Dhuna, fëmijëria, shteti, shoqëria....!

Duke u nisur nga dhuna e përdorur ndaj fëmijeve ditët e fundit desha që me fakte dhe shifra t’a trajtoja këtë problem.

1-Dhuna është forcë shkatrimtare. Është “Forca” e të dobtit, fillon atje ku mbaron arsyeja. Ajo është e papranueshme në parim, por në praktikë e kemi prezente kudo. Fëmijria përfshin moshën 1-11-veç. Është krijesë nga kodi gjenetik i dy prindërve. Sipas Frojdit fëmija i ngjan prindërit me sexs të kundërt. Pra djali nënës e vajza babait. Në formimin e tij fillimisht ndikon familja, pastaj shkolla e më vonë e ca më shumë shoqëria. Nëse ka krijesë të pafajshme është fëmija, e megjithatë tek ata ushtrohen të gjitha format e dhunës, s’i ajo fizike, psikologjike aty dhe ajo seksuale! Tek shteti shpesh dëgjojmë shprehjen: “Duhet marrë masa, duhet edukim, duhet dënim maksimal,duhet kështu e duhet ashtu !” Në fund, asgjë !Fëmijët dhunohen, këtë e ka provuar jeta. Shoqëria civile mjaftohet me disa protesta të zbehta. Dhuna fillon që në çerdhe, Raste ka boll. Tek ne numërohen 81 raste në kundërshtim me ligjin Gjithashtu kemi 63 çerdhe pa liçens, 40 në Tiranë, 11 Durrës e tjerë. S’i e qysh janë hapur s’di ç’të them !-Dhuna tek fëmijët e dënueshme. T’atratojmë më gjerë këtë temë në “ Ditën Botërore e Parandalimit të Abuzimit ndaj Fëmijëve”.

2 Llojet e dhunës.-Me fëmijët abuzohet fizikisht, psikologjikisht, seksualisht. Vendi ynë mbetet vendi me numrin më të lartë në Europë të fëmijëve të kequshqyer dhe të dhunuar. Në këtë përfundim ka dalë organizata ndërkombëtare në mbrojtje të fëmijëve “Save the Children” e cila ka vlerësuar aksesin e të vegjëlve në kujdesin shëndetësor, arsim dhe mbrojtje nga praktikat e dëmshme si puna, martesat dhe shtatëzanitë e hershme në 176 vende të botës, Shqipëria mban vendin e 61. Dhuna është gjithashtu një sulm moral dhe etik ndaj vlerave tona më të çmuara. Dhuna fizike. Të lindësh në varfëri, rrit rrezikun nga dhuna në fëmijëri e cila rrit mundësitë për të jetuar në varfëri edhe në moshë madhore. Për më tepër dhuna fizike mund të krijojë dëm psikologjik si dhe dëmtime fizike. Po ashtu, efektet e dhunës psikologjike mund të shfaqen edhe fizikisht., Kjo është prezentë kudo tek ne, shkollë, familje shoqëri. Dhuna seksuale. Raportet e disa qeverive në Bashkimin Europian dhe të organizatave joqeveritare ndërkombëtare përllogarisin se mbi 5000 fëmijë nga Shqipëria janë viktima të trafikimit ndërkombëtar. Vetëm Mbretëria e Bashkuar deklaron se çdo vit mbi 600 persona nga Shqipëria janë viktima të trafikimit drejt këtij vendi, shumica vajza. Shqipëria e ka shumë të lartë dhe përqindjen e fëmijëve që ikin me prindërit e tyre, teksa grupmosha 0-13 vjeç zënë 26 %. 70% e fëmijëve shqiptarë janë dhunuar në familje!Rreth 120 fëmijë raportohen çdo vit në Shqipëri të humbur dhe të zhdukur prej familjeve të tyre. Mbretëria e Bashkuar, Franca, Italia dhe Belgjika mbeten vendet kryesore, ku fëmijët nga Shqipëria, trafikohen për qëllime të shfrytëzimit seksual dhe punë të detyruar nga rrjetet e krimit të organizuar, drogës dhe prostitucionit. Bullizmi. Për këtë më sqaruan dy kolegu me përvojë si drejtues në arsim,“Mësuesi i Merituar “Qani Zaimi në Skrapar dhe Hysen Guri me përvojë 50-vjeçarenë Berat. Ata theksuan : ’ Bullizmi përfshin dëmtime të përsëritura fizike, psikologjike ose sociale, dhe shpesh ndodh në shkolla, kopshte dhe mjedise të tjera ku fëmijët mblidhen. Sa më shumë që mësojmë mbi pasojat që lë dhuna tek fëmijët, aq më të qartë bëhen masat që duhen adresuar. Si për periudhën afatshkurtër dhe atë afatgjatë. Ekspozimi ndaj dhunës gjatë fëmijërisë ka pasoja jashtëzakonisht negative për shëndetin mendor.”Është evidentuar se 1 në 5 fëmijë në vendin tonë është pre e bullzimit. Në Shqipëri, prevalenca e nxënësve që kanë raportuar se janë dhunuar është 19.9%, rreth 22.6% tek djemtë dhe 17.3% tek vajzat.

-Dhuna psikologjike

Duhet pranuar se dhuna ndaj fëmijëve ndodh gjithandej dhe krijojë pesimizëm për fundin që mund të sjellë. Masa mund dhe duhen të merren për të parandaluar dhunën psikologjike ndaj fëmijëve dhe për këtë arsye asnjëherë nuk duhet të mendohet për të pashmangshmen. Ajo mund të shkaktohet si pasojë e përjetimit i dhunës ekstreme ose konstante gjatë fëmijërisë.. Depresion, çrregullime të ankthit, të ushqyerjes dhe vetëvrasja lidhen me dhunën psikologjike që është ushtruar gjatë viteve të formimit gjatë fëmijërisë. Fëmijët e abuzuar rrezikojnë të përdorin alkool, të abuzojnë me substanca të ndaluara dhe të përfshihen në aktivitete seksuale me rrezik të lartë, në vitet që pasojnë. Ata mund të bëhet dhe pa iniciativë, të frikësuar, pa guxim, pa kurajo, e të nënshtruar para kujtdo,por shpesh dhe agresiv.

3-Shifra shqetësuese. Varfëria sociale i detyron fëmijët të mos shkollohen, të merren me punë e të bëhen lypsa. Këta i gjen kudo tek ne. Në semaforët, rrugë, kafene, spitale, kisha,xhamia, varreza, tek të gjallët e tek të vdekurit ! Vendin e parë e zënë fëmijët romë. Mbi 40 mijë fëmijë punojnë. Mbi 600 fëmijë s’shkojnë në shkollë për arsye të gjakmarrjes. Shqipëria e ka shumë të lartë dhe përqindjen e fëmijëve që ikin me prindërit e tyre. Rreth 120 fëmijë raportohen çdo vit në Shqipëri të humbur dhe të zhdukur prej familjeve të tyre. Institucionet shtetërore, publike dhe shoqërore e kanë për detyrë të përgjigjen për këtë gjendje të dëshpëruar ku gjendemi. Në këto kushte: “Bëhu paqësor, bëhu i sjellshëm, iu nënshtro ligjit, respekto secilin, mos dhuno askënd që të mos ketë dhunë. Fuqia në mbrojtje të lirisë është më e madhe se fuqia në të mirë të tiranisë dhe shtypjes, sepse fuqia e vërtetë, vjen nga bindja!”