si ndjehen ata. Çfarë frike dhe shpresa që kanë dhe se sa e vështirë mund të jetë ndonjëherë”. Kjo është arsyeja përse ajo ka filluar të studiojë mjekësinë. Shqiptarja 22-vjeçare, në javët e ardhshme do të njoftohet me proceset e një spitali nën udhëheqjen e Dr. Prim. Wilhelm Kaulfersch, përcjell albinfo.ch.
 
Artiola është veçanërisht e impresionuar nga neonatologjia. “Unë kurrë nuk kam parë një fëmijë të tillë të vogël”. Por, studenten e re e ka impresionuar edhe kardiologjia pediatrike, pasi asaj i interesojnë problemet e fëmijëve dhe adoleshentëve që ata i kanë me zemër . Nuk mund të pronocohet me siguri nëse ajo në të vërtetë dëshiron të bëhet një pediatre. “Psikiatria dhe neurologjia, si dhe onkologjia do të më irritonin gjithashtu. Onkologjia kryesisht për shkak se në këtë fushë ka shumë për të bërë.
 
Hulumtimet në të gjitha fushat e terapisë së kancerit po përparojnë me shpejtësi të madhe”, vazhdon Artiola për “ORF”, përcjell Albinfo.ch.
 
Në tre vitet e ardhshëm, ajo dëshiron të angazhohet dhe pastaj të përfundojë një trajnim të specializuar përkatës.Nga mesi i korrikut 2010, mjekët në Shqipëri kishin diagnostikuar “leukeminë limfatike”, duke i dhënë Artiolës shpresa për jetë prej vetëm tre javësh. Sipërmarrësi austriak Robert Rogner, vajzën e mori në Austri me shpenzimet e veta dhe e financoi trajtimin mjekësor në Spitalin e Klagenfurtit.
 
Pas dy vitesh të trajtimit intensiv, Artiola ka mundur të dalë e shëndoshë nga spitali. Tetë vite pas diagnozës së saj, ajo sot llogaritet si e shëruar. Që atëherë, Artiola ka gjetur dy “mentorë” të tjerë të rëndësishëm në mjekun nga Villach, Bernd Mirtl dhe bashkëshorten e tij, të cilët asaj i kanë ofruar mbështetje të përkohshme qysh atëherë dhe duke e ndihmuar atë për t`i financuar studimet e saj.

/Agjensia e Lajmeve Sot News/

Na Beni Like Ne Facebook: 
Total votes: 17

Lajme nga e njejta kategori

Postuar: 19/10/2018 - 21:03

Megjithese tudimet tregojnë se dëshira e meshkujve për seks jo vetëm që është më e madhe uket se ka disa gjëra që e bëjnë epshin të shembet, edhe te njeriu më i dëshiruar.

Postuar: 19/10/2018 - 21:01

Një vajzë 22-vjeçare ka treguar historinë e saj të dashurisë me një djalë i cili njëkohësisht ish

Postuar: 19/10/2018 - 20:30

Tema e seksit, është pak delikate, sidomos nëse flitet hapur.Ndoshta ai, ose ajo ju ka thënë se j

Postuar: 19/10/2018 - 20:12

Në shekullin e 16'të, njerëzit besonin se një enë gjaku në gishtin e katërt të dorës së majtë

Postuar: 19/10/2018 - 19:50

Mesa duket janë disa shenja që tregojnë se partneri po ju tradhton nga rrjetet sociale, pra ngacm

Postuar: 19/10/2018 - 19:41

 Nëse keni përshtypjen se të gjitha xhinset e ngushta duhet të shkatërrohen në momentin, që

Zbulohen monedhat e mbretit britanik me fjalët “Allah” në to

Postuar: 19/10/2018 - 19:41

Një ekspozitë ka zbuluar se një mbret mesjetar në Britani nxirrte monedha ari me fjalët arabe n