BREAKING NEWS

Rrëfimet e Spartak Brahos: Berisha e quante UÇK-në marksiste dhe të formuar nga UDB-ja, ja si “gjeneralët” e tij takuan Arkanin

Rrëfimet e Spartak Brahos: Berisha e quante UÇK-në marksiste
x

Opinion / Editorial

Manipulime në zgjedhjet amerikane pafund, duhet fituar integriteti i fituesit

Manipulime në zgjedhjet amerikane pafund, duhet fituar integriteti i

“Bashkëqytetarët e mi amerikanë, njerëzit e këtij kombi folën. Ata na kanë dhënë një fitore të qartë. Një fitore bindëse”- deklaroi Xho Bajden mbrëmjen e së shtunës pasi media e shpalli atë fitues të zgjedhjeve të vitit 2020.

Fjalimi i tij erdhi ndërsa në disa shtete kyçe rezultati mbetet shumë i ngushtë, teksa shumë prej tyre janë paditur në gjykatë, ndërsa rinumërimet premtojnë ta vonojnë rezultatin zyrtar në shtetet që demokratët pretendojnë se i sigurojnë Bajdenit 279 vota elektorale.

Por nëse historia është një farë “mësuesi”, fituesi i certifikuar duhet të përputhet me fituesin e paracaktuar nga media. Por ndërkohë të gjithë amerikanët duhet megjithatë të dëshirojnë që procesi të vazhdojë, pasi ne e dimë se në këto zgjedhje pati manipulime, dhe e dimë se kishte edhe vota të paligjshme të llogaritura në rezultat.

Pyetja e vetme është se sa ishte niveli i manipulimit, dhe kush ishte bashkëpunëtor. A ishte kjo dukuri periferike? Apo kishte një manipulim në shkallën që sugjeroi të premten ish-guvernatori demokrat i Ilinoisit, vetë një njohës i mirë korrupsionit Rod Bllagojeviç?

“Nëse pyetja është se demokratët vjedhin votat në Filadelfia, përgjigjja ime është “A është Papa Katolik?”Kjo është një traditë e nderuar nga koha. Qytetet e mëdha të kontrolluara nga demokratët si Çikago, qyteti im i lindjes, Filadelfia, kanë bërë pikërisht atë që po bëjnë tani. Unë nuk kam parë kurrë më parë manipulime në nivele të mëdha,dhe mendoj se është një tregues se sa i përhapur, sa i thellë është ky fenomen.

Dhe unë nuk mendoj se është e kufizuar vetëm në Filadelfia. Instinktet e mia, më thonë se po ndodh në Atlanta, në Detroit, po vazhdon në Milluoki, dhe po vazhdon në Las Vegas. Është tamam si ajo që tha dikur Gjykatësi Pauell në lidhje me pornografinë: “Ju nuk mund ta përkufizoni atë, por e njihni kur e shihni atë”.

Dhe duke dalë nga struktura politike e demokratë vetë Çikagos, unë e di se si veprojnë. Ata kontrollojnë qendrat e votimit, ata ndalin procesin kur kandidati i tyre është prapa, dhe pastaj në orët e para të mëngjesit, në errësirën e natës, nis vjedhja. Ne e kemi parë këtë në një numër të paparë në këto zgjedhje në Miçigan dhe Filadelfia. Është e pabesueshme që ata po e bëjnë atë pa u ndëshkuar. ..”- deklaroi Bllagojeviç.

Sërish ne e dimë se pati manipulime edhe nga të dhëna të tjera. Për shembull, me të vdekurit që “ngriheshin” nga varri për të votuar, dhe me zyrtarët e zgjedhjeve në Pensilvani që flakën tej votat e ushtarakëve pro Donald Trumpit.

Por, problemi me manipulimin po e dëmton këtë dukuri, dhe kjo është ajo që po përpiqet të bëjë me rinumërimet dhe çështjet gjyqësore në të gjithë vendin ekipi ligjor i Trump. “Ka pasur raporte shqetësuese të mashtrimeve dhe parregullsive procedurale në shtetet kryesore, dhe mbi të gjitha, zyrtarët e zgjedhjeve në qarqet e kontrolluara nga demokratët kanë penguar vëzhguesve republikanë të monitorojnë procesin”-thotë Majkëll Tielen, drejtori ekzekutiv i Shoqatës Kombëtare të Avokatëve.

Sipas tij shtabit të Trump i është dashur vazhdimisht të shkojë në gjykatë, për t’i lejuar vëzhguesit republikanë të shohin procesin e numërimit të fletëve të votimit. Vëmendja kryesore për republikanët është mbi Uiskonsin dhe 10 votat e tij elektorale, të cilat Trump i fitoi në vitin 2016, por me numërimin e paçertifikuar të këtij viti, Bjden është para me rreth 20.000 vota.

Një nga zonat më problematike atje është Green Bay, ku Bajden thuhet se grumbulloi një shtesë prej 10.000 votash plus mbi Trumpin. Endrju Kloster, një avokat i angazhuar vullnetarisht me republikanët në zgjedhje, ka qenë në terren për gati një javë.

“Ne kishim dy djem të lidhur me Xhorxh Sorosin që merreshin me kutitë e votimit, dhe udhëzonin punonjësit e sondazheve”-vë në dukje avokati,derisa një nga aktivistët u hoq.

Trump po kërkon rinumërim të votave në Uiskonsin, dhe ka të ngjarë t`a shtyjë procesin e shpalljes së rezultatit përfundimtar.

Numërimi i paligjshëm i fletëve të votimit në Pensilvani, duket se ka shkuar një hap më tej, me sekretarin e shtetit që i udhëzoi zyrtarët e zgjedhjeve në zonat e drejtuara nga demokratë t të numëronin votat  e parregullta në kundërshtim me ligjin e shtetit, ndërsa nuk u siguroi të njëjtën të drejtë zyrtarëve në zonat republikane.

 

Në vitin 2000 Gjykata e Lartë vendosi në rastin e përballjes Bush vs Gor, se përdorimi i standardeve të ndryshme brenda të njëjtit shtet shkelte klauzolën e Mbrojtjes së Barabartë të Kushtetutës së SHBA, duke sugjeruar kështu një ankimim të mundshëm në Pensilvani, shtet që gjithashtu po përballet me një sfidë gjyqësore për shkak të zgjatjes së afatit të votimit përtej datës 3 Nëntor.

Këto sfida mund të mos kenë gjasa të ndryshojnë rezultatin në Pensilvani, por ato vërtetojnë problemin e ndryshimit të rregullave të lojës në mes të procesit. Kuptohet që amerikanët janë të lodhur me rishqyrtimin e procesit, sidomos pasi demokratët bënë 4 vjet rezistencë pas fitores së Trump në vitin 2016.

Por nuk është jo patriotike dhe as rrezikshme të vësh në dyshim integritetin e zgjedhjeve. Përkundrazi është jo patriotike dhe e rrezikshme të mos e mbrosh integritetin e zgjedhjeve, vetëm sepse fitoi kandidati jot.

“The Federalist”