BREAKING NEWS

SPAK para “provës së zjarrit”, avokat i njohur paralajmëron arrestimin e Edi Ramës, ja aferat ku dyshohet se është përfshirë kryeministri

SPAK para “provës së zjarrit”, avokat i njohur
x
BREAKING NEWS

Idajet Beqiri: Si e ngriti Flamur Noka mini-fabrikën në Greqi me valixhet me euro nëpërmjet dy njerëzve të tij të besuar nga Kukësi dhe Fieri që përfunduan në burg, ja detajet nga afera e madhe që ndodhet në duart e SPAK

Idajet Beqiri: Si e ngriti Flamur Noka mini-fabrikën në Greqi me
x
BREAKING NEWS

Ja pse Grenell është lidhja e dyshes Berisha-Meta me Edi Ramën, si po i varin shpresat tek njeriu i Donald Trump për të shpëtuar nga sanksionet e SHBA duke shitur ishullin e Sazanit, Evi Kokalari nxjerr detajet e forta

Ja pse Grenell është lidhja e dyshes Berisha-Meta me Edi Ramën,
x
BREAKING NEWS

Richard Grenell konfirmon pazaret Rama-Berisha për ishullin e Sazanit, ja detajet e marrëveshjes me dhëndrin e Donald Trump

Richard Grenell konfirmon pazaret Rama-Berisha për ishullin e Sazanit, ja
x
BREAKING NEWS

Edi Rama pazare të pista me Vuçiç dhe Grenell për të ringjallur idenë e copëtimit të Kosovës, media gjermane plas “bombën”, ja çfarë fshihet pas investimit të dhëndrit të Donald Trump në ishullin e Sazanit

Edi Rama pazare të pista me Vuçiç dhe Grenell për
x
BREAKING NEWS

Gati lirimi i Sali Berishës dhe Jamarbër Malltezit nga burgu, ja çfarë përmban marrëveshja e Edi Ramës me “Rithemelimin”, nga shkatërrimi i SPAK dhe rrëzimi i ligjit të dekriminalizimit, te ngritja e komisionit anti-reformë

Gati lirimi i Sali Berishës dhe Jamarbër Malltezit nga burgu, ja
x
BREAKING NEWS

Ja çeta e grabitjes së pronave të ushtrisë, nga presidenti Bajram Begaj, te Xhaçka dhe Belinda Balluku, zbardhen shkeljet e rënda penale për interesat e oligarkëve, si u vendos në rrezik siguria kombëtare, operacionaliteti i Forcës Detare dhe detyrimet...

Ja çeta e grabitjes së pronave të ushtrisë, nga presidenti
x
BREAKING NEWS

Katër atentate e plagosje në katër ditë ministrit të suksesshëm Taulant Balla, policia mbledh gëzhojat e ekzekutimeve

Katër atentate e plagosje në katër ditë ministrit të
x

Opinion / Editorial

“Breshkëshpejtësia e BE” mbase mund të shpejtohet me targat e përkohshme!

“Breshkëshpejtësia e BE” mbase mund të shpejtohet me

Qeveria Kurti merr vendimin e zbatimit të reciprocitetit me Serbinë për punën e targave. Është një “dikurshmëri” pothuaj ligjore e 2011-tës si marrëveshje e Brukselit atëherë dhe tashmë makinave me targa serbe, ju detyrohen targa të përkohshme ose 60-të ditore vetëm 5 euro për qarkullim në territorin e Republikës së Kosovës. Por ka dhjetë vite që serbët ju japin targa të tjera të përkohshme qytetarëve të Kosovës kur kalojnë në territorin serb. Serbët punën e targave e kanë lidhur me “njohjen de fakto” të Kosovës si shtet sovran dhe kanë parapëlqyer të veprojnë njëanshmërisht me të tillë marrëveshje të pazbatuar nga Kosova, duke i nxjerrë serbët “krenarë” në marrëzinë e tyre të shitjes mend me targat, kur Kosova ka lejuar dhe për hatër të Perëndimit pikërisht serbët të kalojnë lirshëm. Dje Kurti filloi zbatimin e marrëveshjes së Brukselit që i bashkonte serbët dhe kosovarët në përdorim të targave të përkohshme. Gjithsesi vetëm në veri të Mitrovicës serbët aty, kanë bllokuar rrugën dhe për të bërë lajm dhe për të bërë Vuçiçin të mbledhë sot “sigurinë”. Në fakt, shumë ua kanë zgjatur serbëve dhe kjo ka ardhur, sepse BE është si gjithmonë e “me shpejtësi breshke” dhe jo plotësuese e detyrimeve që ka krijuar vetë si marrëveshje. Sigurisht unë nuk e respektoj Kurtin për “majtizmin e tij nacionalist” dhe frymën idiote të “inateve të tij me qeverinë Rama” që pastaj përkthehen me urrejtje për Shqipërinë por... Por targat, duhet të bëjnë të mundur “iluminimin” e mendjes në Bruksel. E sigurisht me anën e konferencës për shtyp Brukseli vazhdon avazin e “leksioneve për të dy palët” që tashmë është një diplomaci bajate. Në një konferencë për media, Stano deklaroi se tensionet duhet t’i ndalin të dyja palët dhe tha se dialogu duhet shfrytëzuar për të zgjidhur mosmarrëveshjet e tilla. “Jemi duke vëzhguar situatën nga afër dhe dua të theksoj liria e lëvizjes është një kusht themelor i BE-së dhe këtë e presim edhe nga Kosova dhe Serbia që ta promovojnë atë. Ne u bëjmë thirrje të dyja palëve që të përmbahen dhe të reduktojnë tensionet. Menjëherë dhe pa ndonjë vonesë”, theksoi ai. Stano shtoi gjithashtu se Kosova dhe Serbia duhet të përdorin dialogun si platformën e vetme për të zgjidhur të gjitha çështjet e hapura që mund t’i kenë këto dy vende, përfshirë edhe lirinë e lëvizjes. Në fakt qeveria e Kosovës ka thënë se të gjithë shoferët me targa të lëshuara nga Serbia, duhet të paguajnë 5 euro për targa të përkohshme dhe vlefshmëria e tyre është 60 ditë. Kosova kishte paralajmëruar e vendosjen e masës së reciprocitetit për targat, gjatë raundit të fundit të dialogut me Serbinë, të ndërmjetësuar nga Bashkimi Europian. Zëvendëskryeministri Besnik Bislimi kishte thënë se marrëveshja për targat skadon më 15 shtator dhe se Kosova nuk do ta respektojë atë njëanshëm. Deri më tani, veturat e Kosovës që kanë kaluar nëpër Serbi, është dashur t’i heqin targat e tyre “RKS” (Republika e Kosovës) dhe të vendosin targa të përkohshme prej letre. Çështja e targave ishte e rregulluar Marrëveshjen e Brukselit për lëvizjen e lirë, të arritur në korrik të vitit 2011, në kuadër të dialogut ndërmjet Kosovës dhe Serbisë, ku ishte përcaktuar që të gjithë pronarët e veturave që banojnë në Kosovë, duhet të përdorin targat “KS” (Kosovë) ose “RKS” (Republika e Kosovës) dhe kështu t’i hiqnin nga përdorimi targat që për serbët e Kosovës i lëshonte Ministria e Punëve të Brendshme e Serbisë.  

Unë po jap dhe të thëniet e “armiqve të Kurtit” dhe ajo më ekselente është Kimete Berisha që shkruan: Të jesh objektive do të thotë t’i tejkalosh mijëra shamje, ofendime e kërcënime me jetë, ta lësh zemrën anash, ndjenjat anash, inatin anash, dhe të thuash se “reciprociteti me targat me Serbinë, është gjest i bukur”. Dhe të shtosh se “Qëllimi i arsyeton mjetet”. S’ka rëndësi që bëhet për fushatë ky veprim, me rëndësi është që “dhez” ky gjest dhe askujt në Kosovë nuk i bie keq që prej sotit Serbisë ia fshehim buçkat e targave të regjistrimit me targat e shtetit të Kosovës. Por pra dhe zv/kryeparlamentari Maloku përmes një postimi në llogarinë e vet në “Facebook” i është drejtuar kryeministrit Albin Kurti se problemi i Kosovës nuk janë targat e automjeteve. “O Albin Kurti. Problemi i Kosovës nuk janë targat e automjeteve. Hajnia, korrupsioni, nepotizmi, haraçi, fajdet, sistemi i drejtësisë i degraduar, shëndetësia në kolaps dhe arsimi askund. Këto janë problemet e Kosovës. Si është e mundur që në një vend aq të varfër të ketë politikanë aq të pasur? Në këtë pyetje duhet dhënë përgjigja nga drejtësia”, ka shkruar Maloku. Ai ka thënë se vetëdijesimi i qytetarëve e ndalë importin e produkteve serbe e jo doganat. Në fakt targat duhet të shërbejnë dhe pse është si thotë Kimetja aksion elektoral, sërish duhet të shërbejnë për të lëvizur Brukselin se sa Beogradin. Në fakt është pabarazi e madhe dhe sidomos te targat ku është identiteti i parë shtetëror duket qartë. Beogradi dhe pse ankohen në Mitrovicë serbët ka rënë dakord për një gjë të tillë. E kjo marrëveshje nuk mund të jetë e njëanshme. E bën për fushatë lektorale Kurti (sigurisht që po) apo nuk e bën, sikundër thotë Kimetja, është një diçka që duhet pranuar dhe se Makiavelizmi nuk është armiqësi politike por politikë që tenton të përfitojë. Brukseli duhet të tejkalojë “breshkën që ka zakon” dhe vazhdimi me “tërheqjen e kosovarëve gjithmonë” përpara serbëve, nuk është politikë e mençur kaq shumë. Kaq, jo ndonjë gjë më shumë se sa kaq.