SPAK para “provës së zjarrit”, avokat i njohur paralajmëron arrestimin e Edi Ramës, ja aferat ku dyshohet se është përfshirë kryeministri
Idajet Beqiri: Si e ngriti Flamur Noka mini-fabrikën në Greqi me valixhet me euro nëpërmjet dy njerëzve të tij të besuar nga Kukësi dhe Fieri që përfunduan në burg, ja detajet nga afera e madhe që ndodhet në duart e SPAK
Ja pse Grenell është lidhja e dyshes Berisha-Meta me Edi Ramën, si po i varin shpresat tek njeriu i Donald Trump për të shpëtuar nga sanksionet e SHBA duke shitur ishullin e Sazanit, Evi Kokalari nxjerr detajet e forta
Richard Grenell konfirmon pazaret Rama-Berisha për ishullin e Sazanit, ja detajet e marrëveshjes me dhëndrin e Donald Trump
Edi Rama pazare të pista me Vuçiç dhe Grenell për të ringjallur idenë e copëtimit të Kosovës, media gjermane plas “bombën”, ja çfarë fshihet pas investimit të dhëndrit të Donald Trump në ishullin e Sazanit
Gati lirimi i Sali Berishës dhe Jamarbër Malltezit nga burgu, ja çfarë përmban marrëveshja e Edi Ramës me “Rithemelimin”, nga shkatërrimi i SPAK dhe rrëzimi i ligjit të dekriminalizimit, te ngritja e komisionit anti-reformë
Ja çeta e grabitjes së pronave të ushtrisë, nga presidenti Bajram Begaj, te Xhaçka dhe Belinda Balluku, zbardhen shkeljet e rënda penale për interesat e oligarkëve, si u vendos në rrezik siguria kombëtare, operacionaliteti i Forcës Detare dhe detyrimet...
Katër atentate e plagosje në katër ditë ministrit të suksesshëm Taulant Balla, policia mbledh gëzhojat e ekzekutimeve
Rrezet e diellit të Nëntorit, rënë përmbi detin e Semanit ngjajnë si një kryq, që bekon përfundimin e sezonit turistik,në këtë bregdet Në dallgët e detit Adriatik, pjesë e Darëzezës , që tranden nën puhinë e erës, hija e dritës, merr formën e një ikone të Shënmërisë, Qiriri i diellit shuhet ngadalë dhe prushi i flakës së tij, shfaqet sa brenda meje aq dhe në sininë e shkulmët të hënës që ka nisur të shfaqet në horizont. Të duket sikur jeton në një mister të padukshëm . Pushuesit kanë kohë që janë fshirë nga bregdeti si në një retush vjeshtor, ndërsa gjurmët e sezonit të përfunduar duken gjithkund. Rreth 850 mijë pushues u regjistruan këtë sezon në brigjet e detit që administrohen nga Bashkia Fier. “Bashkia e Fierit ka vazhduar që nga fillimi i vitit dhe deri në përfundim të sezonit me shërbimet dhe punët e saj publike në zonat që kanë ndikim në turizëm, thotë nënkryetarja e Bashkisë Enkelejda Peshkëpia. “Ne arritëm të menaxhonim një sezon të mbarë, duke nisur fillimisht nga mirëmbajtja dhe sjellja në favor të qytetarëve pushues të infrastrukturës” shton ajo duke përmendur pastrimin e gjithë rrugëve që të çojnë në bregdetin e Semanit dhe Darëzezës nga bimësia, zgjerimin e sistemit anësor të këtyre rrugëve dhe shtrimin me rërë bituminoze, pastrimin e të gjithë vijës bregdetare ku ndodheshin plazhet publike dhe ato jopublike, nga mbeturinat dhe pastrimi i të gjithë koshave, etj. Në fakt ky rajon prej disa vitesh ka arritur të shmang etiketimin si sezon turistik vetëm për stinën e nxehtë. Nëse gjatë sezonit veror ushtruan veprimtarinë e tyre 66 subjekte, të etiketuara si stacione plazhi në bregdet, të cilët e përfunduan afatin e tyre në muajin Shtator, një tjetër degëzim turizmi është ai arkeologjik gjeografik dhe kulinar. Ardiana Mile Drejtoreshë e Drejtorisë së Artit dhe Turizmit në Bashkinë Fier thotë se tashmë këndvështrimi për turizmin është i gjerë dhe i shumanshëm. “Nëse gjithë sezoni ishte një garë e bukur artistike dhe kulturore, që nga çelja e sezonit turistik si një festë madhështore duke përfshirë sportet ujore dhe atë të hipizmit, deri te aktivitetet e shumta në galerinë e arteve figurative, Festën e grurit, e cila do të kthehet në një festë kombëtare, ne kemi arritur të krijojmë lidhje të veçanta me turistët edhe përtej stinës verore”, pohon ajo. Por çfarë mund ta sjell një turist në Bashkinë Fier në muajin Nëntor- Dhjetor? A i ofrohet turistit një guidë e pasur dhe joshëse për ta vizituar këtë qytet dhe rrethinat e tij? “Në fakt Vjeshta është koha më fantastike për të shijuar natyrën e virgjër dhe të egër të bregdetit të Fierit,bregdet I cili nuk përfundon me rërën dhe detin. Lagunat, ligatinat, pyjet, dhjetra shtigje natyrore përmes zonës lagunore dhe pyjore, ofrojnë mundësi te shkëlqyera për të eksploruar dhe shijuar një oaz të vërtetë natyror, me florë dhe faunë të pasur bregdetare. Peizazhet për çdo vizitor janë fantastike”, na thotë zonja Mile. Një natyrë që i ngjan një xhungle të bukur natyrore. Mile shton se është duke u shtuar interesi nga vizitorë vendas dhe të huaj për të eksploruar nëpërmjet ecjes në këmbë në këto shtigje, që janë krijuar jo vetëm në zonën e pyjeve të pishave në bregdet. Por edhe si një aventurë nëpër shtigje, të prekin trashëgiminë, apo edhe vendet e besimit, Gurëzezë, Maja e Peshtanit, tempulli antik i Shtyllasit, Zona e Ongarëve etj. Arratisjet e udhëtimeve të tilla kryesisht vijnë fundjavave. Grupet e vizitorëve njihen me natyrën, peizazhet, legjendat dhe historitë e vendasve, me pasuri të shumta të trashëgimisë kulturore, me gjelbërimin dhe zverdhjen që ofron Vjeshta. “Ne kemi dhe një turizëm të veçantë -shton Mile. Është turizmi kishtar. Kisha e Shën Gjergjit të Libofshës, e vitit 1776, është dhe trashëgimi kulturore. Falë bukurisë arkitekturore dhe afreskeve të piktorëve Zografë, u bë një nga kishat më të preferuarat të Kinostudios së Filmit Shqiptar, ku u luajt edhe komedia "14 vjeç dhëndër", buzëqesh ajo. Nëse shkon për vizitë në Muzeun Historik Fier do të gjesh përherë vizitorë kryesisht nxënës, por edhe qytetarë të moshave të ndryshme. Të huajt kryesisht italianë, gjermanë dhe Francez Interes të veçantë tregojnë kryesisht për pavijonin e antikitetit dhe artefaktet e ekspozuara në të,historia e Apolonisë së Ilirisë dhe marrëdhëniet që patën me qytetin antik disa nga personalitetet e Romës republikane dhe perandorake si Jul Çezari, Ciceroni, Oktavian Augusti, Agripa, etj. Ky muze ka një pasuri të madhe njohëse rreth historisë, kulturës apo trashëgimisë materiale që ruan dhe transmeto”, thotë Ilirjan Gjika përgjegjësi i Muzeut Historik Fier. Nëse e keni vizituar Apoloninë këto ditë Nëntori vjeshte, zor se e keni besuar që jemi në stinën e rënies së gjetheve. Gjelbërimi i dendur, lulet, madje edhe luledelet, i kanë dhënë Apolonisë hijeshinë e një pranvere të vërtetë. Lule të verdha, monumente gri, pemë të përhitura nga dielli I fund nëntorit, Kjo është një nga çast fotot që ofron qyteti I diellit Apolonian, pjesë e rëndësishme e turizmit fierak dhe kombëtar. Pilar Panes Casas dhe Carmen Campelo, nga Madridi i Spanjës, dy nga 43293 turistët që kanë vizituar Apoloninë gjatë këtij 9 mujori të vitit 2022, shijuan këtë qytet antik dhe thesaret që ai mbart, si pjesë e trashëgimisë mesdhetare dhe europiane. “Mua më pëlqen shumë Apolonia, dhe ne e dimë që Apolonia dhe Shqipëria, të japin kënaqësi,kanë të njëjtën kulturë dhe influencë siç ka patur në antikiteti, me qytetërimin grek me atë romak”, thotë Pilari. Pikënjohjen e ka nëpërmjet fotove dhe videove të hedhura në yotube nga ana e specialistëve të parkut Arkeologjik. Por dhe nga vizitorët e mbarë botshëm të Apolonisë. “Jemi të njëjtë dhe nuk shoh ndryshime mes kulturave tona- pohon turistja ndërsa dëgjon. “Normalisht që gjithë kjo influencë ka bërë që ta bëjë të ndryshëm dhe diversiteti kulturor të jetë i rëndësishëm në këtë territor, për ne është sikur vizitojmë të njëjta vende sepse duke qenë se jemi mesdhetar është e njëjtë shtrirja dhe këtu”. Teksa vështrojnë me radhë pjesë nga rreth 1200 objekte të zbuluara në Apoloni dhe të ekspozuara në këtë muze,duket sikur kanë sjellë me vehte peizazhet e ngrohta të Spanjës, bukuritë e Madridit, dhe stilin spanjoll të të sjellurit, përballë magjisë së bukurisë së një vendi tjetër si Shqipëria. “Ne e zbuluam Apoloninë nëpërmjet fotove, videove që kemi parë dhe na pëlqeu shumë Kur erdhëm këtu pamë një sit i cili ishte Ai është si një lidhje e kulturave tona Ne pamë që kemi të njëjtat ngjashmëri dhe nuk u ndjemë të huaja këtu, Ardhja jonë në Apoloni ishte një magji”, thotë Carmeni. Drejtoresha e parkut arkeologjik, Apoloni Ornela Dyrmishaj dhe turistet vijojnë të vizitojnë stendat Që prej datës 4 Maj është çelur dhe sezoni i ri turistik në këtë park, dhe vizitat vijojnë ende. “Këtë vit në krahasim me 2021 jemi shumë mirë Kemi tejkaluar shifrat dhe po kështu edhe të ardhurat 43 293 vizitorë janë shënuar për nëntëmujorin Dhe sërish ka prurje vizitorësh nga vende të ndryshme të Europës . Të ardhurat janë 18.223.660. nëse bëjmë një krahasim në vitin 2021 në Apoloni u regjistruan 30575 vizitorë me të ardhura 13.708.220 lekë. Këtë sezon oraret e pritjes, nga parku arkeologjik ishin deri në orën 6 pasdite, ne iu dhamë dhe ju japim kohë vizitorëve dhe turistëve të kenë orare të ndryshme kohore”, thotë ajo. “Parku Kombëtar Arkeologjik i Apolonisë është një nga më të bukurit dhe më të vizituarit-thotë Ornela“ Ka një shtrirje prej rreth 700 ha ,brenda tre njësive administrative, një qytet antik me rreth 100 ha Është një nga territoret më të mëdha të qytetërimit ilir, pas Durrësit, shpërndarësi më I madh i kulturës antike dhe jo vetëm.. Përmban antikitetin, mesjetën, pjesën e luftrave botërore dhe asaj komuniste. Ajo ka në qendër qytetin antik dhe pjesën muzeale të saj e cila ndodhet brenda një manastiri mesjetar” thotë e kënaqur ajo. I pagëzuar me emrin e perëndisë së diellit, qyteti i krijuar në vitin `588 para Krishtit, në këtë sezon turistik, Ai duket sikur dha një meshë magjie për mijra turistët që vijojnë ta vizitojnë CD ditë Apoloninë Gjatë sezonit turistik 2019 Apoloninë e vizituan 60250 turistë vendas dhe të huaj me të ardhura 13.039.220 lekë. Është fillim Dhjetori. Por përgatitjet për sezonin e ri turistik kanë nisur që në mesvjeshtë. Ndryshe nga vitet e tjera,kur aplikimet për stacionet e plazheve bëheshin në muajin Mars,këtë vit ato nisën në datën 1 Nëntor. “Aplikimet kanë nisur në datën 1 Nëntor. Ne kemi kryer verifikimet në terren për hartën e stacioneve,verifikimet e largësisë mes tyre. Besojmë se me punën përgatitore që kemi nisur, do të kemi një sezon 2023 më të begatë në rajonin tonë-pohon nënkryetarja e Bashkisë Enkelejda Peshkëpia. Por cilat ishin problemet në stacionet e plazheve dhe a u tejkaluan ato përgjatë sezonit? Nëpër stacionet e liçensuara u krye inspektimi i përbashkët me grupet e Task – Forcës Ndërinstitucionale të ngritur nga Prefekti i Qarkut Fier. Inspektimi u krye bazuar në planin vjetor të miratuar të Inspektoratit Shtetëror Shëndetësor Rajonal Fier për sezonin turistik veror Problematikë e konstatuar në këto subjekte është mungesa e furnizimit me ujë të rrjedhshëm rrjeti, për shkak të mungesës së një linje ujësjellësi. Gjithashtu një problematikë tjetër e subjekteve të shtrirjes në vijën e parë bregdetare është mënyra e shkarkimit të ujërave të përdorura. Për shkak se këto subjekte janë subjekte provizore dhe gjenden në zona të mbrojtura mundësia për investim në objekte ngelet e kufizuar. Kryesisht shkarkimet e ujërave të zeza kryhen në gropa septike. Përgjithësisht kushtet higjieno – sanitare të këtyre subjekteve janë të mira. “Besoj se arritëm të zgjidhnim të gjitha problematikat rutinore me subjektet private dhe ato që janë kompetencë e qeverisë lokale.”- shton nënkryetarja e bashkisë. Saj punës së përbashkët të të gjitha drejtorive, arritëm të krijonim një fizionomi të re sezoni bregdetar në terren nisëm me pastrimin e rërës, qysh para fillimit të sezonit dhe në vijim, kryem procesin e dezinfektimit i të gjithë bregdetit të Semanit, Darëzezës dhe Pishporos. U bë tharja e ligatinës në plazhin e Semanit dhe nisi normalisht funksionimi i stacioneve të plazhit në këtë vijë bregdetare-pohon Ajo. Adriana Mile Drejtore e Turizmit në këtë bashki, thotë se numri i pushuesve ditorë edhe pse konkurenca nga plazhet e Bashkive të tjera, kryesisht të jugut ishte e madhe, njohu rritje.“Më shumë se 350 pushues ditor u regjistruan në 66 stacionet e plazhit në bregdetin tonë. Ndërsa nuk munguan aktivitete kulturore dhe argëtuese”, pohon ajo. Në qendër të vëmendjes për sezonin e ri që ka nisur qysh këtë prag dimri,do të jetë funksionimi normal dhe real i ruajtësve të plazheve. Shqetësim ky ngritur dhe nga uniformat blu të policisë së kufirit. Ato kanë qënë të pranishme përgjatë gjithë vijës bregdetare Pishporo -Seman. Sezoni Turistik veror 2022 për forcat policore në DVP Fier nga ana e shërbimeve të policisë së rendit, policisë rrugore dhe policisë kufitare ishte një tjetër sfidë që u kalua me sukses..U morën masat organizative për zbatimin e detyrave të hartuara në Planin e Masave të Sezonit Turistik Veror Nr 247 datë 27.04.2022 për të përballuar flukset e mjeteve dhe pushuesve si të huaj ashtu dhe vendas. Për fundjavat, ditët e premte, të shtunë dhe të dielë shërbimet u organizuan me prezencë të shtuar të patrullave të përgjithshme për rendin, për plazhet Darëzezë dhe Seman. Akset rrugore që të çojnë në këto plazhe u patrulluan dhe monitoruan nga shërbimet e patrullave të policisë rrugore me mjete të loguara për rritjen e masave të sigurisë dhe menaxhimin e flukseve të automjeteve. Për policinë vendore problematikë shqetësuese,që kërkon ndërhyrje për zgjidhje dhe bashkërendim të punëve është angazhimi i pushtetit lokal për saktësimin e listës së subjekteve për shfrytëzimin e hapësirave publike të plazheve që kanë kontrata 2 vjeçare dhe subjekteve të reja që janë në aplikim e sipër për plotësimin sa më shpejt të jetë e mundur të kontratave si dhe marrja e masave për pastrimin e ambienteve të plazhit si ato private edhe ato publike si dhe gjithë vijës bregdetare .Njëkohësisht- pohojnë nga Drejtoria vendore e Policisë duhet shikuar dhe mundësuar përcaktimi i vendbazimeve për vendqëndrimin e mjeteve lundruese, për të bërë të mundur evitimin e rasteve të aksidenteve në zonat e kufizuara për plazhet si dhe marrjen e masave për vendosjen e sinjalistikës detare për plazhet flamujt, tabelat orientuese, pajisjet e vrojtuesve, flamujt dhe bovat ndarëse për distancat e lejuara për notim nga ana e pushuesve. Kjo është tejet i rëndësishëm në vijën bregdetare si dhe për vendosjen e kufirit ndarës të përgjegjësisë për subjektet private dhe publike,për të evituar rastet e rrezikimit të jetës së pushuesve”, theksojnë uniformat blu...