A duhet të ketë diferenca në rritjen e pensioneve?

Dihet qe numri i pensionistëve është i madh në Shqipëri, çka e bën të vështirë çdo lloj rritjeje për çdo Qeveri, pasi kërkohen shuma të mëdha nga buxheti i shtetit. Kjo rritjeje për shumicën e pensionisteve është e papërfillshme. Tek shikon masën e pensionit që merr çdo pensionist shikon diferenca aq te mëdha saqë pensionet e mëdha duken si paga krahasuar me pensionet e vogla. Kështu një pension social është 7 mije leke, po kështu pensionet e ish kooperativat Bujqësore shkojnë nga 1o apo 12 mije leke, kur bie fjala një ish deputet merr mbi 100 mije leke. Po te shikosh kontrastin e tyre del se diferenca është më shumë se 1 me 10 sa që nuk e përligj një gjë të tillë. Diferenca të tilla vërehen në një numër të madh si ish ministra, prokuror, gjyqtar , prefekt, kryetar bashkish që vetëm se kanë patur një detyrë të tillë marrin pension me shume se nje rroge mesatare. Qeveria bën mirë që më rritjeje apo indekson pensioni përpiqet t' u vijë në ndihmë, por është e padrejtë që kjo rritje bëhet unike për të gjithë. Mendoj se qeveria duhet të bëjë rritjeje vetëm për pensionet e vogla duke vendosur një cak. Bie fjala të mos ketë pension nën 20 mije leke, te mos ketë rritjeje pensioni për ata që marrin mbi 40 mije leke. Kjo të bëhet në një vit dhe pastaj të ketë rritje për të gjithë. E them këtë pasi është paradoksale qe rritja 8.6% e pensioneve që mendohet të jepet nga 1 tetori është njëlloj si për pensionistin me 10 mije leke me pensionistit 150 mije leke. Nese pensionistit të parë i ritet 800 leke te dytit i ritet rreth 10 mije leke. Mendoj se qeveria duhet të mos bëjë rritjeje të njëllojtë për të gjithë pensionistet pra të mos ketë % fikse, por pensionet e vogla mund te rriten me 20 % ndërsa të lartët me 5%. Jo ka ardhur por ka kaluar koha qe te ofrohen diferenca në pension.