Në Tiranë promovohen librat e dy autorëve te njohur britanikë

Dy miqte e nderuar zoti Robert Wilton dhe bashkeshortja e tij znj. Elizabeth Gowing të ardhur nga Prishtina ku jetojnë e punojnë prej vitesh na mblodhën perseri sot në Tiranë per te promovuar dy librat e tyre te rinj në

Shqiperi. Dhe kjo si një mundësi qe të krijon libri për të bashkuar kulturat, sidomos pas kaq kohesh qe kur Roberti u largua drejt Prishtines sapo mbaroi mandatin e misionit të tij diplomatik në Shqipëri.

Libri "No Man’s Lands: Eight extraordinary women in Balkan history" është një përmbledhje me ese nga të dy autorët. Ata ne kete liber rrefejne historitë e tetë personazheve të zgjedhur nga një për secilin vend të rajonit, dhe kështu duket se ata po ndriçojne përvojën e gruas në kohën e tyre si dhe sfidat e vazhdueshme për shoqerinë tonë.

Ndërsa libri tjetër "Bolsheviks at the Ballet" është argëtimi me i ri në serinë ‘Xhentëlmen aventurier’ të romaneve historike, plot me mistere dhe me humor.

Përtej veprimtarisë se tyre letrare gjej rastin te theksoj se puna e dy miqve tanë britanike nuk shtrihet vetem në krijimtarine letrare, por edhe në promovimin e kulturës dhe trashëgimise sone kombetare, si dhe në mbeshtetjen e njerezve në nevoje.

Vete angazhimi i gjate i zonjes Gowing duke themeluar nje organizate humanitare "The Idea Partner Ship" ne Kosove flet qarte per nje dashuri te madhe dhe pa kushte ashtu si dhe Roberti që ka ndaj shqiptarve per te cilen ne duhet tu jemi përjetë mirenjohës.

Kjo nuk eshte hera e pare qe të dy personalitetet britanike, zonja Gowing dhe zoti Wilton futen në një sipermarrje te tille qe tejkalon botën e letrave, si nje letersi e mirefillte, por edhe si një shërbim i shquar ndaj albanologjise.

Ndërsa vijojmë të festojmë me respekt 100-vjetorin e vendosjeve te marredhënieve diplomatike ndermjet Shqiperise dhe Mbreterise se Bashkuar nuk mund te mos ndihemi krenare per urat e vendosura te miqesise që shtohen çdi ditë dhe prezencen britanike në Shqipëri.

Promovimi i sotëm në Tirane në një ambjent kaq festiv e deshmon edhe nje here qarte se lidhjet tona nderkulturore ndermjet Mbreterise se Bashkuar dhe Shqiperise në një mjedis ku kultura flet permes librit dhe njerezve qe prodhojne histori e kulture tregoi edhe një here atë traditë të lashtë dhe te konsoliduar që vijon përmes shekujve të udhetareve britanikë qe fillon nga Edward Leer, Bajroni, M. E. Durham, Elizabeth Carnavon, Aubery Herbert, Margaret Hasluck etj., për të ardhur në ditët tona me të tjerë emra të nderuar si Elizabeth dhe Robertin, Michael J Gunn, etj. Tradita vazhdon!