Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Lamtumirë kilogram! Shkencëtarët votojnë ndryshimin

Postuar: 17/11/2018 - 22:00

Rreth 130 vite pasi kilogrami u përcaktua nga një masë metali që është mbajtur në një kasafortë në Paris, shkencëtarët kanë votuar për ndryshim dhe një sistem të ri që ripërcakton matjen globale të masës në kuptimin e një konstanteje thelbësore të natyrës.

Pas një votimi historik në konferencën e përgjithshme mbi peshat dhe masat, në Versajë, kilogrami nuk do të përcaktohet më nga prototipi ndërkombëtar i kilogramit, një cilindër platini i prodhuar në 1889, por nga konstantja e Planck, një numër që e ka origjinën thellë në botën kuantike. Votimi ishte unanim dhe sipas vetë shkencëtarëve pjesëmarrës në konferencë, edhe emocional. Prototipi ndërkombëtar i kilogramit i ka shërbyer botës mirë, por shkencëtarët e kanë ditur prej kohësh se edhe pse për shkak të definimit, saktësisht një kilogram, pesha e tij ndryshon me kohën.

Sistemi i ri nxjerr në pension prototipin ndërkombëtar të kilogramit e bashkë me të edhe tre njësi të tjera bazë: amperin, kelvinin dhe molin, të gjitha të lidhura tani me konstante të natyrës. Ripërcaktimi i kilogramit do të ketë impakt zero në mënyrën se si frutat dhe perimet do të peshohen në tregje, por ai shënon kulmimin e dekadave punë për të lidhur njësitë bazë që përbëjnë metrologjinë me konstante të gjendura në univers.

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 26/05/2019 - 21:53

Marrëdhëniet seksuale varet në gjendjen emocionale dhe në personin që ndodhet në anën tjetër të k

Postuar: 26/05/2019 - 12:50

Në Londër ndodhet ndoshta lokali më i pazakontë në botë.

Postuar: 26/05/2019 - 08:26

Dashi – Ju mund të dëshironi të keni liri sot.

Postuar: 25/05/2019 - 23:57

Nëse nuk ke patur fat në marrëdhëniet e tua të dashurisë, kjo mbase ka të bëjë me faktin se ende

Postuar: 25/05/2019 - 11:29

Që kur u ndava nga bashkëshorti, nisa të kisha një lidhje me një koleg të martuar.

Postuar: 24/05/2019 - 21:15

 Meri Shehu në parashikimin e saj për shenjat e horoskopit ka treguar se për një nga shenjat