Përballja e sotme me sistemin e batutës "andrra në beze" e kultivuar në kohë!

Ndërkohë që Benet Beci bën përpjekje jo të zakonshme të kthimit në Shkodër të urbanitetit dhe moralit të humbur qytetar, Edi Rama kujtohet të postojë foto për qytetin e madh mes ujrave, maleve dhe liqenit të mrekullueshëm. Rama jo pa qëllim poston dhe kujton premtimet për Shkodrën tjetër, atë ndryshe të sotmes dhe alternative të këtyre 32 viteve. Ai po kujtohet se e di që në Shkodër ka humbur disi besimi dhe se ka mbaruar pothuaj durimi.Jo, durimi për fitoren e tij dhe Benetit, por durimi se mund të ketë forcë ndryshimi.Janë raskapitur nga vitet e gjata të mbylljes së Shkodrës në laborator kaviesh politike. Janë lodhur nga koha kundër dhe përdorimi i njërëzve të kësaj kohe në pushtet të stërzgjatur. Rama bën mirë që kthehet me këtë mënyrë për të mbjellë besim. Përpjekjet e Benet Becit megjithse janë të sinqerta dhe të mirëpritura duan mbështetjen e tij.Po pse kjo përveç dëshirës së KM për të ndryshuar Shkodrën?  Po ja një arsye! Vetëm në Shkodër batuta merr kuptim "akademik" në përdorim urbano gjuhësor! Shkodra siç e di dhe KM me një pjesë të origjinës nga ajo, ka të vetën batutën të zgjatur deri në barcoletë.Pothuaj në mos më shumë se ajo që Rama ju tregoi për Putinin në Slloveni. Po dhe që Bildit na i kishte mbetur hatri...????? Por, në Shkodër thonë: andrra në beze!!! Janë cinikë dhe tallës deri në grotesk për një zotim, angazhim, premtim apo propozim! Me ngulm mos besues dhe për ide të mëdha zhvilluese. Kur duan të ulin një ideues apo vizionar thonë: andrra në beze ( film) ose uuu punë prrallash! Shpesh kjo batutë qëllimkeqe përdoret për të ndalur një ide apo propozim. Shpesh me qëllim mbajtjen e statukuosë ose mos lejimin e  një diçkaje ndryshe. Andrra në beze si batutë sot në Shlodër është ajo e zotimit të largimit të prapambetjes së saj.Andrra në beze sot në Shkodër është angazhimi për kthimin e një Shkodre krenare dhe të mirëqënur.Andrra në beze sot është - Shkodra pa qeverisjen e atyre që e kanë kthyer Shkodrën në një katund të periferisë së humbur.Po unë besoj se ajo pjesë shkodrane e KM së Shqipërisë e di.Besoj se Benet Beci me të "lufton" përditë. Besoj se një pjesë e angazhuar e ndryshimit ( jo të gjithë) po e përballin. Tashmë kësaj "andrre" duhet tja "shkyjnë" bezen dhe ta kthejnë në të vërtetë. Besoj...