BREAKING NEWS

Koronavirusi drejt zhdukjes në Shqipëri, ja sa persona kanë rezultuar të infektuar me Covid-19 në 24 orët e fundit, asnjë humbje jete

Koronavirusi drejt zhdukjes në Shqipëri, ja sa persona kanë
x
BREAKING NEWS

Mjekësia në zi/ Ndahet nga jeta mjeku i njohur shqiptar, kolegët e tij japin lajmin e trishtë: Humbje e madhe! (EMRI+FOTO)

Mjekësia në zi/ Ndahet nga jeta mjeku i njohur shqiptar, kolegët
x

Opinion / Editorial

Presidenti apo Avokati i Popullit? KPA në ngërç

Presidenti apo Avokati i Popullit? KPA në  ngërç

Që nga 18 Marsi 2021  Komisioni i Pavarur i Kualifikimit ka 1 anëtar më pak. Luan Daci u dënua përfundimisht nga Gjykata e Apelit për falsifikim dhe liroi zyrën, duke hapur vakancën për pozicionin e tij. Pas 1 muaji e gjysëm nga kjo vakancë nuk ka ende një zhvillim për fillimin e procedurave të zgjedhjes së anëtarët të ri.  Presidenti i Republikës, si autoriteti që duhet të iniciojë këtë proçes, ishte i zënë ethshëm gjatë kësaj kohe në ruajtjen e votës gjatë fushatës elektorale, në debate të panevojshme me partnerët ndërkombëtarë dhe së fundi në " impeachment " e rradhës nga Kuvendi. Në fakt, duke parashikuar në ligj pamundësinë e Presidentit për të hapur procedurat e vakancës për KPA, është përcaktuar se Avokati i Popullit mund ta fillojë këtë procedurë në mungesë të tij. Mirpo deri tani as Presidenti dhe as Avokati i Popullit nuk janë koordinuar se cili duhet të fillojë këtë procedurë. Pretendimi në distancë i Presidentit se nuk është njoftuar zyrtarisht mbi largimin e Z. Daci është jo në pajtueshmëri me kompetencat e tij, duke ditur që ai inicimin e ka të drejtë që e ushtron ex officio pa qënë nevoja që të lajmërohet nga ndonjë institucion tjetër, për sa kohë vendimi gjykatës është i shpallur publikisht. Në rastin e Avokates së Popullit ajo duhet të interesohet zyrtarisht mbi këtë mosveprim të Presidentit dhe më pas të vendosë për të vijuar më tej këtë procedurë me zëvendësim. Deri sa të dy këto institucione të koordinohen për të vendosur se çfarë do të bëjnë, KPA do të jetë e futur në një ngërç të panevojshëm.

Gjithsesi Avokati i Popullit  45 ditë pas mungesës të plotë të veprimtarisë së Presidentit tashmë është i futur në procedurë.

* Profesor në Fakultetin e Drejtësisë Tiranë dhe ekspert i çështjeve të reformës në drejtësi