Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Media italiane reportazh për bukuritë shqiptare dhe Tiranën

Postuar: 17/08/2017 - 19:30

Media kombëtare italiane, “RAI Radio3” i ka bërë jehonë sot potencialit turistik që ofron Shqipëria dhe në mënyrë të veçantë ndryshimit rrënjësor që ka pësuar Tirana në dy vitet e fundit, ndërsa fton qytetarët italian që ta konsiderojnë atë një destinacion të tyren.

Rubrikën e saj, “RAI Radio3 - Mondo”, ku flet për zhvillimet në vendet e tjera, kjo radio ia ka kushtuar pikërisht Shqipërisë, ku nëpërmjet një reportazhi të gjatë, Tirana paraqitet si promotore e ndryshimit të të gjithë vendit dhe një potencial i mirëfilltë turistik dhe kjo falë punës që po kryen Bashkia e Tiranës. 

Gazetarja italiane ka vizituar disa nga vendet më tërheqëse në Tiranë, ato historike si xhamia e “Et’hem Beut”, por edhe ato që falë investimeve dhe vizionit të Bashkisë së Tiranës janë kthyer në vende të preferuara për turistët e huaj, përfshi këtu Pazarin e Ri, sheshin “Skënderbej”, si dhe “Shtëpinë e gjetheve”, një nga bazat simbol të veprimtarisë së shërbimit famëkeq të Sigurimit të Shtetit. Më pas ajo udhëton drejt Durrësit dhe Vlorës, ku gjithashtu i bën një ekspoze të gjerë mundësive turistike të këtyre zonave.
 
“RAI Radio3” ka postuar edhe një set fotosh të “Lovelyplanet” nga Tirana në faqen e saj në rrjetin social Tëitter, ku bien në sy ato nga sheshi “Skënderbej” dhe xhamia e “Et’hem Beut”, ndërsa i shoqëron edhe me një sërë komentesh pozitive për Tiranën dhe Shqipërinë.
 
“Tirana është kthyer tashmë në kantierin e ndryshimeve në vend”, shkruan “RAI Radio3” në Tëitter, duke iu referuar pikërisht transformimit të madh që po pëson kryeqyteti shqiptar. Një vëmendje të veçantë zë padyshim Pazari i Ri, i cili është shndërruar në një hapësirë të dashur për qytetarët e Tiranës dhe të gjithë turistët. “Pazari i Ri në qendër të Tiranës tashmë është kthyer në një zonë baresh e restorantesh”, shkruan “RAI Radio3” në një tjetër koment në Tëitter.
 
Në përfundim, kjo radio thekson se turizmi në vendin tonë është rritur me 15%, ndërsa shprehet se Shqipëria është destinacion për italianët. 

 

/Agjensia e Lajmeve Sot News/

Na Beni Like Ne Facebook: 
Total votes: 23

Lajme nga e njejta kategori

Postuar: 23/06/2018 - 23:50

Mësuesja e shkencave, Lanie Bakeberg së fundmi ka dhënë disa këshilla për përdoruesit e ‘Quora-s’ se si ta rrisni kapacitetin mendor dhe të bëheni persona më inteligjentë.

Postuar: 23/06/2018 - 23:36

Shpesh për disa femra është e pamudnur arritja e një gjatësie të dëshiruar flokësh.

Postuar: 23/06/2018 - 23:05

Domethënë ai i kishte dhënë like në Facebook fotot së vitit 2016 të shoqes së ish-të dashurës?

Postuar: 23/06/2018 - 22:44

A është e mundur që meshkujt të kenë frikëra sekrete? Ata duken aq të fortë dhe të vendosur!

Postuar: 23/06/2018 - 22:23

Krijimi i shoqërive të reja nuk është proces edhe aq i lehtë.Ka shumë gjëra që duhet t’i ke

Postuar: 23/06/2018 - 21:50

Dijeni se temperatura e ulët me të cilën lani rrobat do të sjellë insekte kudo nëpër shtëpinë tua

Postuar: 23/06/2018 - 20:56

Rezultatet e para të vrapimit shihen pas katër javësh praktikë konstante.