Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Hoxha: Gratë që nuk kryejnë marrdhënie me burrin e tyre do të mallkohen

Postuar: 12/09/2018 - 13:49

Një hoxhë në Australi ka deklaruar se është mëkat nëse gruaja refuzon bashkëshortin për të bërë seks. Nassim Abdi, gjatë predimikimit në një xhami në Sidnei, tha se gruaja do të jetë e mallkuar nëse ajo refuzon pa arsye që të kryejë marrëdhënie me burrin e saj.

“Nëse bashkëshorti i kërkon që të qëndrojnë në momente intime dhe nëse gruaja nuk ka arsye legjitime për të refuzuar, atëherë duhet t’i përgjigjet kërkesës së burrit. Nëse refuzon, atëherë ka kryer një mëkat të madh. Nëse burri e kërkon në shtrat bashkëshorten dhe ajo e refuzon, atëherë engjëjt do ta mallkojnë atë deri sa të zgjohet”, tha ai.

Abdi predikon një version fundamentalist të Islamit Salafist të Arabisë Saudite, që mbron gjithashtu ligjin e Sheriatit.

Pas këtyre deklaratave, kanë shprehur shqetësim feministët dhe Prokurori i Përgjithshëm. Ndërsa një profesoreshë në Universitetin e Macquarie, e cilësoi predikimin e hoxhës si gjuhë urrejtje.

“Ky fjalim duhet të hetohet. Unë besoj në lirinë e fjalës, por besoj edhe në kufijtë e lirisë së fjalës. Në këtë vend është kundër ligjit teoria që hoxha po mbron. Kjo është një formë e gjuhës së urrejtjes”, tha ajo.

Një tjetër akademik, profesor Lumby u shpreh se predikimi i hoxhë Abdi mund të inkurajojë burrat myslimanë për të kryer dhunë në familje.

Prokurori i Përgjithshëm tha se këto deklarata janë objekt i punës së policisë.

“Seksi jo me dëshirën e të dy partnerëve është një krim i rëndë dhe duhet të raportohet në polici. Respekti për të gjitha gratë është një vlerë thelbësore për shoqërinë australiane. Pikëpamjet e shprehura nga ky predikues janë të neveritshme”, deklaroi Prokurori i Përgjithshëm.

/Agjensia e Lajmeve Sot News/

Na Beni Like Ne Facebook: 
You voted 4. Total votes: 5

Lajme nga e njejta kategori

Postuar: 22/09/2018 - 18:52

Forumi Botëror Ekonomik publikoi në faqen e vet një raport që siguron se 3 nga 4 karrierat e studiuara aktualisht në universitete do të jenë të vjetëruara.Ekspertët vunë në dukje se 75% e profesioneve të së ardhmes en

Postuar: 22/09/2018 - 17:36

 Një avokate e cila fiton një shumë të konsiderueshme parash në vit, ka deklaruar në një int

Postuar: 22/09/2018 - 10:07

Astronomët kanë zbuluar një ekzoplanet që të kujton planetin Vulcan nga "Star Trek".

Postuar: 22/09/2018 - 10:02

Një ngjarje jo e rrallë, por vetëm një herë në 20 “top plazma” e krijuar nga shpërthi

Postuar: 21/09/2018 - 23:58

 Pavarësisht absurditeteve që mund të kenë dasmat dhe zakonet e tyre, vajzat në përgjithësi

Postuar: 21/09/2018 - 23:52

 Policia kolumbiane ka mbyllur një muze të vogël kushtuar jetës së lordit të drogës Pablo Es