Parlamenti i “menstruacioneve”

Nuk po e kuptoja nga kishte marrë zjarr miku im Destan. Enda pa u takuar mirë në mes të bulevardit ''Dëshmorët e kombit '' ia dha breshërimës ; ''Parlamenti i menstruacioneve''....

 - Ç'metonimie !?- shpreha i habitur.

 - Metonimi thua ti, po pyet deputetin Braçe!?

 - Për raportin e grave me ''menstruacione'' ta kisha fjalën dhe unë...

 -Korrupsioni është bërë më zi se ''menstruacionet e grave''. Ndryshimi përbën vetëm ; dhimbja, depresionin, të cilat si heq deputeti, po trupi i përvuajtur i shoqërisë. I gjithë sistemi që po ve në dyshim ekzistencën sepse është kapur nga ngërçi i korrupsionit. Janë kthyer të enjtet e parlamentit në perioda që duhan të pastrojnë korrupsionit, por...

 - Këtu qëndron dhe metonimia. Deputeti Braçe flet për ''raportin e menstruacionit'' të grave, por me njëherë të shkon mendja tek seancat parlamentare, të cilat nga sallat, kanë dalë nëpër skajpe të diskutojnë buxhetin e 2024, nga se deputetët janë të kapur nga ''mestracionet e korrupsionit''...

 -Nga letërsia s'ja them, por si ekonomist me vrau veshin. Femiliteti pa dyshim i jep suporte civilizimit të një shoqërie. Kur dëgjon të vendoset në gojën e një deputeti si Braçe, i cili për kujdesin ndaj shëndetit të grave, përpiqet ta angazhojë dhe buxhetin e shtetit për të vendosur një zë të veçantë, siç është fondi për pagesën e raporteve të grave me menstruacione. Argumenti se një ligj të tillë e ka dhe Spanja, nuk ishte e nevojshme të sillej për sa kohë, e ka gjykuar deputeti ynë i cili edhe pse nuk shfaqet për të qënurit feminist, goditja e tij është me flurudhë. I shfaqur në skajp me figurë e zë, kujtoje se ishte ndonjë reklamë tiktoku për biznes, por kur në faqen e ekranit u shfaqën dhe figura të tjerë deputetësh të cilët diskutonin për buxhetin e qeverisë për 2024, atëhere të bënte t'i thërije mendjes sepse bëhej fjalë për harxhimin e taksave tona. Bara e sehirxhinjve, na binte ne popullit të thjeshtë se, përfaqësuesit tanë opozitarë bënin shoping, nga se mendjet e bëra avale, komisioni parlamentar i etikës, i kishte lënë jashtë parlamentit për dhjetë dit. Dhe s'ishin pak, por 23 deputetë rithemeluesa, të cilët në vend të diskutimeve në foltore mbi buxhetin kishin zgjedhur kariget e bëra lëmsh, të cilat me këmbë përpjetë të krijonin një shije vrastare. Mbase dhe për deputetin Braçe ishte arsyeja e këtyre skenave që kishte sjellë në memorie fjalën menstruacion dhe pastaj ''metonimia'', jote, e kishte çuar në menstruacionin e grave. Në fund të fundit, ligji do të ishte pa dallim, duke përfshirë gjithë gjininë e grave në vend ; ato të krahut të punës, administratës, por dhe deputetet e parlamentit. Ndoshta salla e boshatisur e parlamentit dhe të zhvilluarit të parlamentarizmës nga skajpi, i kishte krijuar lirshmëri mendimi, ndryshe nga se ndodhte me kohën e kronometruar të sallës, por edhe lëshuar të gjuhës më urof. S'kishte kryetare të tërhiqte vëmendje më e pakta dhe e shumta, komision i etikës për të dhënë pushim për të mbledhur mendjen. Në fund të fundit një sallë me 140 deputete, në një grusht vend, barrë është për buxhetin e shtetit. Askush se vret mendjen sepse është qari i kryetarëve të partive, për të mbushur listat dhe mos krijuar qejfmbetje, por salla e parlamentit, nga se ia fut njeri në hut e tjetri në kërcurit, për t'i mbledhur trutë e hallakatura, u jep nga një dhjet ''ditsh pushim''. Ndoshta këtu ka nevojë për një ligj i cili, të mundësojë kalimin në ''kemp'' të trurit të deputetëve që është zënë ''kaps'' nga ''mestracionet e korrupsionit'' dhe ai ka nevojë për ndërhyrje të shpejta të SPAK -ut, për të bërë katarsin e sistemit. Ndërsa me ligjin për mestracionet, nga raportet s'përjashtohen dhe deputetet që kështu shpëtojnë nga diktati i grave deputete '' ndaj burrave të kombit'' që për hir të vërtetës sikur u dridhet nga pak mustaku nga zëri kundërshtues i garave që pret drejt, pa iu dridhur qerpiku. Me një gur vriten dy zogj. Rehatohen gratë me raportet për ligësitë e periodave, por dhe foltores së parlamentit ec dhe t'i largohen karriget me këmbë përpjetë, nga burrat deputetë të rithemelimit të cilët, gjejnë mënyra për të demostruar forcën e muskujve, në mungesë të fuqisë argumentuese të mendimit. Për të qenë të vërtetë fjala e deputetit Braçe, nuk kaloi pa zë edhe pse nga skajpi. Ekranet e mbrëmjes e muarrën në diskutim përmes mjekes gjinekologe e cili në pyetjet nga gazetarët, nuk e shikonte të arsyeshme raportin, për faktin se farmacitë tani, kishin ilaçe që qetësonin periodat e grave, biles edhe në pyetjet e vetë grave nëpër rrugë ne emisioni ''Xhade'', opinionet ishin pro dhe kundra, por më të shumtat e shihnin si një pamundësi sepse, sillte mungesa të mëdha në punë. Imagjino, vetëm në arsim seç mund të sillte në mbarëvajtjen e shkollave. I shtruar në sallën e parlamentit mund të hajë diskutim. Deputetë të cilët kanë dalë, jo nga dyert, por nga dritaret e shkollave, me siguri do t'i këtë mbetur diçka nga figurat stilistike të 9 vjeçares, kështu që duke e parë, hollë- hollë propozimin e kolegut, mund të ngrenë kartonët e jeshil sepse në fund të fundit, është një zgjidhje e shkëlqyer, për t'i dhënë dorë shkarkesave në parlament të cilat, janë kthyer në perioda grash, duke zënë frymën foltores me karriget e hedhur si mullarë të ngrëna bari, që edhe me kaq, o gjë, në sytë e popullit, salla e parlamentit të duket si një gropë e zezë, ku lëvizin hienat në kërkim të gjahut, le pastaj të boshatiset edhe nga raportet e grave në kohë periodash, komisioni i etikës duhet të mbetet i mbledhur për t'i treguar udhët të paudhëve të parlamentit. E morr deputeti Braçe !? I bije pragut të dëgjojë dera, por me deputetë që i zgjedh populli dhe jo, me lista emërore të kryetarëve të cilët zgjedhin emra, të hurit e të litarit, dhe jo mendje të ndritura të kombit të cilave truri u punon për punë të mëdha, e jo lojëra deputetësh që as hipen e as ngiten. Bën mirë që të kërkosh një ligj që të nxjerrë jashtë ligjit mestracionet e korrupsionit të parlamentit, me qëllim të pastrohet tempulli i demokracisë nga ca koka të krisura që mendja u punon vetëm në ngritjen e shereve, për të hedhur gurin e fshehur të vërtetën e luftës ndaj hajdutërisë, me ca komisione të cilat në vend të pastrojnë, shtojnë periodat ''menstruale të deputetëve'' nën hetim për korrupsion,- s'kishte të ndalur miku, kur ekrani i shfaqur në një cep të bulevardit, solli pamjen më tragjike të deputetëve të rithemelimit të cilët në vend të uleshin për të diskutuar projekt buxhetin e 2024 siç ishte në programin e së hënës në parlament, përpiqeshin të merrnin peng seancën, duke u përgjëruar për demokracinë e munguar sepse nuk lejohen të ngrihen komisionet hetimorë parlamentare të vendosura në kushtetutë, kur dihet në 32 vite, seç ç'korrupsion galopant është prodhuar, edhe nga turbullirat e ujërave të drejtësisë nga hetimet sa për sy e faqe të parlamentit. Por ç't'i thuash deputetit Braçe për ligjin avangard, kur deputetët tanë duhan një ligj që t'i shoshitë mirë e mirë pa të trokasin në salla e parlamentit, se kështu e kanë kthyer parlamentin një han pa porta. Të kapur në panik nga SPAK-u, fshihen pas imunitetit të deputetit, a thua se parlamenti, është dera e kishës që fal mëkatet e korrupsionit, e pastron mestracionet e trurit të deputetëve e qeveritarëve të cilëve, miku i vetëm që u ka mbetur janë, karriget të cilat, i hedhin e presin nëpër sallë dhe ato, këmbë përpjetë se këmbë, përpjetë u qëndrojnë, po pa qenë në gjendje të ngrenë zërin për t'i shpëtuar nga korrupsioni i cili në dyert e SPAK-ut, nuk mund të dali nga zyrat e tij, pa i dhënë dënimit gjithkush ka ndyrë duart me taksat e popullit.