Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Të traumatizuar pas tërmetit të fuqishëm? Hidhini një sy këtij manuali për shëndetin mendor

Postuar: 29/11/2019 - 18:04

Të gjithë jemi të tronditur nga lëkundjet e tokës këto ditë. Hapi i parë për të marrë veten nga kjo situatë, sipas Fondacionit për Shëndetin Mendor, është pranimi i ndjenjës së pasigurisë, frikës, ankthit dhe shqetësimit.

Veç kësaj, përmes një broshure të shkurtër, ky fondacion jep disa këshilla ndihmëse, sidomos për shëndetin mendor të fëmijëve.

Flisni me të miturit dhe adoleshentët për ndjenjat e tyre dhe sesi janë ndikuar nga tërmeti.

Përdorni gjithmonë fjali pyetëse të shkurtëra dhe të thjeshta.

Përgatituni për të dëgjuar e diskutuar të njëjtat detaje më shumë se një herë.

Sigurohuni që fëmijët të kuptojnë se nuk është faji i tyre se përse janë të frikësuar dhe në ankth.

Shpjegojuni që edhe ju, të rriturit nuk jeni në gjendje që të kuptoni pse ndodhin disa gjëra.

Bëni maksimumin që të jeni mbështetës, të dashur, të thjeshtë, të qetë dhe të parashikuar.

Inkurajojini fëmijët që të angazhohen në aktivitete e ushtrime fizike.

Reagimet e njerëzve ndryshojnë. Dikush mund të flasë më pak dhe të përqëndrohet më shumë tek detyrat e thjeshta. Një tjetër mund të flasë më shumë. Veproni sipas mënyrës që ju vjen natyrshëm, por duke pasur parasysh që të jeni sa më shumë në kontakt me të afërm, miq apo njerëz të tjerë.

Komuniko vazhdimisht me familjarët, miqtë, fqinjët dhe kolegët. Fol me ta për mendimet dhe ndjenjat, edhe për frikën e ankthin.

Ruaj ekuilibrin e jetës, mes nevojave personale, punës dhe detyrimeve familjare. Menaxho zotimet si normalisht, megjithëse të thuash “jo” ndonjëherë nuk ka asgjë të keqe.

Ushqehu me kujdes. Përdor një dietë të shëndetshme me ushqime që veprojnë si mburojë natyrale kundër stresit

Ushtro sa më shumë që të jetë e mundur aktivitet fizik

Gjej gjithmonë kohën për qetësim, duke marrë frymë thellë, apo teknika e metoda të tjera për reduktimin e ankthit dhe stresit

Ruaj rutinën ditore, sa më shumë që të jetë e mundur, përfshirë këtu edhe fjetjen me orët e nevojshme

Gjej diçka për t’u marrë. Kujdesu për të tjerët, ndonjëherë ndihmon për të harruar telashet tona. Të gjitha pyetjet “po sikur” janë më të lodhshme sesa të ndihmosh të tjerët. Mundohu të realizosh gjëra të vogla, që ju ndihmojnë të jeni pozitivë

Qesh sa më shumë. Reflekto mbi gjërat e mira të jetës

Tregohuni të duruar me veten. Nguliteni në kokë se vetëm ju e keni në dorë që të rifitoni ekuilibrin e jetës

Reagimi fizik ndaj tërmeteve

Truri ynë prodhon adrenalinë në situata stresi. Kjo shkakton mungesë përqëndrimi dhe gjendje ankthi. Në vetvete, ky është një paralajmërim që organizmi ynë na jep që të jemi të kujdesshëm dhe gati për të vepruar. Këto ndjenja mund të largohen, por nëse lëkundjet zgjasin mund të kërkojnë më shumë kohë. Tre këshilla:

Mundohu të ruash rutinën

Merr frymë ngadalë dhe me hundë

Kujtohu se frika pritej dhe hiqni tutje panikun

Je vetëm ti?

 

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 13/12/2019 - 13:29

Festat janë koha ideale për të reflektuar. Çfarë kemi bërë mirë dhe çfarë mund të përpiqemi të bëjmë më mirë?

Postuar: 13/12/2019 - 09:32

Jo të paktë janë ata njerëz që besojnë tek besëtytnitë dhe çdo gjë që iu lidh në jetë e lidhin me

Postuar: 13/12/2019 - 09:16

Një djalosh shqiptar nga Gjilani ka bërë një gjest të rrallë.

Postuar: 13/12/2019 - 07:57

Disa persona janë krejt të pandjeshëm, kur bëhet fjalë për t’i dhënë fund një lidhje edhe p

Postuar: 13/12/2019 - 07:03

Njihuni me parashikimin e astrologut italian Paolo Fox, për punën, shëndetin dhe ndjenjat, si do

Postuar: 12/12/2019 - 23:56

Një 43-vjeçar ka tentuar të gënjejë instruktorin me qëllim që të merrte provimin e patentës për n