BREAKING NEWS

'Iku nga Durrësi se mori vesh se do shkonte Basha', Rama i përgjigjet Sali Berishës

'Iku nga Durrësi se mori vesh se do shkonte Basha', Rama i
x

Opinion / Editorial

Në Shqipëri, tranzicioni politik si rotacion krimi e korrupsioni

Në Shqipëri, tranzicioni politik si rotacion krimi e korrupsioni

Gjatë këtyre 30 viteve të tranzicionit politik në Shqipëri, ndërrimi i pushteteve politike është bërë si një rotacion krimi dhe korrupsioni. Kjo është e vërtetë pasi pavarësisht se kush e ka pasur pushtetin në Shqipëri gjatë këtyre 30 viteve, pavarësisht se janë bërë zgjedhje dhe janë ndërruar pushtetet, ajo e cila nuk ka ndryshuar, por vetëm sa është zëvendësuar dhe zhvilluar e perfeksionuar më shumë janë krimi dhe korrupsioni i lartë institucional e shtetëror. Pavarësisht ngjyrimeve politike dhe të shumëngjyrave partiake ajo që ka mbetur si ngjyrim i njëjtë dhe i pandryshueshëm është ngjyra e zezë e korrupsionit, krimit dhe e hajdutërisë politike dhe demokratike. E gjithë politika shqiptare synon pushtetin me premtimet për luftë kundër krimit, hajdutërisë e kundër korrupsionit, por kur politika që merr pushtetin nuk bën gjë tjetër, por vetëm krim, hajni, korrupsion të ri dhe shumë më të madh se ai i pushtetit paraardhës. Korrupsioni i lartë shtetëror në Shqipëri është një pajtim, është një mirëmarrëveshje dhe konsensus politik i institucionalizuar, i padeklaruar si i tillë, por i aplikueshëm dhe i pandëshkueshëm. Krimi, hajnia dhe korrupsioni politik e shtetëror në Shqipëri kanë imunitet të sigurtë pandëshkueshmërie dhe mos llogaridhënie. Elita politike shqiptare është një klikë oligarkiko-kriminale e ndërlidhur dhe e ndërvarur ndërvite, gjë të cilën e vërteton fakti se askush dhe asnjë politikan e pushtetar i lartë shqiptar nuk është ndëshkuar deri më sot për rekorde krimi, vjedhjeje dhe korrupsioni dhe as për tradhti kombëtare. Politika dhe politikanët shqiptarë janë të ndërlidhur me fije të dukshme e të padukshme mafio-kriminale, dhe janë aq të fuqishëm e të pasfidueshëm sa që as ndërhyrjet e presionet e vazhdueshme të ndërkombëtarëve, deri më sot nuk kanë bërë efekt dhe as nuk kanë mundësuar çmontimin e krimit, korrupsionit dhe të hajdutërisë nga sistemi. Pra e thënë akoma më thjesht: në Shqipëri kemi pasur ciklim dhe riciklim në pushtet të hajnave, të krimit dhe të korrupsionit të pandëshkueshëm, gjë e cila e ka prishur dhe asfiksuar demokracinë dhe që e ka nxjerrë jashtë funksionimit shtetin ligjor, e që e ka paralizuar edhe shoqërinë shqiptare.