Drejtësinë e pavarur nuk duhet ta “shantazhojnë” deklaratat politike! 

Reforma në drejtësi është  investimi më madhor për të ardhmen e Shqipërisë në të gjitha planet, ekonomike, politike dhe integruese. Drejtësia e vjetër deri para vitit 2014 ka qenë e ndikuar nga politika e majtë dhe e djathtë, në mënyrë të vecantë nga ish-kryeministri Sali Berisha. Sipas medias së shkruar pothuajse 60 % e gjygjtarëve dhe prokurorëve nuk e kanë kaluar Vetingun në drejtësi. Lexova një lajm dhe një deklaratë të deputetit të deputetit Flamur Noka që “shantazhonte” drejtësinë për vendimin e apelit për vulën, ligjshmërinë e PD-së: “Berisha i vendosur të mbajë me dhunë SHQUP pas humbjes në Gjykatë, segmentet e “Foltores” kërcënojnë gjyqtarët e çështjes, Alibeaj dhe Basha marrin mesazhe kërcënuese” dhe “Fati i PD-së në Apelin e Tiranës, Flamur Noka i Berishës kërcënon: Gjyqtari që nuk pranon provat tona do shkojë në burg”! Sa për kujtesë për Berishën dhe Nokën. Në vitin 2014 të gjithë deputetët pa përjashtim të  majtë e të djathtë  kanë votuar ndryshimet kushtetuese dhe reformën në drejtësi.  Kryetari i Foltores (PD-së) Sali Berisha dhe Flamur Noka dhe asnjë politikan i majtë apo i djathtë nuk do të guxojnë më të shantazhojnë drejtësinë e pvarur, qoftë edhe me ndonjë deklaratë “Fake politike”, që iu ka dalë boja! Flamur Nokës dhe Rithemelimit i kujtohet shumë mirë një sms e ish-ambasadorit amerikan Lu, që i detyroi me forcë në orën 12 të natës, të votojnë ndryshimet kushtetuese për Reformën në drejtësi! Drejtësia e pavarur  dhe reforma në drejtësi nuk ka kthim mbrapa. Kjo reformë do të jetë guri themelor i zhvillimit ekonomik dhe integrimit në BE të Shqipërisë! Si përfundim drejtësia e pavarur nuk mund të “shantazhohet” me deklarata politike!