Për sa kohë do ta kërkoni humbjen nga Rama, e keni te sigurtë opozitën

U deshën gënjeshtrat e para të Berishës për të mos i njohur zgjedhjet dhe u vargos e gjithë suita e tij për ta mbështetur. Thonë e çfarë nuk thonë, po nuk paraqitin asnjë fakt. Të gjitha gënjeshtrat i përmbledhin në një pikë: “Na vodhën!” Nuk duam të hyjmë në qesen e tyre, por nuk e kuptoj se si mund të nxjerrësh një konkluzion të tillë që ditën e parë të shpalljes së rezultateve dhe pa bërë asnjë analizë. U sërosën burrat e botës dhe kopjuan gënjeshtrat e atij që e quajnë kryetar, të krekosur duke i lëshuar rrufetë të gjitha mbi Ramën! Qysh harruan kaq shpejt këta kopjues zotimin e Berishës, se do t’i sillte në pushtet në 14-maj. E në 15-maj e gjithë Shqipëria do të gdhihej blu! Nuk e di si i harruan gënjeshtrat 32-vjeçare këta mendje çarçafosur?Të tetë vjetët rresht, që Rama fiton zgjedhjet, nuk u ulën një herë të kuvendonin me veten e tyre, qoftë edhe në heshtje, po e kanë gjetur më lehtë të akuzojnë Ramën, sepse po të veprojnë ndryshe, i gjithë zgjoi i bletëve do t’u mbetet bosh. Me sa duket edhe ata që angullitin pas të parit, u kanë pëlqyer gënjeshtrat e tij dhe rrinë të qetë. Ata e dinë se opozita nuk u ka sjellë asnjë alternativë në të gjitha proceset zgjedhore që janë organizuar dhe nuk e vrasin mendjen. Përballjen për humbjen ua kanë lënë inatçinjve, që, në vend ta denoncojnë Ramën në organet përkatëse, kokolizen me veten e tyre dhe zhurmojnë kot së koti. E drejta nuk fitohet me zhurmë, po nëpërmjet institucioneve ligjore. Dhe ai që u quajt i pari i tyre, na mbeti te bishti urës. Ai kishte bërë shumë hakërrehet ete dhe populli ja tregoi vendin ku i takonte. Po si mund t’i fitonin zgjedhjet dyshja Salike, kur atyre nuk u rrahu teçelja në një vend?Në të vërtetë votuesit patën shpresë, jo tek sinqeriteti i Salikes, se ishin ngopur me gënjeshtra, por tek ulërimat e tyre, për të cilat ishin dalluar. Po pushteti nuk merret me ulurima e sharje. Sa herë u zotuan se do ta rrëzonin Ramën megjithë qeveri?Si mund ta rrëzonte një qeveri të organizuar, një batalion opozitar i shkatërruar? Opozita nuk po gjen gjuhën brenda vetes. A i patë gjatë zgjedhjeve si vepruan?Le elektoratin nuk e kishin në refene, po u vunë në garë me veten e tyre, se kush do të merrte më shumë këshilltarë e kush kryetarë bashkie Brenda vetes. Po me pushtetin e organizuar kush do të merrej? Dhe tani na del Berisha e kërkon të struket tek ata që e kanë ndjekur prapa, se ashtu i thotë statutii partisë. Mirë që ai e gjeti strehën e shpëtimit, po anëtarësia me Liken ku do të mbyten?Ju paskeni punuar për të gjetur ndonjë strehëz për të future kokat, jo për të marrë pushtetin. Siç e shikoni, ata nuk kanë punuar për ata që i ndiqnin pas me ulërima, po për veten e tyre. Dhe ata mbetën sërish në vend, po ndjekësit e tyre ku do të sterrohen! Tani, atyre që u ka ngelur ende ndonjë lugë mend, humbjen ta kërkojnë tek Saliket, që u premtuan qiejt, jo tek Edi Rama. A e patë hartën elektorale si skuqte fund e krye? Po kur u ngritët në 15-maj a patë ndonjë shenjë blu në Shqipëri? Na doli një farë Paloke dhe krekosej në ekranet televizive, sit ë ishte fitimtar dhe na publikoi kopjen e plotë të gënjeshtrave të Salikes. Dhe defekti na qenkësh tek mungesa e komisionerëve, numëruesve dhe mungesa e emrit të Berishës në fletën e votimit!. A thua të ishte kaq idiote anëtarësia, që të besonte këto përralla. Atëherë unë kam të drejtë të bëj nja dy pyetje. Çfarë e kishte emrin partia e Berishës, që të vinin emrin e tij? Po numëruesit dhe anëtarëve të komisionit për cilën parti t’i regjistronin? Të keqen e keni Brenda vetes dhe vetëm tek një njeri, që e shkatërroi procesin zgjedhor duke e lënë partinë jashtë gardhit. Nëse nuk doni ta kuptoni, ta gëzoni pozicionin e opozitës. Po partia ku jeni rreshtuar ju, çfarë emir ka?Kush e la pa emër partinë e Berishës, ku jeni rreshtuar dhe ju? Mos u mundoni t’ia hidhni fajin e humbjes Bashës, se gjoja, ai ua paska prishur partinë. Brenda partisë, madje në komandë, i izoluar, ishte Berisha që nuk e linte të merrte frymë Bashën, si nuk e kundërshtoi për bojkotet që fundosën krejt opozitën. Zotërinjtë tuaj nuk e gjetën gjuhën brenda vetes, si mund ta gjenin me Ramën e të fitonin?