BREAKING NEWS

Spartak Ngjela lëshon ‘BOMBËN’ ndaj Lulzim Bashës: Ka procese penale në SHBA, ja mesazhi i ambasadores Yuri Kim

Spartak Ngjela lëshon ‘BOMBËN’ ndaj Lulzim Bashës:
x
BREAKING NEWS

Largimi nga politika i Gramoz Ruçit, Spartak Ngjela tregon dy arsyet dhe plas paralajmërimin e fortë: Do të ketë pasoja për PS-në!

Largimi nga politika i Gramoz Ruçit, Spartak Ngjela tregon dy arsyet dhe
x
BREAKING NEWS

Ishte krahu i djathtë i Arta Markut kur drejtonte institucionin e rëndësishëm/ KPK merr vendimin e menjëhershëm dhe shkarkon prokuroren e njohur të Tiranës

Ishte krahu i djathtë i Arta Markut kur drejtonte institucionin e
x
BREAKING NEWS

VENDIM zyrtar! Bashkimi Europian jep lajmin e shumëpritur për Shqipërinë

VENDIM zyrtar! Bashkimi Europian jep lajmin e shumëpritur për
x
BREAKING NEWS

Dhunohet drejtoresha në Bashkinë e Tiranës, policia fundos autorin. Zbardhet shkaku (EMRI+FOTO)

Dhunohet drejtoresha në Bashkinë e Tiranës, policia fundos
x
BREAKING NEWS

Grupimi 'Për PD-në' del në konferencë të jashtëzakonshme, Harxhi bën denoncimet e forta: Vëzhguesit janë kërcënuar! Ja cila është shkelja më e rëndë!

Grupimi 'Për PD-në' del në konferencë të
x
BREAKING NEWS

Pas shpalljes ‘non grata’ të Sali Berishës dhe urdhrit të Biden, Frrok Çupi paralajmëron zhvillime të BUJSHME në Shqipëri: Nesër do të çuditen kur të formulohen akuza për...

Pas shpalljes ‘non grata’ të Sali Berishës dhe urdhrit
x
BREAKING NEWS

Rama jep sinjalet e para për qeverinë e re, 9 ministra rrezikojnë largimin në shtator, vetëm 7 emra futen në Presidiumin e Kongresit, ja lista

Rama jep sinjalet e para për qeverinë e re, 9 ministra rrezikojnë
x

Opinion / Editorial

Kriza mbetet në PD: Të humbur, por krenarë

Kriza mbetet në PD: Të humbur, por krenarë

Nuk ka ndodhur ndonjëherë (të paktën në Shqipëri), që një humbës për të disatën herë, të vazhdojë të pompojë me të madhe një budallallëk të madh: atë të fitores kur humbet, madje iu bën thirrje dhe del pa pikën e turpit të reklamojë humbjen si një yner të madh tek populli i ndershëm opozitar. Ky person ose do të ketë detyrime të rënda të prapambetura ndaj të “kaluarës non grata”, ose mbetet të jetë një papagall që nuk kupton çfarë i thotë goja mendjes. Vetëm në historinë e humorit dhe të sarkazmës gjen një pinjoll të budallallëkut politik të këtij kalibri dhe ky mbetet kadeti i dhj...rë Bigler i romanit “Ushtari i mirë Shvejk”. Ky kadet që lexonte betejat e lavdishme të së kaluarës dikur iu dha grada për të komanduar. Kadeti pësoi një transformim të rëndësishëm; u fry si gjel, e mbante kokën lart pa e ulur ndonjëherë poshtë, fjalët i kopsiste e i shqiptonte ashtu si perandori austriak duke i vënë theksin pjesëzës “por”, madje duke ngritur dhe zërin dhe gishtin e mesit. Dëgjuesit habiteshin nga ky transformim i çuditshëm, kur shihnin kadetin e tyre të fryrë si gjel deti, i pispillosur me uniformën ushtarake të asaj kohe dhe duke u hequr si strateg i madh. Me një fjalë ngritja në detyrë na i bëri keq Kadetit të dhj...rë Bigler dhe kush e shihte e kuptonte se ngritja në detyrë i kishte bërë aq keq sa ishte sëmurë nga trutë e kokës. Në një moment fjalimi për shkak të ngrënies si i babëzitur e zuri një diarre aq e fortë sa Kadeti Bigler na e bëri në br...kë përmbajtjen e ushqimit të transformuar në zorrët e sëmura. Kjo i dha dhe nofkën e mësipërme. Aq të sikletshme ishin budallallëqet e tij si strateg ushtarak, sa që kur dështoi në drejtimin e trupave duke patur humbje të mëdha në ushtarë në front, marrshalli e ç’gradoi dhe e ia hoqi gradat. Kjo mjaftoi që Kadeti ynë i nderuar, por i dhj...rë Bigler, të shfryhej e të vinte në masën që ishte përpara gradimit, por... nofka i mbeti. Në Shqipëri paska dhe kadetë të tillë që drejtojnë partira, nganjëherë edhe opozitare, por me disa dallime nga kadeti ynë i nderuar, sepse 107 vjet pas Luftës së Parë Botërore, kadetët tanë kanë suflerë, kujdestarë, që e orientojnë, madje dhe kur humbin i thonë: s`ka gjë, fajin e ka ai që ka fituar, ai ka bërë me hile, ai ka bërë masakër duplex …një parazgjedhore dhe një zgjedhore, madje madje, ka bërë e po bën edhe masakër post zgjedhore, sepse po reklamon fitoren. Kështu na erdhi radha që kadetit tonë të përkrahur pa rezerva nga e “kaluara non grata”, që e ndjek pas partinë, të detyrohet që të justifikojë humbjen dhe të mos pranojë dorëheqjen.

Është qytetare të dorëhiqesh nëse dështon, dhe është humane që të pranosh humbjen, por… të bërtasësh e të thuash se humbja na qenka një fitore për humbësit (!?)- në vend që t’i thuash popullit opozitar të vërtetën e hidhur se … humbëm për shkak se ne nuk paraqitëm një program alternativ më të mirë, që humbëm sepse u mbështetëm vetëm tek objekti që na ka piketuar e “kaluara non grata” për ta hequr me çdo kusht, që humbën sepse gënjyem aq shumë sa askush nuk na besoi, që humbëm sepse mashtruam dhe publikuam aq shumë fake news nëpërmjet “Syri tv”, “Koha Jonë”, “Telegraf” që humbëm sepse paraqitëm analistë aq të paskrupullt sa ata nuk e kishin për gjë të kopjonin Shekspirin kur ai shprehej tek Makbethi “ç`është ajo gjë e zezë që zbardh në fund të pusit” dhe që humbëm sepse populli nuk ishte aq leshko sa të na besonte dhe së fundi që humbëm sepse partinë tonë të nderuar opozitare nuk arritëm ta pastronim nga njerëz-demonë, nga njerëz të korruptuar, nga njerëz vrasës dhe nuk afruam njerëzit e ndershëm e qytetarë, të shkolluar e punëtorë. Këto ishin shkaqet. Madje edhe kandidatët e paraqitur për drejtues të partisë më të madhe opozitare në fakt janë kandidatë që nuk duan të mohojnë të kaluarën, janë kandidatë të ushqyer nga e “kaluara non grata” me urrejtje, me inate, me qejfmbejtje dhe me idenë e luftës së klasave, duke i quajtur kundërshtarët në kohën e demokracisë jo si opozitarë, por si armiq, duke vazhduar politikat Enveriste se shoqëria na qenka bardh e zi, pra ai që është armiku i kryetarit është dhe armiku i partisë, duke e justifikuar veten sipas parimit të së “kaluarës non grata” se, kur humbet nuk e ke fajin ti, por kundërshtari që fitoi me hile dhe vazhdojnë mashtrimin me aforizmën bajate, por të rrezikshme -përpiqu të justifikosh me çdo marifet humbjen me qëllim që të rrish komandant përsëri”. Dhe e kundërta, kur fiton, meritat i ka gjithmonë kryetari, të tjerëve u mbetet vetëm të duartrokasin sa herë që komandanti ngre dhe trash zërin para masave. Këto janë partitë tona opozitare, të voglat kanë 30 vjet pa ndërruar kryetar, e madhja kryetari pseudo-dorëhiqet, por drejton në hije nëpërmjet kadetit të dhj...rë Bigler, i cili porsi ato kukullat siciliane, performojnë si në fillimet e shekullit të XX para Don Demonëve dhe para popullit të thjeshtë, që nuk ka mundësi të qahet, por vetëm të qeshë nga veprimet kukullore të realizuara me mjeshtëri nga artistët e fshehur poshtë perdes, të paguar sa për të ngrënë një pjatë pilaf. Në kohën që fituesit punojnë, por sigurisht kush punon edhe gabon, humbësit tanë “fitimtarë” të drejtuar nga Kadeti i dhj...rë Bigler, vazhdojnë rrugën e tyre të hipokritit histerik, duke justifikuar veten e duke i rënë gjoksit me grusht, duke folur para turmave që qeshin me vete, e duke mallkuar kombëtarë dhe ndërkombëtarë, duke sharë Shqipërinë e cila na qenka në krizë, por duke harruar se në krizë janë vetë ata opozita.