Studimi i ri fut në panik botën, zbulohet çfarë po ndodh me brendësinë e Tokës

Brendësia e Tokës po ftohet më shpejt nga sa kemi vlerësuar më parë, sipas një studimi të fundit, duke shkaktuar pyetje se sa gjatë mund të jetojnë njerëzit në planet.

Nuk ka një kohë të saktë për procesin e ftohjes, i cili përfundimisht mund ta kthejë Tokën solide, të ngjashme me Marsin. Por rezultatet nga një studim i ri, i botuar në revistën e rishikuar nga ekspertët Earth and Planetary Science Letters, fokusohet në atë se sa shpejt mund të ftohet bërthama duke studiuar bridgmanite, një mineral që përcjell nxehtësinë që zakonisht gjendet në kufirin midis bërthamës së Tokës dhe mantelit.

“Rezultatet tona mund të na japin një perspektivë të re mbi evolucionin e dinamikës së Tokës. Ata sugjerojnë se Toka, si planetët e tjerë shkëmborë Mërkuri dhe Marsi, po ftohet dhe po bëhet joaktive shumë më shpejt se sa pritej.“- tha profesori i ETH Cyrih Motohiko Murakami, autori kryesor i studimit, në një njoftim për shtyp.

Kufiri midis bërthamës së jashtme të Tokës dhe mantelit është vendi ku ekziston ndërveprimi i brendshëm i nxehtësisë së planetit. Ekipi shkencor studioi se sa bridgmanit përçon nga bërthama e Tokës dhe zbuloi se rrjedha më e lartë e nxehtësisë vjen nga bërthama në mantel, duke shpërndarë nxehtësinë e përgjithshme dhe duke u ftohur shumë më shpejt nga sa mendohej fillimisht.

“Ky sistem matjeje na lejon të tregojmë se përçueshmëria termike e bridgmanitit është rreth 1.5 herë më e lartë se sa supozohej. Ne ende nuk dimë mjaftueshëm për këto lloj ngjarjesh për të përcaktuar kohën e tyre”.- tha Murakami në deklaratën për shtyp.