Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Lulzim Basha në prokurori për shpifje, jo për opozitarizëm

Postuar: 21/10/2018 - 07:39

Para ca ditësh u paraqit në prokurori lideri i opozitës, Lulzim Basha për të dhënë sqarime rreth padisë bërë ndaj tij nga kryetari i grupit parlamentar të PS, Taulant Balla për çështjen “Xhisiela”. Kjo thirrje e tij në prokurori, u trumbetua në disa media dhe nga disa liderë të opozitës si “skandal politik” e “presion ndaj opozitës!” E pse qenka presion apo skandal politik fakti se të thirr organi i akuzës, kur dyshon për shkelje të ligjit e për të bërë sqarime rreth së vërtetës, kushdo qoftë qytetari, e pavarësisht nga statusi që mban. Para ligjit jemi të gjithë qytetarë të barabartë, ashtu ka thëne edhe vetë deputeti e lideri Lulzim. Kur është kështu, atëhere pse u dashkan mbajtur qëndrime të diferencuara, ndryshe për qytetarin e ndryshe për liderin. Kur organi i akuzës dyshon për shkelje ligji, të thërret dhe ti je i detyruar të paraqitesh, kushdo qofsh deputet apo ministër, opozitar apo gazetar, pasanik apo i varfër, plak e i ri, e askush të mos e quajë veten të pandëshkueshëm. Vetëm një burrë ka këtu në Shqipëri që nuk njeh as ligj e as shtet, as prokurori e as gjykatë, as kushtetutë dhe qeveri, e ky mban emrin Sali Berisha. Por edhe Lulzimi, gjer tani mjaft i ka shpëtuar mrekullisht ligjit, duke iu fshehur herë pas petkut të pushtetarit e tani të opozitarit. Biles Lulzimi, tani duhet dënuar pikërisht se nuk po e kryen si duhet rolin e opozitarit para elektoratit që i beson me votë, por e përdor statusin e liderit për të mbuluar përfitimet e tij të paligjshme e nepotike. Nëse opozitën e quajmë institucion të demokracisë, që i sigurohen atij disa garanci publike, atëhere kur Lulzim Basha si lider i opozitarizmit nuk jep alternativa në të mirë të popullit e nuk ndihmon seriozisht në integrimin e vendit në strukturat europiane, por merret me shpifje e thur skenare mafioze për ta marrë pushtetin me marifete karagjozësh, atëherë patjetër të mos presë vetëm ndëshkimin e sigurtë me votë siç e ka marrë vazhdimisht, por edhe ndëshkimin ligjërisht. S’ka gjë më banale e absurde, që liderët kryesorë të një opozite që ulëret se është “konstruktive”, për ditë e javë të tëra të merret e të bëjë opozitarizëm me një Xhisiela, që askush nuk e njihte jashtë fshatit të saj deri dje, dhe askush nuk e dinte se ajo ishte lidhur me një djalë deputeti! Por, a e llogaritën këta lloj liderësh që hartuan skenare të tilla, se çfarë dhunimi i psikologjik i shkaktuan një vajze të thjeshtë!? Kur u dogjën kaq shumë Lulzim Basha e liderë të tjerë të opozitës për fatin e një vajze nga një fshat i thellë i Krujës, duke dalë dy herë në ditë në konferenca shtypi, kur si Xhisiela mund të ketë edhe dhjetra të tjera si “shamikuqja e Kamzës” të shantazhuara nga mëzetërit e Kamzës, apo bij pushtetarësh të ndryshëm pëdëistë, e këtyre farë liderësh nuk u është ndjerë zëri. Nëse Lulzim Basha do të vazhdojë të bëjë opozitë me Babale, me Xhisiela dhe me “xhixhilera” të tjera të këtij lloji, duke u munduar të ngrejë furtuna në gota uji, patjetër që përveç dështimit politik do të përballet edhe me ndëshkimin ligjor. Të tërheqësh vëmendjen e një publiku të tërë dhe të çoroditësh opinionin mediatik e politikën shqiptare për ditë të tëra, për një vajzë që pati probleme me të dashurin e saj, vetëm për faktin se ai është djalë deputeti, është më tepër se autoskandal për një opozitë, është vetëpranim i plotë i mungesë së alternativës. E çfarë alternative iu qas publikut në këtë rast, e çfarë të mirash përfituan shqiptarët nga ky lloj opozitarizmi i liderit Basha!? E çfarë alternativash u ka shpalosur shqiptarëve një opozitarizmi i tillë “shpif e thur intriga” për drejtuesit e mazhorancës, herë me “Babale” e herë me dekriminalizim fals, herë me projektligje që “bëjnë” dekomunistizmin e herë me lajme të gënjeshtra për para të pista që “qarkullojnë me Toyta yaris”, përveçse kanë hedhur më tepër mjegullinë mbi varfërinë e shqiptarëve. Por duke mos patur fund asnjëherë skenare e deklarime të tilla “hidh e prit” politikanësh, mos vallë Lul Basha e suita që e ndjek pas mendojnë se meqë qenkan opozitarë, me ligjin mund të bëjnë ç’të duan e me shqiptarët mund të tallen pafundësisht!? Ngaqë na qenka opozitar Lulzim Basha, paska të drejtë të marrë shkrepësen dhe t’i vërë flakën çdo turre drurësh që i del përpara, e të baltosë çdo përfaqësues të mazhorancës që i del ballas, vetëm e vetëm për të fituar pak kredibilitet politik!? “Ky nuk është fundi i opozitës në Shqipëri, por fillimi i fundit i kësaj qeverie të inkriminuar”, deklaroi Lulzimi, sapo doli nga dyert e prokurorisë”. Kemi kohë që i dëgjojmë këto kërcënime prej kalamani të tij, e me to ai nuk tremb dot as laraskat në gardhet e arave të katundit, e jo më liderët e kësaj mazhorance, që ia ka vënë gjoksin reformave të vërteta.

Ne pyesim: Kush është dhe ku është opozita në Shqipëri, që do ta fundoska këtë qeveri “të inkriminuar” e “do të merrka së shpejti pushtetin”, se deri tani shqiptarët nuk e kanë parë gjëkundi! S’e kemi parë as në angazhimin e kryerjen e Reformës në drejtësi, që të shkallmojë korrupsionin që po u merr frymën institucioneve e shqiptarëve. Nuk kemi parë as qëndrimin e saj konstruktiv në parlament, ku shtrohen alternativa e bëhen debate për të mirën e shqiptarëve, e as në hartimin e projektligjeve për integrimin e vendit në strukturat euroatlantike, e askund tjetër ku nevojitet vërtetë opozitarizëm. Lulzim Basha, pasi shfrytëzon opozitarizmin për të fituar personalisht e familjarisht, në mënyrë të paligjshme, pasi fiton kompensime e tendera miliona eurosh për rrethin e tij nepotik, kujtohet e hedh ndonjë fjalë për të thënë se bëj opozitarizmin. Po pse me thurje skenarësh mafiozë me Babale, me imitime zërash e interpretime klounësh, me akuza false e ingranime intrigantësh, me marrëdhënie konfliktuale çiftesh rrëzohet qeveria, e fitohen votat në popull!? Lulzim Basha ia hodhi bukur ligjit kur ishte pushtetar, e tani prapë mundohet t’i hedhë si opozitar. Si ministër i mazhorancës së djeshme shiti detin e vrau njerëz (demonstrues), vodhi Rrugën e Kombit dhe fjeti gjumë si kryetar bashkie deri në tejngopje, dhe nuk i hyri gjemb në këmbë. Tani bën shpifje e skenarë mafiozësh, e prapë nuk duhet t’i nënshtrohet ligjit se qenka “lider opozitar”. Deri tani, opozitarizmi i Sali Berishës pati treguar me vepra se ishte i tritolit dhe i terrorit, kurse opozitarizmi i Lul Bashës e ka shfaqur fytyrën e tij si i shpifjes e intrigës, ndaj dhe duhet shumë kohë të hiqet epiteti “opozitarizmi i Babales”, që ai i vuri vetes. Dhe këtë farë opozitarizmi të PD dhe Lulzim Bashës, e sheh edhe zoti edhe robi. Por nëse Lulin e ndëshkon zoti që “beson Salianji”, patjetër që do ta ndëshkojë përsëri edhe populli me votën e tij, që mbështet e beson Edi Rama dhe Taulant Balla...

Nga Ramazan SHERJA

 

/Agjensia e Lajmeve Sot News/

Na Beni Like Ne Facebook: 
Total votes: 6

Lajme nga e njejta kategori

Postuar: 15/11/2018 - 07:12

Edhe pse çështja e përkatësisë fetare të një Heroi Kombëtar, në fund të fundit, nuk ka aq rëndësi, në këtë vit jubilar të Gjergj Kastriotit, kjo çështje ka qenë ndër më të debatuarat në mesin e studiuesve dhe të histo

Postuar: 15/11/2018 - 07:11

Është e sigurtë se diktaturat krijojnë siguri dhe rend publik!

Postuar: 15/11/2018 - 07:09

Teknologjia ka ndryshuar mënyrën se si punojmë dhe mendojmë në shumë drejtime përfshirë dhe audit

Postuar: 14/11/2018 - 12:25

Prishja e shtepive te banoreve te Unazes se Madhe eshte antikushtetuese, jo thjesht e paligjeshme

Postuar: 14/11/2018 - 07:06

 Protestat e opozitës tonë ngjajnë shumë me informacionet që jepeshin përditë në seksio

Postuar: 14/11/2018 - 07:05

 Shteti, duket se është e kundërta e asaj që thotë kënga për të dashurën.

Postuar: 14/11/2018 - 07:03

 Më thanë se edhe tre njerëz të kulturës, intelektualizmit kishin aplikuar për llotarinë ame