Bashkitë dhe vetëqeverisja vendore në vendin tonë

Decentralizimi politik në Shqipëri rrjedh nëpërmjet një mjedisi të ndërlikuar politik, nëtë cilin shfaqen përkrahësit dhe kundërshtuesit e tij. Ky lloj decentralizimi në fillim ishtei orientuar kryesisht në integrimin e komuniteteve jo shumicë, i cili për shkaqe politike bojkotonte çfarëdo forme të bashkëpunimit  me institucionet e vendit, pavarësisht se shfrytëzonte pasuritë dhe buxhetin e saj. Partitë politike  duke vlerësuar se procesi i decentralizimit është dhe po zhvillohet në interes të përgjithshëm të qytetarëve me theks të veçantë të komunitetit të tyre,vendosën që të përkrahin dhe marrin pjesë në proces duke bashkëpunuar me institucionet e Shqipërisë, për krijimin e bashkitë të reja. Me kalimin e kohës u kuptua se përkrahja e procesit të decentralizimit nuk ishte  përkrahje e të ashtuquajturave  politikave selektive, por e gjithë qytetarëve të Shqipërisë. Në shoqëritë demokratike, funksionimi i sistemeve qeverisëse, e në veçanti ai demokracisë lokale, mbështetet në parime të forta të interesit dhe vlerave të komunitetit  vendor dhe të interesave të përgjithshme të nivelit kombëtar dhe ndërkombëtar. Varësisht nga shkalla dhe rrethanat e zhvillimeve shoqërore e politike, vendet e ndryshme përcaktojnë parime të ndryshme për qeverisjen e tyre në nivel lokal, por në përgjithësi  zotërojnë disa parime themelore apo vitale nëpërmjet të cilave përcaktohet karakteri i qeverisjes subsidiaritetit, diversiteti dhe fleksibiliteti. Në vendin tonë qeverisja vendore është e bazuar në parimet e qeverisjes së mirë, transparencës, subsidiaritetit, ofrimit të shërbimeve në mënyrë efikase dhe efektive, duke u kushtuar kujdes të veçantë nevojave dhe brengave specifike të komuniteteve që nuk janë shumicë dhe pjesëtarëve të tyre. Parimi i autonomisë vendore tani po zëvendësohet me parimin e vetëqeverisjes vendore, nga se autonomia po identifikohet si rrugë e federalizmit të njësive vendore dhe largimi nga interesi i drejtpërdrejt i qytetarit. Qeverisja vendore në vendin tonë përpiqet që t’i zbatojë në praktikë të gjitha  këto parime të vendeve të BE por duke ia përshtatur  kushteve konkrete .Në këtë kuptim, të gjitha vendet  kanë të ndërtuara sisteme të qeverisjes lokale në përputhje me zhvillimet politike, ekonomike dhe nevojat e qytetarëve. Ngritja e të menduarit publik dhe presioni i lartë i komuniteteve vendore për pjesëmarrje më të madhe në procesin e vendimmarrjes, ka shkaktuar vendosjen e autoriteteve lokale ballë për ballë me kërkesa të reja. Përmbushja e kërkesave të komunitetit lokal po e sjellë nevojën e decentralizimit të qeverisjes nga pushteti qendror në autoritetet  vendore.