Cinikë, hipokritë dhe sharlatanët perfidë biles pa lot, as si të krokodilit!

Çdo 12 shtator në PD e shkatërruar dhe copë cope, luhet një tragjikomedi groteske me “nderimin” që i bëjnë Hajdarit! Kryesori i këtij grotesku është Sali Berisha dhe pastaj vjen e shoqa e të ndjerit! Të tjerët pastaj, janë pak a shumë një kor vajtojcash që bëjnë dhe skenografinë e shëmtuar të një dite që shënjon si demokracinë dhe u përdor për grushin e shtetit të 14 shtatorit të ideuar dhe realizuar nga Berisha! Ishte ai dhe ata që e shpallën Hajdarin spiun të sigurimit dhe tradhëtar të idealeve antikomuniste dhe në shërbim të pushtetit. Ishte gazeta e tij Rilindja Demokratike që ka thënë e stërthënë për Hajdarin. Me 6 janar 98 shkruante: “Pasi e kanë implikuar ne shumë histori të dyshimta të cilat Azemi i di mirë dhe ne do t’i publikojmë në numrat e ardhshëm, duke se padronët kanë vendosur ta përdorin, Azemin, tashmë të pavlerë, si pilot vdekje”. Gati gati paralajmërojnë vrasjen. Por më përpara gazeta e Berishës e kishte paralajmëtuar. Me 7 janar 1997, gazeta Rilindja Demokratike, duke iu referuar grevës në universitete të organizuar nga Azem Hajdari në datën 6 janar, shkruan ndër të tjera: “Duke përdorur nipin e tij, që në vend të librave parapëlqen të mbajë vulën nën jastëk, Hajdari tenton të menaxhojë disa vështirësi të studentëve për të realizuar ambiciet e tij të sëmura politike. Hajdari i eksituar nga egoja e tij e fryrë me marifet nga një tufë bredhacakësh ordinerë, deklaron ringjalljen e trinomeve, sipas parimit ‘fol, fol se diçka do mbetet’. Hajdari, i shndërruar në pak kohë në klloun mjeran të politikës shqiptare, harron se një muaj më parë ishin punëtorët, ishin studentët dhe gjithë qytetarët e Tiranës, që nuk denjuan as të vinin ta përqeshnin mbledhje e tij në një ambient sportiv të stadiumit Qemal Stafa, ku britmat e tij ngjanin me ekstazat e një drejtuesi bastesh”.Ka prap, sepse sërisht përpara në datën 9 janar 1997, Rilindja Demokratike shkruan se grupi parlamentar i PD i ka propozuar forumeve të partisë që të përjashtojnë Azem Hajdarin nga grupi. Ndër të tjera, gazeta e PD-së shkruan: “Kryesia e grupit parlamentar të PD-së ka vendosur t’i propozojë forumeve drejtuesve të PD-së, largimin e deputetit A. Hajdari nga grupi parlamentar. Arsyet që kanë çuar krerët e grupit parlamentar të PD-së të kërkojë largimin e Hajdarit kanë të bëjnë me kundërvënien e tij ndaj programit të PD dhe qeverisë demokratike”. Në atë kohë PD-ja drejtohej nga Tritan Shehu, qaraman sot (me lot krokodili që nuk i ka) dhe si puthamendere e Berishës. Ka prap e prap, sepse në 9 janar 1997, Berisha hedh në sulm Forumin Rinor të PD-së, i cili zhvillon një takim me shoqatat e studentëve. Takimi pasqyrohet në shkrimin e RD-së në datën 10 janar ’97, ku studentët miratojnë edhe një deklaratë, ku deklarojnë distancimin nga Azem Hajdari, duke e quajtur provokator dhe të dështuar.”Gjithashtu ata kërkuan nga studentët zhvillimin normal të mësimit si dhe u bënë thirrje atyre të mos bien pre individëve të dështuar politikë, të cilët në mënyrë provokative dhe të paligjshme duan të përdorin studentët për qëllime ordinere”. E saga e vitit 97 vazhdon në 20 janar, Azem Hajdari flet në Parlament për përjashtimin, të cilin e konsideron të paligjshëm. “Unë aktualisht jam anëtar i Këshillit Kombëtar të Partisë Demokratike, i pezulluar pa afat, dhe “pezullimi” si term ndryshon nga “përjashtimi”. Aty nuk përmendet motivacioni që ka thyer programin e PD-së. Ai që vendos për përjashtimin tim është Kongresi i PD-së, që e pranon propozimin e kryetarit ose jo, në rast se një kompetencë e tillë ndodhet në statut. Por kjo nuk është në statut”, tha ai. Azem Hajdari vijoi kritikat ndaj qeverisë së PD deri kur Berisha u rrëzua nga pushteti disa muaj më pas. Në vitin 1995 me 18 gusht Berisha thoshte sipas Rilindjes .. 18 gusht 1995, nga fjala e Sali Berishës për Azem Hajdarin; Bashkëpuntor i Sigurimit të Shtetit dhe nje trafikant dhe vrasës e…!!!!! Berisha ka akuzuar Azem Hajdarin në 96 se ishte i përfshirë në lidhje të shumta kriminale dhe se i kishte shërbyer Ramiz Alisë. “Cili është dhe kujt i shërben në të vërtetë, z. Azem Hajdari? Duke gjykuar mbi faktet e jo mbi fjalët, kemi të drejtë të themi se kishim dy Azem. Ai i mitingjeve që bënte gjëmën, kurse ai në jetë që bëhej mik me Irakli Koçollarin, e sigurimsa të tjerë, dehej sa nuk e kontrollonte se ç’nxirrte nga xhepat. Deputeti Azem Hajdari, hyri në grevën e urisë. Kureshtarët e shumtë, tifozët e politikës u gjendën të befasuar nga veprimet e zotit Hajdari dhe sollën versione të ndryshme në shpjegimet e tyre, duke akuzuar më pas Azem Hajdarin për lidhje të shumta kriminale, lidhje me sigurimsat e shtetit, në shërbim të Ramiz Alisë e të tjera me radhë”, është shprehur Berisha për Azemin në ’96. Sot as lot krokodili nuk kanë ata që bëjnë si demokratët përfshi dhe familjen dhe të bijën. Pa dyshim dhe e shoqa që di më shumë se askush aty - pse, kush, kur dhe nga?! Janë thjesht dhe në vendosje kurorash dhe ceremoni - sharlatanë. Janë perfidë dhe të jashtëzakonshëm në cinizmin e tyre. E sigurisht kjo është një nga arsyset pse ajo parti nuk do të mund të përfaqësojë asnjëherë pushtet në Shqipëri. Ata janë pjesë e perfidies politike dhe përdorimit të gjakut mbasi e kanë fyer dhe denigruar njeriun që ka derdhur gjak. Janë të pa arritshëm në maskarellekun e tyre.