BREAKING NEWS

Gati të fundoset grupi organizator i biznesit të armëve në Gërdec, prokurorët pritet të marrin në duar faktet nga Drejtësia Amerikane, nisen letër-porositë në SHBA, informacione do të merren edhe për Patrick Henryn, ja lidhja e tij me Delijorgjin dhe S...

Gati të fundoset grupi organizator i biznesit të armëve në
x
BREAKING NEWS

Daut Gumeni: Ja pse socialistët dhe Gentiana Sula bllokuan hapjen e dosjes së spiunit të Ilir Metajt, presim që ‘shiringa me ujë deti’ që u injektoi zyrtari i lartë i DASH prokurorëve të SPAK të sjellë arrestimin e ‘peshave të rënda’

Daut Gumeni: Ja pse socialistët dhe Gentiana Sula bllokuan hapjen e dosjes
x
BREAKING NEWS

Plas skandali, Kuvendi i Shqipërisë vihet nën akuzë për votimin pa kuorum të ligjit për Investimet Strategjike, ja si u shkallmua Kushtetuta nga mazhoranca, zbardhet mashtrimi

Plas skandali, Kuvendi i Shqipërisë vihet nën akuzë për
x
BREAKING NEWS

Pasuria e dyshimtë e “sheikut” të Kuvendit Laert Duraj që sfidon “ujqërit” e vjetër në politikë, banesë 200 mijë euro, 11 llogari bankare, fitime marramendëse nga qeratë, 180 mijë euro shitje pasurish, si i ka justifikuar milionat nga puna si emigrant,...

Pasuria e dyshimtë e “sheikut” të Kuvendit Laert Duraj
x
BREAKING NEWS

Ja pazaret e PS dhe Rithemelimit, si po mbrojnë korrupsionin e Klodian Allajbeut dhe Vilma Nushit, vjedhjet me “Hemodializën”, “Check Up”-in, “Laboratorët” dhe “Sterilizimin” janë të faktuara, priten arrestimet nga SPAK

Ja pazaret e PS dhe Rithemelimit, si po mbrojnë korrupsionin e Klodian
x
BREAKING NEWS

Rama-Berisha ngrenë komision për të shkatërruar SPAK dhe Reformën në Drejtësi, ja pazaret e reja të “non-gratës” me kryeministrin për të bllokuar arrestimet

Rama-Berisha ngrenë komision për të shkatërruar SPAK dhe
x
BREAKING NEWS

Plas skandali i Portit të Vlorës, ja si iu falën Samir Manes 57 mijë metra katror tokë, të implikuar 2 ministra, SPAK merr në dorëzim padinë për megaoligarkun e qeverisë

Plas skandali i Portit të Vlorës, ja si iu falën Samir Manes 57
x
BREAKING NEWS

Gazetarja e njohur paralajmëron arrestime të bujshme në ditët në vijim, ja disa nga dosjet “përvëluese” që po heton SPAK dhe skema që ndoqën agjentët e BKH për të arrestuar Jorgo Goron, kryebashkiaku në detyrë i Himarës u përgjua 4 muaj rresht me metod...

Gazetarja e njohur paralajmëron arrestime të bujshme në
x

Opinion / Editorial

Ç’na bëre more Edi Rama, ç’na bëre!

Ç’na bëre more Edi Rama, ç’na bëre!

Ca të mira i keni bërë, po me këtë që ke bërë këtë radhë, i ke prishur dhe ato. Mos harro, që ne kishim ndërtuar një demokraci, ku njerëzit të bënin ç’t’u shkrepej në kokë. Të ngriheshin në mes të ditës e të vidhnin cilin të mundnin, po dhe të rrëmbenin pushkën dhe të bënin qitje të lirë kundër çdo njeriu, që i shante gomarin. Të vinin te prona jote dhe të shtynin tutje, se ajo u duhej atyre. Të ofendonin e shpifnin me zhargonin më antinjerëzor ku t’u tekej. Edhe në Kuvendin e Shqipërisë të nxirrnin jashtë për zhele, edhe po të protestoje të vrisnin përpara Kryeministrisë. Nëse njerëzve u kanë mbetur edhe pak tru në kokë dhe e kanë ndjekur politikën e opozitës, e dinë që ajo e filloi punën e saj me të sharë, me të shkatërruar e me të shpifur. Akuza për krime, vjedhje, drogë. Tërë këto vite në organet e drejtësisë nuk shpunë asnjë njeri. Si thoni ju, a mund të besojnë njerëzit një forcë politike që vetëm leh? Si mund t’i japësh pushtetin një opozite, që nuk ka paraqitur para njerëzve asnjë alternativë më të mirë nga ajo e pushtetit? Po ç’na bëre, more zoti Rama, ç’na bëre! I hoqe opozitës alternativën e vetme që kishte, shpifjen e sharjen, që ajo e quan fjalë të lirë! Dhe u ngritën si në kor lulushërinjtë e të akuzuan, se kërkon t’i mbyllësh gojën opozitës! E çfarë bën kështu, more zoti kryeministër me atë ligj që na propozon? Mos e bëj atë ligj, se na le opozitën pa alternativë. Ne i dimë ca gjëra, po që të jetë fjalë e lirë dhe alternativë e vetme shpifja e opozitës, nuk e dinim. Prandaj mos e bëj këtë ligj, që ndalon shpifjet e sharjet, se nuk ka kush na shan nga nëna e nga motra. Jeni të lutur, zoti kryeministër, mos e lini opozitën memece, se nuk ka kush merret me problemet personale e familjare, siç u morën me Xinxifilet.

E nderuar opozitë, nëse jeni e tillë, nga e keni psonisur këtë fjalë të lirë, që cënon dinjitetin e tjetrit!? Nëse fjala e lirë fut në konflikt një fis të tërë, ajo e ka emrin shpërdorim i fjalës dhe krijon tragjedi si ajo e Matit e të tjera që kanë ndodhur në Shqipëri. Fjalori i drejtshkrimit tonë ka turli fjalësh që mund t’i zgjedhësh për të bërë debate politike ose biseda miqësore. Nëse demokracia erdhi vetëm për të shpifur e sharë, mos e gëzoftë asnjë nga ditët e saj. Shqiptarët nga natyra janë të ndjeshëm dhe nuk durojnë dot shpifje e sharje si këto që keni përdorur deri tani. Kjo që bëni ju dhe Kuvendi i Shqipërisë, është vetëm nxitje për konflikte e tragjedi të reja. Ç’patët që kërcyet nëpër ekrane sikur u ishte cënuar nderi? Juve u cënohet alternativa e vetme, që keni përdorur deri tani, shpifja e sharja, po harroni që njerëzve u keni cënuar nderin dhe dinjitetin me atë zhargon rrugaçëror. Nuk janë në natyrën e popullit tonë këto zhargone dhe ngjarje që kanë ndodhur këto vite të ashtuquajtur demokraci, kush na i psonisi si demokraci. Pavarësisht asaj pjese të vogël, që mbështeti pushtuesit, të tjerët kanë jetuar si vëllezër. Familjet vetëm burrat kishin të ndarë, të tjerat i kishin të përbashkëta. Dhe me atë pjesë që ishte e mënjanuar na është bashkuar kjo farë opozitë ballisto-legalisto-demokrate. Populli e deshi fjalën demokraci, po nga mënyra se si erdhi ajo, tani është bërë fjalë e ndyrë. Demokraci nuk do të thotë ndarje, siç bën i ashtuquajturi lider i PD, që deklaron, se nuk do të komunikojë më me kryeministrin! Nëse kryeministri ka ato që mund të ketë, opozita me argumente duhet të ngulë këmbë që kryeministrin ta nxjerrë nga Kuvendi, jo të iki vetë. Të mos pranosh të dialogosh me kryeministrin, do të thotë se të mungon autoriteti politik e burrëror. Ajo që ka bërë deri tani kjo farë opozite ka qenë vetëm fjalë në erë, që i dëgjon vetëm ajo. Demokraci nuk do të thotë mëri ndaj njëri-tjetrit, por dialog. Nëse tjetri të bind me argumente, korrigjohu, ose nxirr alternativën tënde që ta bindësh. Po alternativë nuk është shpifja e sharja. Opozita vete merret me një teatër, që bëhet për popullin dhe nuk i prish punë as opozitës, po nuk merret me problemet themelore që ka vendi, të cilat s’janë të pakta. Fakti që ajo merret me vogëlina do të thotë se nuk ka aftësi të tjera. Atëherë si pretendon të marrë pushtetin e të drejtojë vendin? Në opozitë ka shumë kuadro që dinë t’u japin rrugë problemeve, po përse rrinë në heshtje? Ata presin ç’do të ndodhë, se edhe po flasin nuk i dëgjon më njeri. Brenda opozitës ka njerëz që të duken sikur heshtin, por janë ata që ndërsejnë ca mendjefyle për t’i hedhur në greminë me ndonjë premtim, që nuk e kanë ende në dorë. Për t’u bërë një çikë ministër kur të hipi gomari në majën e arrës, korbi Salianji vajti u fut në një qorrsokak, që nuk dihet a do të dalë dot më. Kujt i duhet kjo armiqësi mes shqiptarëve, që ka mbushur burgjet sa s’marrin më? Vrasje nëpër kazino, vrasje nëpër prona, vrasje mes subjekteve politike! Armik kemi veten tonë! Dhe opozita me lulushërinë kundërshton ligjin që ndalon vrasjet, se shpifjet në vrasje të shpjenë. Lulushëria propozon të rikthehet ligji me vdekje! A nuk u duket një çudi kjo? Pak shqiptarë po vriten, po të vrasë dhe ca ligji. A e dini, që shumica e atyre që janë në burg, me rikthimin e ligjit për vrasjet, të gjithë pushkatohen?

Opozita e ka detyrë funksionale të kundërshtojë e të korrigjojë gabimet e qeverisë, por jo t’i bëjë nul të gjitha arritjet e saj. Ato të mira që bëhen nuk i shërbejnë qeverisë, por të gjithë popullit. Por kjo politikë që ndjek opozita deri tani ka qenë kundër Shqipërisë. Ata nuk e kuptojnë që janë edhe kundër vendit, edhe kundër vetes. Megjithatë ndërkombëtarët e kanë kuptuar dhe nuk ua kanë vënë veshin rrumpallës së tyre, edhe pse ajo u është kundërvënë edhe atyre si të blerë nga Rama! Ndërkombëtarët nuk e besojnë opozitën tonë, se tek ajo nuk shikojnë asnjë alternativë në të mirë të vendit, por vetëm fjalëtogsh toktançe. Na vjen keq, po kjo lloj politike nuk e sjell dot kurrë në pushtet këtë farë opozite, që me këtë nakatosje që ka bërë, do të ndezi sherrin brenda vetes. Pas miratimit të ligjit kundër shpifjeve, opozita ose do të kthehet në rrjedhën normale të shoqërisë, ose do të jetë e tëra në burg. Po ç’na mëre, more zoti Rama, ç’na bëre!

Nga Enver CAKAJ