Çfarë nevoje kishim për një tjetër individi jashtë tashmë konsideratës amerikane!

Që nga emërtimi “vetvendosje” ishte e qartë “kimia” anti ndërkombëtare dhe në fund anti amerikane e një post majtisti dhe post jugosllavisti si Albini. Ai nuk është i paditur. Jo, ai ngjan me Berishën në dijenitë e tij të shumta, por që në fakt janë në drejtim të një populizmi majtist dhe që sigurisht janë gjëja e fundit që i duhet Kosovës. Albini do vinte në pikën e përplasjes me Amerikanët sepse për një këngëtar me baba kroat e nënë serbe, arriti të prishë një pjesë të Kosovës me Shqipërinë. Ai bashkë me një asgjë bërëse dhe asgjë elektorale si Osmani, shkuan deri në pikën që nga urrejtja për Ramën të armiqësojnë shqiptarët. Të shkojnë deri në trajtim të shtetit të Kosovës si komb kosovar dhe jo Shqiptar. Pa kuptuar se Rama dhe ato vetë shkojnë e vijnë kurse kombi mbetet dhe nuk mund të formosh komb tjetër brenda një kombi. Të armiqësosh për hatër të politikës shqiptarë me shqiptarë është fatkeqësi. Albini mori komunat me më pak se 4% pjesmarrje dhe me shumë pak vota. Serbët bojkotuan. Po, por janë shumicë. Albini nuk dëgjon partnerët që paralajmërojnë. Nuk do! Sidomos miqtë amerikanë. Ata që nuk vonojnë e as sorrollaten si Brukseli. Nuk dëgjon as kanceleri të mëdha në BE. Me më pak se 4% kërkon sfidë me serbët. Këta të fundit të dëshpëruar si janë, ulurijnë dhe qëllojnë. Të dëshpëruar dhe në faj mezi presin provokatorin Kurti për përleshje. Kurse ky i fundit ankohet, duke mos dëgjuar Blinken dhe për më tepër i thotë -naiv dhe i padrejtë. Vuçiç me fytyrën sterrë të zezë në marrëzi nxjerr ushtrinë në kufi dhe ndërkombëtarët më shumë shajnë Kurtin se Vuçiçin?? Kjo është si me porosi. Kësaj rradhe Kosova pjesë e gabimit. Kur serbët nuk dinë dhe nuk duan ndryshe. Kur serbët nuk heqin dorë nga krimi. Po ja që Kurti nuk do dhe nuk do të dojë kurrë të futet në mendim të kthjellët të shtetarit të Kosovës që mbron madhësinë e saj dhe shtetin e saj,  në lidhje me kombin e saj. Kurti nuk është se nuk u paralajmërua. Amerikanët gjithmonë paralajmërojnë. Po Kurti është filozofikisht i tillë. Dikush i thotë majtist. Mbase. Por po të jetë i majtë dhe të sillet si nacionalist dhe sovranist populist dhe nuk respekton politikën e SHBA për shqiptarët çfarë mund të jesh??? Një i majtë që bën me kokën e tij në shitje si nacionalist, çfarë mund të jetë?  Është e kotë pastaj kur ju thua fashistë atyre përballë. Ata janë të tillë dhe do jenë se kështu kanë rolin nga Beogradi! Por ti që nuk do dhe nuk përfill këshillat dhe paralajmërimet e miqve Amerikanë. Kur urren dhe një këshillë nga ai me gjakun tënd. A më fal, Ramën e konsideron “vëllaun e Vuqiqit”!!! Po por ky “vëllau” është me Amerikanët. Apo ky është dhe problemi Çfarë nevoje kishim për tashmë një individ, jashtë konsideratës amerikane. E kishim një në Shqipëri dhe që Albini i bën vizitë! Po pse na duhej një tjetër në Kosovë?