Në Shqipëri prej 30 vitesh ka pushtet të korruptuar dhe opozitë ortake me të në korrupsion

Demokracia shqiptare është betejë e politikës për të kapur korrupsionin ose pjesë të tij.  Shqipëria ndodhet në këtë udhekryq korrupsioni sepse politika demokracia, drejtësia,diplomacia dhe shoqëria civile nuk funksionojnë lirshëm dhe me transparencë por funksionojnë korruptivisht. Nuk ka alternativa ndryshimi e përmirësimi, nuk ka elita të reja politiko-shoqërore dhe as në administratë e as në shërbimin civil sepse rektutimi nuk bëhet bazuar te merita, as te patriotizmi e as te pastërtia, por rekrutimi bëhet mbi baza partizane, klanore, nepotike, servilizmi e sidomos nga paraja e korrupsioni. Tranzicionin në Shqipëri e ka sunduar, kapur e qeverisur korrupsioni. Ndërrimi i pushteteve vetëm sa ka ricikluar në pushtet po korrupsionin. Pozita e opozita politike shqiptare kanë qenë dhe janë të bashkëlidhura e të zhytura në korrupsionin. Shqipëreia vëndi kampion Europe në këto vite për korrupsion dhe askush nuk u ndëshkua për korrupsion deri sa filloi punën SPAK. Të korruptuarit dhe hajdutët akuzonin e akuzojnë njeri-tjetrin për hajni e korrupsion, në fakt  mbronin njëri-tjetrin dhe trafikonin mes vete hajni e korrupsion. Nuk kanë për qëllim politikanët e politikanet shqiptare të luftojnë korrupsionin por kanë synim që të bashkëpunojnë e të kapin korrupsionin ose pjesë të tij. Me dogmën dhe me vellon antikorrupsion politika, politikanët e politikanet shqiptare mashtrojnë publikun që t’i marrin votën, mandatin e deputetetit, te qeveritarit pushtetarit e komunarit vetëm për të pasë mundësi që të bëhen pjesë e hajnisë dhe e korrupsionit. Këtë e ka vertetuar koha apo periudha 30 vjecare e këtij tranzicioni, ku nga pushteti në pushtet , dhe nga qeverisja në qeverisje vetëm sa është rritur e shtuar numri i të korruptuarve, dhe vetëm sa është rritur shkalla e korrrupsionit dhe vetëm sa është perfeksionuar korrupsioni.