Fundi i vërtetë në vendin më antikomunist, të komunistit të fundit

-Sali Berisha po eleminon për shkak të personit të tij, pikërisht krijesën e tij!-

Marrëzia e fundit e Berishës me votues shetitës, shkon në drejtimin e humbjes përfundimtare të logjikës politike nga “shqelmi” i fundit që i moshuari i politikës problematike shqiptare, mori nga qyteti dikur bastion i tij. Them i tij në përdorim, sepse Shkodra ka vite që nuk beson më te “antikomunizmi” grotesk, mashtrues i një ish komunisti stalinist. Në delirin e shkaktuar kryesisht nga humbja e Shkodrës e barabartë për nga vlera politike sa humbja e pjesës tjetër të Shqipërisë fantastikisht ai tha: Farsa zgjedhore maj 2023 kishte dimensionet e saj të shëmtuara, njëri prej të cilëve janë edhe votuesit shëtitës. Ndërkohë ne kemi identifikuar se zgjedhës potencialisht shëtitës, janë në të gjithë vendin rreth 547 mijë vetë. Këta zgjedhës po identifikohen bashki më bashki. Këta zgjedhës do identifikohen qendër pas qendre”- tha Berisha! Sikur Berisha të merrte Shkodrën ai do të ishte më i fituari i botës. Do shpallte “kryqëzatën e idiotëve” por do mbahej fort politikisht nga Shkodra. Kësaj rradhe ishte Shkodra demokrate qytetare që i dha një goditje të rëndë Berishës nga e cila ai nuk do të marrë veten më kurrë. Kjo goditje e bën të delirojë me 500.000 njerëz që shetisin si idiotë qendër votimi në një tjetër. Bën delirin e sasisë së njerzve që sikur të ndodhte vërtetë Shqipëria do të kishte qenë një kaos urban. Berisha sot e ka bërë Shkodrën demokrate e cila më në fund largoi “kimistin komunist” nga “Shkodra laborator antikomunizmi” që mbante në pushtet politik familjen non grata Berisha – një qytet frikacak të pabesë. Berisha ju thotë shkodranëve demokratë: jeni shitur te Rama. Berisha në faqezezën e tij të mendimit të zi ju thotë demokratëve shkodranë: ju kanë trembur bandat! Kur e di që nuk ka forcë që tremb dot shkodranët. Po ai shan e mallkon demokratët qytetarë shkodranë që votuan që Berisha dhe njeriu i tij Bardhi të largohen nga pengmarrja politike dhe ekonomike të qytetit më të madh në veri. Shan demokratëtr se socialistët kaq kanë qenë dhe kaq ishin prap. Sali Berishën nuk e duron dhe e largon më në fund Shkodra. Qyteti antikonunist duroi gjatë, por në fakt i dha fundin politik Berishës. Shkodra praktikisht ka nxjerrë elektoralisht Berishën në pension pa kthim. Ai nuk do pranojë kurrë, por për ta ditur e di mjaft mirë. Berishën nuk e do dhe nuk e pranon dhe Shkodra. E kuptohet qartë sa e do Shqipëria. Tani ai është në “koma politike” dhe me sa duket do të marrë me veten dhe PD. Po ky është qëllimi tij – vdekja politike e pronës së tij. Kështu mendon sigurisht ai. Ai po eleminon për shkak të familjes së tij krijesën e tij!